₪©ღღ₪ الحبيب الحلم ₪©ღღ₪

[ramv]http://www.6rbqtr.com/muc/16.ram[/ramv]

مدخل:

فجاةٍ نركض على (قوس القزح) والقرب قمة...لين نوصل بالاماني كوكب الحلم الكبير
قلت: يامحبوب حلمي عابرٍ والعمر كلمة...اجمع حروفي بداية كل لفظ الا الاخير



[poet font="Simplified Arabic,4,black,normal,normal" bkcolor="transparent" bkimage="backgrounds/24.gif" border="none,4,gray" type=1 line=200% align=center use=ex length=0 char="" num="0,black" filter=""]
كل ليلة/ القى جنبي طفل يرسمني بحلمه=ويرسم احلامي غيومٍ سود وحصان وغدير
طفل اصم وكان حلمه..يسمع (احبك) من امه=يومها ماتت ومات الحلم في قلب الغرير
يرسم ويبكي وتمسح دمعة الحرمان رسمه=ماعدا وجهي ويجري فوقه الدمع الغزير
حينها كن الهوى شيخ رمى فالحضن عمة=وقال: تكفى, داخلٍ في وجه عهدك يالامير
شلت ذيك اللوحة المذبوحة بسكين همه=لوحةٍ لون الفضا فيها مثل لون النظير
وانتخيت ومحزمي كان الوفا..والعهد همه=وامتطيت حصاني اللي من كثر شوقي يطير
متجه يم الغدير اللي حبيبي كان يمه=اسرع من الريح وسط (اعصار كاترينا) الشهير
مرت الذكرى تضاريس الطريق وصحت بسمه=والصدى من فوق ذاك الغصن صوتي فز طير
كل شيٍ في دروبي يذكره ويبوح غمه=وين ماوديت وجهي شفت وجهه لي مسير
الظلام اللي سكن بين الشجر بالعين قسمه=وخدته تصدر اشعة نورها ماله هجير
وشعره الشلال لكن كفي مايقدر يلمه=لون ماه اشبه بلون الليل في عين الضرير
لو بصق وسط المحيط الاطلسي ينساب طعمه=اعذب من الما الفرات واحلى من (صافي) عسير
الفراشة: لهفتي له..وزهرة البستان فمه=وقفت فوق الرحيق الريق وامتصت عصير
لو شفايفنا تلامس..تختفي بالكون عتمة=وينغرس بصدر رمحٍ من عطب رمشه خطير
ولامسح صدري بكفه يختفي جرحي ودمه=يطلق قيودي بعدما كنت في حبه اسير
كيف مايجرح برمشٍ يخرق الفولاذ سهمه=خد انعم من نعومة / ملمسه مثل الحرير
اه..ياريح العطر لو يختلط مع ريح جسمه=لا..بدون العطر نفحه...ازكى من نفح العبير
سكرتي: لاجا يداعب شعري بكفه واضمه=وقبل اصابعنا تداخل تصبح الغيمة سرير
كيف الاصمخ ماسمعه..وصوته المبحوح نغمة=وكيف الاعمى مانظره..وضحكه النور المنير
الحبيب الحلم عشته واقع وعايش بحلمه=تصدم الارض بعطارد لو يفارقها العشير
يستحق الحب من قلبٍ يموت ولا يذمه=من يقول (الحب اعمى) شوف حبي له بصير
اللقا: مثل الحجير اللي توفت بنت عمه=والامل: شمعة تلاشى في مهب جرح الضمير
اسال: اوراق الخريف اللي تساقط لجل نسمه=فوق كفه ثم تحول ورد: ياعله بخير
لو للدرب الوصل امان ولو للجرح الهجر ذمة=كان ماعشت العذاب المر بالوقت المرير
اقبلت سود الغيوم اللي سما دربي تطمه=كنها وشاحٍ يغطي وجه شمسي لا ينير
وصاحت بسمعي صواعق...قلبها مافيه رحمة=وموقفي بضبط كان: يصير ولا مايصير
انجلى شكي بجذعٍ طاح ولا طاح نجمة=وطحت من فوق الحصان اللي من الضربة كسير
******************************
فجاةٍ نركض على (قوس القزح) والقرب قمة=لين نوصل بالاماني كوكب الحلم الكبير
ينتظرنا حصان ابيض عاشق للاصعب مهمة=لو سلكنا به دروب الموت مايخشى / يسير
*****************************
فوق وجهى صبت امطار الحزن من هول صدمة=صدمةٍ تطرد ضباب الشك عن وجه المصير
فتحت عيني بدمع اللي ترك بالقلب بصمة=فاتنٍ فترة غيابه...صرت للموتى سفير
شفت له وجهٍ مموة..لمحته اشبه برسمه=يشكي الفرقا ودمعة داخل عيوني يحير
قال: احبك كثر ما ترسم مع الاحلام بسمة=كثر ما ظني تطوله بالحكي كلمة ( كثير )
قلت: يامحبوب حلمي عابرٍ والعمر كلمة=اجمع حروفي بداية كل لفظ الا الاخير
[/poet]



:By

خالد الدوسري...او...غريب الروح

خالد

صح لساااانك


خيال



ولا أحلى
تحياتي

االرائع: مبارك

متصفحي اضاء الافاق بمجرد مرورك خلاله

لك من الود اصدقه

خالد

غريب الروح

فجاةٍ نركض على (قوس قزح) والقـرب قمـة
لين نوصـل بالامانـي كوكـب الحلـم الكبيـر
ينتظرنا حصان ابيض عاشق للاصعـب مهمـة
لو سلكنا به دروب المـوت مايخشـى / يسيـر


الله الله


بيض الله وجهك




خالص التحيه والتقدير

خالد الدوسري


صح لسانك

جزل



و

قصيدك



جزل


لاهنت


تحيااااااااتي

ياسلام يا خالد


صح السانك ولاهنت

قصيده رائعه من رائع

لك تحياتي

االعملاق: ناصر الحارثي

حروفي تتباهى بحضورك المشرق

لك من الاماني اروعها

خالد

الغالي: ابو شهاب

انطباعك ينمي عن روح ممتلئة بالجمال

لك من الورد اجمله

خالد

يا سلام عليك يا البناخي

دائما رائع ومتميز

لله درك

وصح لسااانك يا سمي

تحياتي طال عمرك

أخوك

أخوي خالد الدوسري


صح لسانك وبيض الله وجهك


جزله ورايعه بروعـة حضورك


لك فااائق احترامي

المتالق: حسن الوطري
سطوري تنير بمجرد مرورك بينها

لك من التحايا اعذبها

خالد

االرئع: مهدي

تواجدك نثر الورود في ارجاء متصفحي

فادمت بكل الحب

خالد

الغالي خالد

صح الله لسانك و علا شانك

مبدع في كل حالاتك يابو خلود

تحياتي و ترجع بالسلامه يالغالي

اخوك

خالي الغالي: خالد

انطباعك بحد ذاته يكفي

دمت بهذه الروعة

خالد

المشبب: مشبب

مرورك بين طيات همساتي خلف وميض لدى حروفي

فاشكرا لك بقدر احساسك

خالد