شرحك سرى يالكدادي !

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
راعي الكنـْود يناديني وينشـد عن حدودي = قلت في قمّة جبل وأراسلك من بطن وادي
قال فيبر قلت توجيهـي ومـوجاته شهودي = كبسةٍ من ريشتـه تحرق محطـات الروادي
لكن إطلع خمْسه وعْشـرين وإهـرج بالركودي = تاخذ علـومي وتعطيني علومك يالكدادي
قال مابه علم من بيتي لشيباني لذودي = دام ستر الله على من يتقيه من العبادي
قلت له شرحك سرى وأستار وسهود ومهودي = ماعليّ خلاف في درب الهدايه والرشادي
لكن صروف الزمن خلتني أسير مْـحدودي = ثلـّمت كل السيوف اللي معي كانت حدادي
الله أكبر كلمّا بيـّنت في الموقف صمودي = وقفةٍ جنب الصديق ووقفةٍ ضد المعادي
الزمان يبيـّح أموالي ولا بيـّح سدودي = والله إني ما انثني برعاية الله عن مرادي
بكرتي يابكرتي والاّ قعودي ياقعودي = وصلّوني ديرةٍ من دونها وقـّف جوادي
ماكبا لكن وقف والعود في عين الحسودي= صابته عين الحسود وهو من خيولٍ عوادي
الوكاد إنّي على أيّة حال بأرقى للسنـودي = أحتزم وأطلع سنود نهاية العلم الوكادي
ماعليّ من الحسود وماعليّ من الحقودي = كلمّا زادو الأذى لقـّيتهم صبر المهـادي
واحد صخـّن شهر وأنطق صدره من برودي = أحترق كيف أحترق والجو كاسيه البرادي
يحسب إنه بعدها عوّد معه راس الشرودي = مادرى إنه في المجي عادي وفي الروحات عادي
أنصـلخ من عالم إكليل الحـداثه والورودي = وأندمج في عالم الكوره وتشجيع النوادي
صاح وصياح السهارى منه يصحون الرقودي = بس حلق أكبر مصيّح تقفله علبة زبادي
والهروج الزايده ماهيب بمنتوجي وفـودي = ياجليل الملك جنّب خطوتي درب الفسادي
يالكدادي والكلام يطـول عن بيضٍ وسودي = قال سولف يالجنوبي عن بياض وعن سوادي
قلت له هأسمع وجودي ياهجوس الشعر جودي = بالجـزايل شـرّد القيفان يامدوّر جدادي
لأوّله من الأوّلات فيا وجودي يا وجودي = ياوجودي ياوجودي لا طرى طاري الجهادي
وياجودي يوم أشوف القدس في حكم اليهودي = ويوم بغداد العراق تصير للكفار نادي
العلوم مصلّحه والحبل ملوي ومْعقودي = نجتهد في المخطيات وننثني دون المقادي
السوالف في ال***** في حدود وفي قيودي = دونها لوحة تمهّل قبل ممنوع التمادي
لكن إشرايك في دْيانا وقصتها مع المملوح دودي = والشبح ليه أنقلب واللي يسوقه وين غادي
وأعطني رايك بروتانا الطرب جارة ملـودي = شرّبت نجم الخليج القاز من طاسة هنادي
والجماهير القيام أضعاف ذولاك القعودي = وحكّ خدك ياجواد وجرّ صوتك ياعبادي
استريحي ياجنـوده وأستعدي ياجنـودي = إستعدي وإستريحي لون ذا الليله رمـادي
والاّ وش رايك بصفقات اللعـيبه والعقـودي = بيع تحت المكرفون وياهلالي وإتحـادي
يالكدادي مابقى الاّ قصّة السـوق السعـودي = قبل قولة يابلادي واصلي عاشت بلادي
أسهم السوق السعودي لا نظـام ولا بنـودي = يمشي السهم الصغير اليا مشى السهم القيادي
جيته بكلّ النقود وردّ لي ربع النقودي = ياحسافه يالتعب والزرع دكـّوه الجرادي
يالكدادي مابقى الاّ عفاك وأشكر لي جهودي = جبت لك كل العلوم بحد عرفي وإجتهادي
يالكدادي كان تسمعني أجب يبن الفهودي = وخمسه عشرين فوق وماسمعت الاّ الدوادي
يالكدادي جعل يومٍ زعـّلك ماعـد يعـودي = يالكدادي يالكدادي لا حياة لمن تنـادي
كنـّي أدعي ميّتٍ في القبر من بين اللحودي = والكدادي مات في ظنّي وفي حسب إعتقادي
وقبل ما أسكّر جهازي صاح جعلك ماتزودي = قلت جعلك ماتفيد إش فيك ماأوحيت المنادي
قال مازانت علومك في نزول وفي صعودي = قلت يا جمـّال خلاّك الزمـان الصلف حـادي [/poem]

محجوووووووووووووووووووووووووووزززززززززززززززززز

ولي عوده

يا سلام عليك يا ناصر

صح السانك ولاهنت


قصيده طيبه من راس طيب


لك تحياتي

ناااااااااااااااااااااااااااااااااااااصر ,,,,,,,,,,,,



الله واكبر عليييييييييييييييييييك وياسلام عليييييييييييييييييييييك,,,,





جزل جزل جزل قصيده من الطراز الاول وتمكن فذ وتمكن فريد من نوعه لا توجد الا عند الشعراء

اللي مثلك وشرواك..وصح ألسانك ملياااااااااااااااااااااار مره.



سجل اعجاااااااااااااااااابي.

ارحب ياناصر

يعلم الله اني اطرب لقصيدك

فلا تحرمنا من تواصلك


دمت للجزاله رمزا يحتذى به


اخوك ابو ثامر

الله الله الله يا ناصر يا سلام عليك


هذي عقد ذهب مهب قصيده


ماشالله عليك قصيده من اجمل ماقرءت في الفتره الاخيره



صح الله لسانم مليااااار عليها يامبدع



واذا رد الكدادي قريب ياليت تجيبه



تحياتي

قلت يا جمّال خلاّك الزمـان الصلـف حـادي

الله المستعان

دخلتنا جو غييييييييييييير يا ناصر

صح الله لسانك والله يلوم اللي يلومك

تحياتي

اخوك

ناصر

صح السانك ولاهنت


قصيده طيبه من طيب


لك تحياتي

شوف ياناصر



اقطع ذراعي إن منت مسكون



يا اخي هبلت بي الله يهبل بابليسك



لا تبطي عنا بس