Tweet
[poem=font="Simplified Arabic,5,blue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black"]
زوع قلبي زوع حر من المنقل شهر =تل سبقه وأنكشف عن عيونه برقعه
هده الصقار فى اول مطاليعه عصر=ينهمه بسمه وحلق على اول مطلعه
وهبت النكبا فى اثر يوم نحس مستمر=وادنفت شمس العشي والهبايب تشلعه
لاذكرت موادع الترف في يوم السفر=ونجلٍ شٌراع والدمع محفي مدمعه
اختلط دمع وكحل واختلط روج وعطر=بعطف منديل تمده بيدها مودعه
آخر عهوده حفظته بقلبي ونكسر=صاينه لو ينزع الموت روحي مانزعه
وانطوى من دونها اليآس والموت الحمر=ونقطع حبل الرجاء والوصل من مقطعه
ونتهى حب العمر وبتدى وجد العمر=وجد حالي ماتهنيت اشوفه وسمعه
كل يوم ينتهى يتبعه يومٍ غبر=وكل ليل أرقب عمود الصباح ولا هجعه
ساعةً من دونها يوم وسبوعي شهر=والشهر حسبة سنه والشفق معي ومعه
طيفها في غرقت النوم لا زار وحضر =فج صدري والضلوع لغلاها مشرعه
ويتربع في محانيه في روض خضر=ويقطف انوج ورّد قلبي لا أشر بصبعه
ولا رفعت الصوت انادي عليها ونتضر=ماوعيت الا بصدى الصوت ارده ورفعه
في بنات آدمى وحوى ما يشبها بشر=والجمال اليوسفي تشقره وتربعه
عبرة بالحُسن كان البشر فيها عبر=ازين الزينات ماطى قدمها تتبعه
في طخمتها نور ياقوم يا نجم وقمر=لو يجي في جنبها البدر يرخي الاقنعه
يستحي وجه القمر من بهاها ويستتر=جل من صّوره ما اروعه ما اروعه
وش اوصف وش اقول ان حكت تلفظ درر=ولا صمتت أشفيت في ثغرها وفي منبعه
عود بستان تهزع بطلعه والثمر=في نثيلة جمته روي والغربي زرعه
وجسمها لامن تغريف هبر يعزل هبر=لا قبلت ولا ادبرت تاه فكري مجمعه
ياضنيني عاشقك من فراقك في خطر=مامحى النسيان لحضة وداع موجعه
فدوتك بيض وسمر فدوتك حمر وشقر=وفدوة لرجليك أحلا هنوف مدلعه
وفدوتك عصماء القصايد وفيك أكبر فخر=لو تجدد جرح قلبي علي وتلوعه
العوض في قرة العين عشقي للسهر=والهواجيس وقصيد من الوجد ابدعه
ون بغيت اغرف بحر ون بغيت انحت صخر=مابرد كبدي قصيدي ولاله منفعه
دام مارد أريش العين أبوطرف حّور=مثل من طيرعجاجه وصيده ضيعه[/poem]
زوع قلبي زوع حر من المنقل شهر =تل سبقه وأنكشف عن عيونه برقعه
هده الصقار فى اول مطاليعه عصر=ينهمه بسمه وحلق على اول مطلعه
وهبت النكبا فى اثر يوم نحس مستمر=وادنفت شمس العشي والهبايب تشلعه
لاذكرت موادع الترف في يوم السفر=ونجلٍ شٌراع والدمع محفي مدمعه
اختلط دمع وكحل واختلط روج وعطر=بعطف منديل تمده بيدها مودعه
آخر عهوده حفظته بقلبي ونكسر=صاينه لو ينزع الموت روحي مانزعه
وانطوى من دونها اليآس والموت الحمر=ونقطع حبل الرجاء والوصل من مقطعه
ونتهى حب العمر وبتدى وجد العمر=وجد حالي ماتهنيت اشوفه وسمعه
كل يوم ينتهى يتبعه يومٍ غبر=وكل ليل أرقب عمود الصباح ولا هجعه
ساعةً من دونها يوم وسبوعي شهر=والشهر حسبة سنه والشفق معي ومعه
طيفها في غرقت النوم لا زار وحضر =فج صدري والضلوع لغلاها مشرعه
ويتربع في محانيه في روض خضر=ويقطف انوج ورّد قلبي لا أشر بصبعه
ولا رفعت الصوت انادي عليها ونتضر=ماوعيت الا بصدى الصوت ارده ورفعه
في بنات آدمى وحوى ما يشبها بشر=والجمال اليوسفي تشقره وتربعه
عبرة بالحُسن كان البشر فيها عبر=ازين الزينات ماطى قدمها تتبعه
في طخمتها نور ياقوم يا نجم وقمر=لو يجي في جنبها البدر يرخي الاقنعه
يستحي وجه القمر من بهاها ويستتر=جل من صّوره ما اروعه ما اروعه
وش اوصف وش اقول ان حكت تلفظ درر=ولا صمتت أشفيت في ثغرها وفي منبعه
عود بستان تهزع بطلعه والثمر=في نثيلة جمته روي والغربي زرعه
وجسمها لامن تغريف هبر يعزل هبر=لا قبلت ولا ادبرت تاه فكري مجمعه
ياضنيني عاشقك من فراقك في خطر=مامحى النسيان لحضة وداع موجعه
فدوتك بيض وسمر فدوتك حمر وشقر=وفدوة لرجليك أحلا هنوف مدلعه
وفدوتك عصماء القصايد وفيك أكبر فخر=لو تجدد جرح قلبي علي وتلوعه
العوض في قرة العين عشقي للسهر=والهواجيس وقصيد من الوجد ابدعه
ون بغيت اغرف بحر ون بغيت انحت صخر=مابرد كبدي قصيدي ولاله منفعه
دام مارد أريش العين أبوطرف حّور=مثل من طيرعجاجه وصيده ضيعه[/poem]
[/align]
تعليق