قصّة غرامي

[poem=font="Simplified Arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
أستغفر الله..... من إذنوبٍ مسوّيها = السحر في سوريا.... وأهله بلبناني
ما أحلى من اللاذقية ... غير أهاليها = ولا أجمل من الطبيعة في بلوداني
وإن كان رحت لحلب ... والا ضواحيها = تشوف سحر القلوب وسحر الأعياني
وإن كان رحت لكسب تعشق روابيها = من زين أهلها يصير لعقلك إجناني
وإن شفت درعا وحمص وطفت أراضيها = تشوف فيها جمال وسحر الألواني
وإن طفت راس البسيط وشفت شاطيها = جبال خضرا .. وبحر ... برسم ربّاني
وإن رحت بيروت.. فتنة ..مثل من فيها = والله ما ودّك تعوّد ديرتك ثاني
والله .... ما خلاّني أعوّد .... وأخلّيها = إلا غرامي ..... وحب القلب لأوطاني
الجادل ... اللي خفوقي حيل مغليها = صدّت.. وهذا سبب حزني وحرماني
من حسنها.. تسحر إعيوني.. وتغريها = ما أطيق هجرانها..وتطيق هجراني
لا صار بعدي رضاها..كيف أبأرضيها؟= لا صار جرحي دواها كيف تنساني؟
لا صار قتلي خطاها.. كيف أجازيها؟!!= لا صار حزني عطاها..كيف تهواني؟
لا صار قلبي معاها .. كيف ما أبيها؟ = لا صار ما لي سواها ... بعت خلاّني
وشلون ما أبيع باقي العمر وأشريها؟!= ما دامها عمري وقلبي و وجداني
الكلمة اللي تفرّحها ........... تبّكيها = وأنا سكاكين صمتي تقطع إلساني!
أحبّها ....... وأنتشي ... لا مرّ طاريها = من عاد قلبي.. صغيّر سن.. طيشاني
يا ويل قلبي ........ ليا طوّل تجافيها = ودّعت روحي بعدها ... والعمر فاني
بغيابها ...... كل ما فيني ... يناديها = وإن جيتها .. توّي أدري وين عنواني
سريتها ....... لين طالت بي مساريها = غفيتها ... لين جرح الغدر .... صحّاني
ياما على شانها .. أضحّي وأداريها = وهي .... ولا مرّةٍ ضحّت على شاني!!
لو تطلب إعيوني الثنتين ... أعطيها = وأفزع ليا جاتني بالضيق تنخاني
من زود خوفي عليها صرت ماأجيها = وإن رحت عنها بعيد.. الخوف يحداني!
أخاف لا أصير حاميها ...... حراميها = وأصير .. مجني عليه .. وقلبي الجاني
أخاف أدوّر عليها ....... لين ألاقيها = وش عاد أدوّر بعدها ..... يوم تلقاني؟!!
أحبّها ... حلم ... ياخذني لأقاصيها = أحبّها ..... ظلم ...... للأمجاد ودّاني!!!!
أحبّها ... كذبةٍ ...... ماني براويها = أحبّها ..... نكبةٍ ....... جات إتبّلاني
قصيدةٍ .......... ما تعجّزني معانيها = لا صارت أصلاً .. من أوزاني وقيفاني
قصّة غرامي ... من أوّلها ... لتاليها = بظرب مثل ... واضحٍ لفلان ..... وفلاني
خمسٍ من الضان ترعى في مراعيها = والذيب ... عينه على وحده من الضاني!!
والأربع الباقيه ....... ترجع لراعيها = مصيرها .... يوم .. تلقى ذيب جوعاني...[/[/poem]

والله .... ما خلاّنـي أعـوّد .... وأخلّيهـا
إلا غرامي ..... وحـب القلـب لأوطانـي
الجادل ... اللـي خفوقـي حيـل مغليهـا
صدّت.. وهـذا سبـب حزنـي وحرمانـي

ماجد بن حالي

اشوى انك عودت على الوطن وأهله والا كان ..!!

قصّة غرامي ... مـن أوّلهـا ... لتاليهـا
بظرب مثل ... واضحٍ لفلان ..... وفلانـي
خمسٍ من الضـان ترعـى فـي مراعيهـا
والذيب ... عينه على وحده من الضانـي!!
والأربع الباقيـه ....... ترجـع لراعيهـا
مصيرها .... يوم .. تلقى ذيب جوعاني...

الله اعلم

جزل يا ماجد

تحياتي

ماجد بن حالي صح والله لسانك ودام إبداعك














قصيدة ولا أروع












بيض الله وجهك يالجزل

ماجد بن حالي صح والله لسانك ودام إبداعك














قصيدة ولا أروع












بيض الله وجهك يالجزل

ماجد

صح السانك ولاهنت


قصيده طيبه من راس طيب

لك تحياتي

الأخ العزبز:حمد السحيمي
أشكر مرورك واطرائك وبيّض الله وجهك
أخوك: ماجد بن حالي

رد

لاهنت يابوفيصل على المرور والإطراء
وهذا من طيب نظرك يالطيب...
أخوك: ماجد بن حالي

يا سلالالالالالالالالالالالالالالالام عليك يا ماجد



صح لساااااااااااااااااااااااااااااااااااااااااااااااااااااااااا ااااااااااااااانك


وربي شعر جميل وعذب وخيال خصب


لا فض فووووووووووووووووووك


تحياتي لقلبك وقلمك

ماجد بن حالي


صح لسانك



لافض فوووووك


سجل اعجابي

خالد

الأخ العزيز حسن الوطري
أشكرك على مرورك وإطرائك
وهذا من طيبك وطيب نظرك......
أخوك:ماجد بن حالي

الأخ العزيز: سعد المشاوي
شكراً على مرورك وإطرائك
وشهادتك أفتخر فيها وهذا من طيبك...
أخوك: ماجد بن حالي

الأخ ناصر المجماج
لاهنت على المرور والإطراء
وهذا من طيبك وطيب نظرك وشكراً....