للرجال فقط...ممنوع دخول النساء

[poet font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
اشهد إنّ المره بالنقص عقلٍ ودين = لو تصل ما تصل له فالنهايه مره
ضلعٍ اعوج ولو ظنّيت فيه الملين = مخطرٍ لو تحاول تعدله تكسره
وان تركته بميله يتعبك بعد حين = ما يخلي القراده دملٍ بشعره
بعضهن لو تمرجل بعد سن اربعين = واعجبتك الفعايل فالغلط مااكبره
ولو تروكع وتقرا بالفجر سورتين = دينها ما حكمها تترك البربره
تشذب الرجل لو هو كالجنيه الثمين= صار مثل النحاس وزادته صنفره
وجابت اللي تراكم من قديم السنين= وباعته في الحراج وقيمته ببعره
ولا درى الرجل عنها وقال ماتستحين= قالت آسف تراني خبلةٍ وبقره
او تعنطز وتنكر مقسمه باليمين = صوتها والمصارخ كل جار شعره
وتزعم انك ظلوم ولو تجيب اليقين= انزوت عنك تشهق كنها المبزره
الرجل لو تسامح مره ومرتين = ولو تحمل تحول ذيب ما اجسره
تخسره في ثواني ما يفيد الونين = لو عجوز قلعها مثل قلع شجره
والبعض لو بنيّه فيها عقلٍ رزين= لا لقت من يبربر قالت المعذره
فمن حكى لك حكى بك لو من الأقربين= ومن كشف ستر بيته كاشفٍ لدبره
وكل سرٍ تعدى اثنين لازم يبين= ينتشر ثم ياصل من جهلت خبره
تخسر اسهم حياتك كنك الخاسرين = في تداول بعدما ما صارت المجزره
القناعه مناعه درعك اللي حصين = سدّ باب الطمع بالياس لا تدفره
[/poet]

هلا يابو عبدالله

ماشوف احد رد عليك ( كل هذا زعل والا تحيز ) مدري !!

بس شكل الأسهم أثرت عليك جدا ..

ياويلك من النداويات والمتابعات ..

وترى اي رد يجيني على البريد بحطه باسم اللي ترسله ..

حقيقه يابو عبدالله اشوفك قسيت عليهم بالمره ..

الله يعينك

قصيده اجتماعيه أقرب ما تكون اليه هوالمستطرف النبطي ..


تحياتي

والله يابو ثامر الخوف مليح مانزلتها عندي
ولكن قلت عندك ابعد للخطر
شكرا لك
تحياتي

من خاف سلم ..

وترى مسموح طال عمرك تحط موقعك في التوقيع أقل شي خلنا نزوره ونبارك له فيه ..

تحياتي

وينكم يالنداويات


عثمان انتبه من تحميل الفايروسات


تحذير فقط

عثمان

بيض الله وجهك


ماقلت غير الصحيح

ارق اسنود


صح السانك ولاهنت


قصيده طيبه من راس طيب

لك تحياتي

صح لسااانك يالطائر المهاجر ..

وكلامك في محله ..

وشاعريتك فائقه ..


دمت يابو عبدالله ..

ولك تحياتي وتقديري

اخوك
سعد

عثمان


صح الله لسانك



مشكلتك شاعرنا الغالي انك عممت


نعم في النساء كمن وصفت


و منهن خوات الرجال و أمهات الأبطال



منهن من يرجح عقلها على عقول رجال يحسب لهم حساب


أنت خي الفاضل بقصيدت تعني الأم و الأخت و البنت لأي منا

فهل استشعرت هذا؟؟؟

لا بأس بالطرفة


ولو أنك استثنيت لكان أفضل


سمعنا وجهة نظرك من خلال قصيدتك


و ما تقدم هو وجهة نظر اخوك

على العموووووووووووم



داااااائما نصوصك مختلفة و تجبرنا للتوقف عندها


لك تحياتي

يولك النداويات




وصح لسانك

وجهة نظرك تصف بعض مافي الجنس الناعم



تحيتي لك

ولو تروكع وتقرا بالفجـر سورتيـن
دينهـا مـا حكمهـا تتـرك البربـره


هههههههه


صح لسانك اخوي عثمان


أتفق معك في بعض ماقلت


ولكن بعض النساء قد تقف مواقف الرجال


والأمثله كثيره


احترامي لما تكتب

هلا بك جميعا ومشكورين
على كريم الحضور والتفاعل
والظاهر ان البعض لم ينتبه للإستثناء
بعضهن لو تمرجل بعد سـن اربعيـن
ولم يواصل قراءة القصيدة لمعرفة ايجابيات بعضهن
والبعض لو بنيّه فيهـا عقـلٍ رزيـن

