مصافحه أولى || خلك حريص ولا تماشي الرديين

[poem=font="Simplified Arabic,5,black,normal,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
نبدا بذكر اللي خلقنا من الطين = سبحان من يحيي العظام الرميمه
الله الأحد وأسماه تسعه وتسعين = عظيم سبحانه والأسماء عظيمه
من يعبده يبشر بعزٍ وتمكين = ويلقى السعاده والفخر والحشيمه
وكفته ترجح يوم عرض الموازين=وياخذ كتابه باليمين السليمه
ومن اعرضوا عن ذكر ربي مولين=معيشة ضنكه والأنفس سقيمه
ويحشر مع زمرة ابليس الموالين=وفي النار يلعن كل خصمٍ خصيمه
الوقت لويصفى ترى الوقت بيشين=لاتحسب انها لك حياةٍ مديمه
مالك مفر ولا نجاةٍ من أمرين = أما هرم وتعيش عيشه لئيمه
ولا يجيك الموت في رمشة العين = وكلٍ بيلقى ما زرع في قديمه
فلا تغرك الدنيا وفكر الشياطين = عان الدروب البينه مستقيمه
أخذ النصيحه من رجالٍ نصيحين = أهل التجارب والعقول الفهيمه
وصل الصلاة أخلاف إمام المصلين = في روضة المسجد يامال الغنيمه
وأدفع زكاة المال للمستحقين = تطهيرٍ لنفسك وتطفي الظليمه
فرضٍ على منهو غني للضعيفين = تدفع لمسكين وضعيف ويتيمه
والأمر بالمعروف مافيه ثنتين = واجب على من كان مسلم يقيمه
والنفس حصنها بالأذكار تحصين = يحفظك رب الكون من كل غيمه
ولاتهين نفسك وأرفع الراس لا يلين = ومن لان راسه مايذب الخريمه
والرزق عند مكون الكون تكوين = الواحد اللي عايشين بنعيمه
يامنذرٍ خلقك برسل ونبيين = يامكلمٍ موسى وموسى كليمه
أنك تثبتنا على الحق والدين = والأمن ياربي علينا تديمه
هذا زمانٍ فيه ناسٍ كثيرين = نظراتهم بالناس نظره عقيمه
لاصار ما تملك فلوس وملايين = ولوك من أصحاب الفعول الجسيمه
قالوا ان فيك من العذاريب سبعين = وأفعالك العليا تعود هزيمه
واللي عطاه الله قصور وبساتين = لو كان مايسوى ولا نال قيمه
حطوه شيخٍ من شيوخ وسلاطين = ولو كان في سيرته قالوا سليمه
والطيب اللي في الشدايد مع اللين = يمناً كريمه والمراجل هميمه
ومجلسه عامر والعرب فيه طربين = بجزل المثايل والسوالف حكيمه
والعود الأزرق والكرامه خروفين = يالله عسى مثله حياته مديمه
ومن طاب يلقى له شهود وبراهين= والا الردي ماتفرقه من حريمه
دنياً تقلب كل حينٍ بعد حين = وتكشف لك قلوب الوجيه الذميمه
اللي تلفلف دايم يسار ويمين = وماهيب تمشي في الدروب السليمه
فخلك حريص ولا تماشي الرديين = درب الردى له عاقباتٍ وخيمه
بدايته شله وسهره وتدخين = وأفلام تدعي للردى والجريمه
في الأستراحه وآخر الليل كاسين = والشيشه أم حبال تعمي بريمه
والموت لامن طاح فأكل أم قوسين = اللي تخلي الرجل مثل البهيمه
ويحتار في علاجه جميع المداوين = ويشب ويرمد سوات الهشيمه
فلا يغركم ملمس جلود الثعابين = نيبانها تعطب عقولٍ غشيمه
فخلك مع رجالٍ قرومٍ وذربين = تمشي قدم تمشي بعز وعزيمه
ترقى سنودٍ مع رجالٍ ميامين = والحر يلقى به صفاتٍ عديمه
ولاتسمع لهرج الضعوف المساكين = شذابة العرقوب وأهل النميمه
اللي تفرق بالحكي بين الأخوين = وتصور الدعوى بكذب وظليمه
وتغتاب منهو غاب بالظلم والشين = وتحش في راع اليمين الكريمه
وترا الجبل لو تنطحه أم قرنين = ثابت ولا تهزه قرون البهيمه
تمت وصلوا عد منهم ملبين = على النبي وعداد ما هل ديمه[/poem]

الله الله



الله واكبر


هطول ابداع وقمة ابداع


مرور اول

صح الله لسانك اخوي عبدالله

قصيده وافيه وفيها من علوم الرجاجيل الشي الكثير وكذلك المناصحه

خطوه اولى في هذا الصرح
مرحبا بك

اخوك ابو نايف

عبدالله

صح السانك ولاهنت

قصيده رائعه من شاعر اروع


لك تحياتي

الزميل الشاعر / عبداللة القعيمه

صح لسانك وسلمت

قصيده طيبه

وحضور جمييييييل


مليون مرحبا بك في النداوي



اخوك
مفرح بن بداح

ولاتسمع لهرج الضعوف المساكين
شذابة العرقـوب وأهـل النميمـه
اللي تفرق بالحكي بيـن الأخويـن
وتصور الدعوى بكـذب وظليمـه
وتغتاب منهو غاب بالظلم والشيـن
وتحش في راع اليميـن الكريمـه
وترا الجبل لو تنطحـه أم قرنيـن
ثابت ولا تهـزه قـرون البهيمـه


الله الله يا عبدالله القعيمه

يا سلالالالام عليك ابيات في قمة الجزاله والحكم

ويامرحبابك في منتدى الطيبين وابرك الساعات

انضمام شاعر مثلك معنا في النداوي

صح لسانك على ذا الابداع يا عبدالله

تحياتي

ابن القعيمه


هلا وغلا ومرحبى مليون


تشرف النداوي بحضورك ياغالي

شاعر جزل وابن علم معروف نفتخر به وتفتخر به قحطان الله يرحمه

وصح الله لسانك جزل وكفو


حفظك الله

أخذ النصيحه من رجالٍ نصيحيـن
أهل التجـارب والعقـول الفهيمـه


أبو هادي صح لسانك

وبيض الله وجهك

صح لسانك يابو هادي

شاعر جزل ومبدع

ولا يستغرب منك الجزاله

فانت من حمولة شعر وجزاله

حسين الحبابي


صح بدنك


واشكرك على المرور وردك الطيب

صح لسانك يابو هادي
وبيض الله وجهك على البيوت الطيبه
سجل اعجابي وتقديري بكل ماتكتب
ووجودك معنا مكسب للجميع

عبدالله صح ألساااااااااااااانك,,,,,,,,,,,,,,,,,,,,,,,,




قصيده وافيه من رجال وافي,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,





تحيااااااااااااااااااااااااتي,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,

معيض الوادعي


أشكرك على المرور


ولاهنت على كل حال

صح لسانك للابد وهذا القصيد اللي ندوره
تقبل التحايا العطره

حسن الوطري





لاهنت على مرورك





أخوك