## صغيرة سن واغواها الدلال ودم الأعرابي ##

[align=center]خلاص من القطين اللي نشف عده وشح بماه
خلاص من المحـل ودهـوره أبشـد بركابـي
تفضل روح مرواح الصبي مقيط هو ورشـاه
ماوالله ترتعش لاأقفيت عني خرس الأهدابـي
وانا برحل على كف الزمن وامشي على مشهاه
وادور لي مكانٍ لـو كرهتـه بـس يرضابـي
ولكن.. لحظه اعطيك النهايه واعتبرها وصـاه
وانا أصغر منك بس العقل ماينقاس بحسابـي
ترى كل القصيد اللي كتبت وقلت فيك ...أقراه
يميـن الله ماخطيتـه بحضـرتـك فكتـابـي
أغني به على ماقالـوا (يغنـي علـى ليـلاه)
صغيرة سن واغواهـا الـدلال ودم الأعرابـي
تضم الجـرح وتمـوت بكرامـه ماتقـول الآه
لو أن أكبر مصايبها رحيلـك يـاأول أحبابـي [/align]
[align=center]أختي كبرياء الشعر


كما عهدناك وعهدك الشعر تميز وتمكن


صح لسانك على هذا الشامخه

دمتي بخير[/align]