مع ارتداد المؤشر(مداعبه للمساهمين)

[poet font="Simplified Arabic,6,black,normal,normal" bkcolor="white" bkimage="" border="solid,4,seagreen" type=3 line=200% align=center use=ex length=0 char="" num="0,black" filter=""]
قالوا ان السوق مدحدر
قلت يالله انك تستر
الدراهم في المحافظ
والبنك شويٍ ويسكّر
**
سوقنا الله يعلم به
طايح في ناسٍ تلعب به
يشوتونه شوت الكوره
والضعيّف ما يكسب به
**
مابين الكنهل والشتري
واللي وراهم مستتري
الجماهير الخسرانه
تدعي فالشفع وفالوتري
**
اللي ورطانٍ فالصاله
يصفق يمينه بشماله
يوم يشوف سهومه طاحت
ودموع عيونه همّاله
**
واللي جنبه ينقب خشمه
كبده من الاسهم منهشمه
متربع ويحاسب عمره
والعالم حوله منبشمه
**
واللي على الكمبيوتر
كنه يعشّق له موتر
تعطل وقت التداول
والهاتف يطلبه يفوتر
**
واللي ماخذها للصاجه
يكاكي مثل الدجاجه
كل فلوسه فالمواشي
والراعي قفّى بنعاجه
**
واللي حاطز فالفنادق
في جنب الصاله ويشاهق
عيونه طارت من راسه
يمد اقدامه ويفاهق
**
واللي طمر فالمصافي
غشيمٍ لاكن متعافي
المبلغ ماهوب هويّن
هذا هاتوا له الاسعافي
**
واللي خذا في صافولا
راحت عويناته حولا
يظهرونه بالنقّاله
فوق الأيادي محمولا
**
واللي تورط فالزامل
يترنح مثل الحامل
لاشافها تحت النسبه
يعض اطراف الانامل
**
واللي دخل فالفتيحي
عانوه يوقّف ويطيحي
يوم انه شاف التجاره
راحت في مهب الريحي
**
واللي تعلّق في الكهرب
ماله مجال انه يهّرب
يبطي وهو في مكانه
يتحكك مثل الاجرب
**
هذا حال اهل التداول
بين البلنتي والفاول
واللي ماهوب مصدقني
يدخل في الاسهم ويحاول
[/poet]

ابو مقبل

صح لسانك

الله يستر لا تكون انت من اسباب انخفاض المؤشر


اسلم وسلم

اخوك

خالد نايف

أبشرك مانيب منهم




كل ما في المحفظة اكتتاااااااااب ينساب و الدريس


و بحول اللي ما تنام عينه أن راس المال مضمون



الباقي عليك يا راع الثقافة العالية

من قصيدتك انك تتكلم عن نفسك في كل ما ذككرت

خيرها بغييييييييرها



تحياتي لك

هذا حال اهـل التـداول
بيـن البلنتـي والفـاول
واللي ماهوب مصدقنـي
يدخل في الاسهم ويحاول


مرحبا يا سعيد

صح لسانك والله يلطف بالمسلمين



مشهور....

ارحب ياخالد
لاوالله الا رايح في خرايطها ياخالد
الخسائر تفتح لها محفظه لحالها
سلمت ودمت

مبارك
والله الظاهر انك ماخذها للصاجه هههههههههههههه
سلمت على ماقلت

سعيد الاكلبي


سلمت ودمت


الله يستر من تواليها


لك فااائق احترامي وتقديري

عز الله انك صادق



مير ربنا يخارجنا





صح الله لسانك




ولك تحياتى

مشهور الخيال
يالله حيه وكلامه الطيب

مهدي بن مسفر الحبابي
لاهنت ياطويل العمر

خالد الذيابي
ارحب ياخالد
نورت الموضوع الله يوفقك
وسلمت يمناك ولاعدمناك