ماقصرتوا يالغالين
تحياتي الطيبة

اخوي العزيز عثمان العبدالله



اخوك ابو نايف وان كان المثل قد قال
لا تبدي سرك على مره ولو كانت امك

وهذا دليل على عدم مقدرة النساء على السكوت

الا ان التعميم فيه شيء من الاجحاف بحق حوا
الام
الاخت
البنت
الخاله
العمه
الجده
هل نستطيع ان نحارب هذا الجمع ونعمم عليهم سوءة بعضهن في بعولتهن او اخوانهن او ابائهن او ابنائهن او حتى عابري السبيل
لقد اصابتك في الصميم
لذلك جرت بالتعميم
كل ما حوته قصيدتك الرائعه واقع حال في بعض النساء
وان مكرهن لعضيم
وان كان بعض الرجال يفوقهن مكرا ودهاء وحيله وخسه احيانا مع احترامي للجميع وانني بذا اهون عليك بأن فيه من بني جلدتنا منهو اشد فتك وتنكرا للمعروف وان كان قد قيل في النساء انهن منكرات العشير في حاله خالصه وليسة معممة
ومع ذلك نحن نتضامن معك في مصيبتك
وابشر بالفزعه
تقبل التحيه والتقدير
ويكفي انك استطعت ان تكتب لنا امثال قد يلجاء اليها من يعاني من معشر النساء كلا حسب العله التي يعاني منها0
اخوك
ابو نايف

هلا ابو نايف ولا يهونون الربع
انا ما عممت انا قلت بعض
وحتى ذكرت أن فيه منهن حتى لو صغيره
تحصلها عقل ورزانه واذا شافت المجالس اللي
ماهي مضبوطة جنبتها ...
اما انهن ناقصات عقل ودين وانهن خلقن من ضلع
اعوج فهذا كلام محمد صلى الله عليه وسلم وليس كلامي.
والهدف كله نصيحة لهن ، بأنهن يقدرن رجاجيلهن
ويبتعدن عن مجالس الحريم إللي مافيها إلا الغيبة
وابداء اسرار بيوتهن والتشذيب في رجاجيلهن
فالهدف ليس محاربتهن ..عسانا نسلم يامعود...
ولاتخاف على اخوك .... تراه عود اقشر ..
بارك الله فيك يالغالي
تحياتي الطيبة

[align=center]الاخ العزيز والشاعر الجزل والمميز : عثمان العبدالله


من ناحيه مقومات القصيده الشعريه .. الجزاله عنوانك دائماً .


أما موضوعها فأني أخالفك بكل إحترام

حقيقه لم توفق أبداً حيث كانت مجحفه في حق أمهاتنا وأخواتنا وزوجاتنا وبناتنا .. بدون مبرر

حتى وأن أستشهدت ببعض ما قال المصطفى ( صلى الله عليه وسلم ) كا نقص العقل والدين والعوج ..

لكن لا أعلم إن كنت تعرف تفسير كلام المصطفى في كلا الحالتين ، أعتقد أنك لو رجعت له لعرفت أنك لم توفق في

توظيفها في القصيده .

ثم أن لي تحفظ كبير على بعض المفردات التي حقيقه لم تراعي فيها مشاعرهن ثم لم تراعي ذوق المتلقي ولا الذوق العام .

مثل : القراده ،، ببعره ،،،،، كذلك ،، بقره ،، مبزره ... دبره .

أسمحلي أخالفك في قولك في أحد الردود السابقه أردت نصيحتهن ،، لان هذا تجريح وأنتقاص واضح بعيد عن النصيحه .

وأنا هنا لست مدافع عنهن ولاكن الساكت على الحق شيطان .

ثم لو أتت أحد الشاعرات بنص مشابه يتكلم عن الرجال بمثل هذه المفردات أعتقد أنه سوف لن يرضيك

ولان يرضي أحد منا وسوف يحجب أو يحذف .

لذلك أعتقد أن المطلوب منك حذف أو تغيير المفردات السابقه الذكر ..

وحقيقه أنت تعرف أنني أقدرك وأحترمك ومتابع لما تطرح للإستفاده من شاعر بحجمك . لكن هذا كله لا يمنع من قول الحقيقه .


حفظك الله .[/align]

هلا بك اخي الكريم عبدالله
اختلاف الرأي لايفسد للود قضية
يبدو انك لم تقرأ "بعضهن" في السلبيات ولم تقرأ
"بعضهن" في الإيجابيات ، فلم يكن هناك تعميم
كما يبدو لك ..
شكرا لك
تحياتي الطيبة