كلن يقول متنبي عصرنا والا جريره

الاعزاء..

شرفنى صاحب السمو الملكى الامير / سلطان بن عبد العزيز حفظه الله

بالمشاركه بقصيده ترحيبيه امام صاحب السمو الملكى الامير/
عبدالله بن عبد العزيز حفظه الله اثناء زيارته لتفقد القوات المسلحه

فى حفل الاستعراض الكبير الذى اقيم عام 1419ه

والحمدلله تشرفت بالقاء قصيده نالت القبول والاستحسان وسعدت لذلك

وكانت هذه القصيده من الاخ الشاعر المبدع/ متعب غازى العتيبى

صدى لذلك النجاح واعتذر عن نشرها بما فيها من اطراء لشخصى

المتواضع ولكنى لا املك حق مصادرة ذلك ولكى تصل الفكره كامله.


يامطر يشرح نجاحك خاطرى والبال طايب


....................صادق ويشرح لك البين مناخات السريره


قلت واسمعت القياده والسرايا والكتايب


...................والتوت يمك عناق عاليه من كل ديره


صوتك اللى يشبه لمهر سبح بين الهبايب


..................وان بغيته صاخب فى نبرته سيف وذخيره


يامطر واسمك يذكرنى بهتان السحايب


................لا دعاه الغيث عقب امحل وغنى له غديره


لك حضور ماتعوض غيبته لاصرت غايب


...............والغياب ان صار صارت ضجته فى كل ديره


ويوم جينا فى ديار الشعر نوخنا الركايب


...............والكلام ان كان قل ودل يكفى عن كثيره


وانت شاعر تدرى ان الشعر من ربى وهايب


..............ومن عطاه الله خطام الموهبه يرضى ضميره


والحياه ان كان مافيها رفيق فالنوايب


.............عن صداقات الرخا جزنا لو الصحبه وفيره


يامطر جتك المشاعر شعر مافيها شوايب


..............جعل فاللى فاتنا خيره وفاللى جاى خيره




.................متعب غازى العتيبى..................





وكان منى هذا الرد بهذه القصيده.






ياغريب الفعل ياللى ماتقول الا الغرايب


..................ماتغارب فرحتك مادمت اخوى من العشيره



من ورى كل الظنون ووظننا ماهو ب خايب


.................فيك وانت اللى على درب المعرفه نستشيره


وانت مكسر عود ازرق فاح ريحه فالمطايب


...............والكلام اللى تقوله ورد ينعشنا عبيره


والشهاده منك يامتعب تراها اكبر كسايب


...............وانت شاعر مع رجال العرف لك عرف وبصيره



وان نجحنا ما نجحنا الا بعد صبر وضرايب


...............ماوردت العد يا متعب وانا حبالى قصيره


ولا نظمت الشعر ابرضى فيه ناسعة الذوايب



................نا نظمه فاهل السيوف اللى يصدون المغيره



واكثر الشعار يامتعب على الساحه عقايب



................كلن يقول متنبى عصرنا والا جريره



انت فكر فاغلب المنشور وتشوف العجايب


...............والله انا مانميز ويش شعره من شعيره



وكان ما جا للهدف ياصاحبى مخطى وصايب



.............ماعرفنا راعى اليسرى من اليمنى الشطيره



جارك الله من صروف الوقت وفجوع المصايب


...............واسال الله يجعل ايامك يابو غازى سفيره



..........................................................

امل ان تنال الاعجاب...........ولكم اصدق التحايا.


..............مطر بن صالح الروقي...................

متـــــــــــــــــــــعــــــــــــــــــــــــــــــب




ابــــــــــــــــــــــــــــــــــــــــــــــدع




وانت تستحق المدح والثناء والتقدير


.....................................سلمت يداك,.......................

صح لسانك ولسانه يابوصالح



عزالله ابداع مايستغرب على شعار عتيبه الهيلا





وعلى ماقال سعدبن جدلان

لو ان زين الشعر يوخذ قلايع * قِوّم عليكم ياعتيبه حريبه

الاخ الشاعر /مطر الروقي

صح لسان الشاعر متعب وصح لسانك انت ايضا
ولاهي غريبه من شاعر مبدع يستاهل لقب الابداع

الله يوفقك واصل واصل

تقبل تحياتي

اخوى..................ناصر النفيعى


شكرا من القلب.............ولا عليك زود.

اخوى....................الاكلبى

صح بدنك......ولا عليك زود....عزيز ومن قبيله عزيزه


وسعد ما خلا لنا شى من القلا يع.

صح لسان الشاعر متعب وصح لسانك اخ مطر الكل منكم قال واجاد

والى علومه طيبه يستهال المدح


تحياتي للجميع


شقران

اخوى العزيز....................سرحان الوذينانى


صح بدنك..........وتظل مبدع ولا عليك زود.

اخوى العزيز.........................شقران


ماعليك زود يالغالى واسعدنى تواجدك.