شوفتك

[poet font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]



ماجيت عاني إلاّ على شان أشوفك = واللي خلق ماجابني غير شوفتك
يالشامخه مثل الجبل في وقوفك = غلاك في قلبي شمخ مثل وقفتك
البارحه طرت عليّه وصوفك = عيونك ورمشك وخدك وبسمتك
وجدايلٍ غطّى شعرها كتوفك = وكلامك اللي يدل على ملوحتك
ذكرتها وستأسرتني سيوفك = أسرتني حتى تلذذت طعنتك
جمعت كل الحسن وماهوب حوفك = واللي مزيّن هالمزايا برائتك
رقتك نابعةٍ من أعماق جوفك = وكّأن مابه رقةٍ غير رقتك
يااللي بنومي تعتريني طيوفك = قلبي تفطّر من غلاك ومحبّتك
ودّي بهمساتك ولمسة كفوفك = وودّي أتلذذ في حلاك وأناقتك
تصدق إنّي صرت أشوف (امعروفك) = حبيتها الدنيا بعد شفت طيبتك
في ذمتك قلّي أنا كيف أعوفك = مادام حطيت الفؤاد بحظانتك
سجلت حبي لك بأوّل كشوفك = وصار الغلا قسمك وأنا صرت قسمتك
ويالشامخه مثل الجبل في وقوفك = غلاك في قلبي شمخ مثل وقفتك
[/poet]