ولا كل عود لو غرسناه صار ضلال = ولا شجرة الزقوم تطلع شجر ندي

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

قصيدة للشاعر الكبير ( عوض بن محمد بن دشيل الحبابي )
ما دام ان عيني ناضرة نازل ورحال= ويقسم عدد واحد لخمسة عشر بدي
ابرسم قوافي القاف لو هي علي ثقال= وبختار منها ما يريح صدى كبدي
وانا احسب المكسب واحسب لراس المال = وافصل على جسمي ثياب على قدي
ولو صارت ايام الزمن بين حال وحال=اماشي زماني لو زماني مشى ضدي
يقول المثل هرج الفتى يثبت الرجال= كلام الفتى وزنه على المزح والجدي
وانا بأركز الذروه لماصك جال بجال= واسيس جدارا لا بنيناه ما انهدي
ولا جيت في سوق الغلى ماصرفت ريال= ابصرف ذهب واملى من الطيبه مدي
واذا شفت سمحين القبل يستريح البال= واجنب من اللي لا بدى واجبه صدي
واجنب من اللي مهنته للحكي نقال= لو اني عليه اصير مجبور منحدي
لا والله ما ابغى منه ما يوزن المثقال = لوانه قريب لي وعدة على عدي
ابمشي وحبل الطيب يدرج به المحال= ولاني من زاد المساكين متغدي
ابرافق اللى بينهم يدرج الفنجال = على صافي النيه على الطيب والودي
رفيق يساعدني لشيل الحمل لا مال= احسبه رفيق ينقل الحمل ويودي
وابصك باب منه يدخل ضعن لنذال= ولو حل في دار من الدار بشدي
ابمشي لو ابعاد المسافه علي طوال= على منهج اهل الطيب ماني بمتردي
قوي العزيمه غالي الجد غالي الخال= لامنه بدا ماجوب لصحاب بيسدي
يسد النوايب واحد(ن) في اللقاء صمال= وردي الجهد تقصر جواده عن الحدي
انا اقول لاصحاب الذهانه وللعقال= يدور الدهر والحبل مفتول ممدي
ولا كل عود لو غرسناه صار ضلال= ولا شجرة الزقوم تطلع شجر ندي
ولا كل رجل لبسله غترة وعقال = يسد اللزوم وينطح القوم ويردي
ولا كل من يسمع لشاوير والعذال= يميح القليب ويجذب الماء من العدي
هذا مثل واهل المثايل تبي لمثال= ولا ني براسم خط لاني بمتحدي
انا جيل من قبلي وبعدي تجي اجيال= وكل(ن) حسب عرفه طوى البيد ويمدي

[/poet]

حجزززززززززززززززززززززززززززززززززززززززززززززز












ولي عووووووووووووووووووووووده

الاخ معيض الوادعي

صح الله لسانك ولسان الشاعر عوض بن محمد بن دشيل الحبابي


عزالله انها قصيده وافيه وفيها من الامثال مايكفي ويوفي


تقبل مني اجمل التحايا

الاخ متعب اليامي

شكرا على مشاعرك النبيله
وابو حمد شاعر معروف ويستاهل الثناء
اخوك ابو نايف

واذا شفت سمحين القبل يستريح البال...............واجنب من اللي لا بدا واجبه صدي

صح الله لسانك يامعيض

الحقيقه انه قصيده تمتاز بجزالتها وقوة معانيها


سجل اعجابي ومتابعتي

وتقبل خالص تحياتي

اخوك علي بن نومه القريشي

معيض الوادعي

ارحب تراحيب المطر

بيض الله وجهك وصح لسانك

جزل ومبدع

الاخ علي بن نومه
سجلناك مع الغالين
شكرا علي نبل مشاعرك
وابو حمد يستاهل الطيب
اخوك ابو نايف

اخوي حمد الحبابي
شكرا علي اهتمامك
وصح لسان ابو حمد
لك تحيه وتقدير
ابونايف

الشاعر ابن دشيل شاعر علم

واذكر محاوراته السابقه مع المسردي رحمه الله

قصيده جزله ووافيه

لاهنت اخي معيض وصح لسانك ولسان ابن دشيل

لاهنت

الاخ عوض الشريفي
تحيه عطره
وابو حمد يستاهل
شاكر
اخوك ابو نايف

الاخ
فلاح
اشكر لك مرورك
ولك التحية
بالنيابه
اخوك
ابونايف

اخوي الغالي معيض

صح الله لسانك و علا شانك

وافي وقصيدك دايم وافي والقصيدة جزله الى ابعد الحدود

لاخلا و لا عدم

تحياتي

اخوك

اخوي مشبب العاصمي
هذه زهره من بستان ابو حمد
لك كل الشكر والتقدير
علي نبل مشاعرك
اخوك
ابو نايف