تحت عنوان خمسين .. صوت وصدى ..

[align=justify]تحت عنوان خمسين

مجارة لقصيدة الشاعر : غازي بن دخيل الله بن عون – الصادرة بجريد الرياض في 20 / 8 / 1423هـ . (تحت عنوان خمسين ) ويشرفني أن أبتدئ بقصيدة أخي الفاضل الشاعر : غازي بن عون ، حيث قال فيها : [/align]

[poem=font="Simplified Arabic,6,white,normal,normal" bkcolor="coral" bkimage="" border="double,9,sandybrown" type=2 line=0 align=center use=ex num="0,black"]
يالعين صيري دايم الدوم تبكين=على مدار أربع وعشرين ساعه
إرثي لعمر فات وانعيه يالعين=وأبكي على مافاتنا من طماعه
اليوم كملتي من العمر خمسين=تلعبك أوهام الغرور ومتاعه
ياما خدعنا الوقت بالمظهر الزين=واليوم ياعيني عرفنا خداعه
ما ندري إن الوقت له باطن شين=إلا بعد ماقام يسقط قناعه
وإن ما انتهزنا باقي العمر فالدين=ولا خسرنا مالنا من بضاعه
باقي العمر في علم رب الثقلين=تماكني تاليه قبل إنقشاعه
مع هجعة أوباش الملا لاتهجعين=أحيي الدجا ذكر وتوسل وطاعه
إليا بقا ثلث وقضى منه ثلثين=وقت يربح باذرين الزراعه
لاناموا اللي فالملذات لاهين=تضرعي لله باكف الضراعه
ويا الأذان في قول الخنا لا توحين=والذكر والنصح انصتي لاستماعه
إليا استمعتي للذكر والصحيحين=يصر عندك ضد غيره مناعه
ويا الرجل لوحيتي الندا لاتوانين= اليا دعا داعي صلاة الجماعه
ويالنفس مع درب الهوى لاتميلين=بيعيه مثل اللي زهدبه وباعه
الخمسة الاركان لازم تلبين=بتوحيد واخلاص ويقين وقناعه
عسى بتال العمر ثقل الموازين=كود يتعوض ما مضى من ضياعه
سالين كنا دايم الدوم حيين=ولا دامت الدنيا لراع الشفاعه
والأنبيا والأوليا والسلاطين=وأهل المروة والكرم والشجاعه
العبد مهما عمر أحقاب وسنين=له ساعة فيها يطوي شراعه
يرحل وخلانه وربعه مقيمين=وتثير فرقا الشمل بعد اجتماعه
وصلوا على المبعوث جد الحسنين=ما نبت من نبت وما ازهر طلاعه[/poem]




غازي بن عون ،،،


[align=justify]وقد كان صدى هذه الرائعة مني بتاريخ 27 / 8 / 1423هـ بذات الجريدة ، حيث قلت :[/align]

[poem=font="Simplified Arabic,6,white,normal,normal" bkcolor="coral" bkimage="" border="double,9,sandybrown" type=2 line=1 align=center use=ex num="0,black"]

سلام يا غازي العتيبي ملايين=وعداد كيل الحب مده وصاعه
سلام أطيب من عبير الرياحيين=يجيك له مع هادي الريح فاعه
أنا نهار السبت تاريخ عشرين=من شهر شعبان جرى لي اطلاعه
على كلامك تحت عنوان خمسين=بصفحة خزامى حي ذيك الطباعه
قول دليل ومصدره من الدليلين=محلاك ياقول القدا والبراعه
تقول يالعين ادمعي لجل تنجين=قومي قبل يبدي الفجر بانشلاعه
في وقت ينهض به رجال تقيين=خمص البطون ويعشقون المجاعه
لوجيههم مع طلعت النور نورين=نور على نور لراعي الوراعه
نجوم بطاعتهم لربي خفيين=ونجم الدجى ماهو يخفى ارتفاعه
وهذا الكلام اللي له الناس حيين=وكم ميت قمة وكم حي قاعه
الله خلقنا واخبر فيه نجدين=وكل مع نجده يجمع متاعه
يالله لاتخيب رجا راجين الزين=بزين العمل يارب سدد مساعه
يارب عبدك مخلص في قضا الدين=يطلبك يوم الحشر تمن مراعه
قلبه معلق مع جموع المصلين=وعلى صلاة الليل فيه اندفاعه
اللي دموعه مثل سبر الودادين=حارب لذيذ النوم والخوف لاعه
وصلوا على سيدالبشر والنبيين=اعداد كيل الحب مده وصاعه[/poem]



شجاع بن عمر الأكلبي

[align=center]أتمنى أن تحوز على رضاكم واستحسانكم ..!

شجاع الأكلبي ،،،[/align]

غازى بن عون
وشجاع الاكلبي


وكلام كله ذهب ودرر




لله دركم




اشهد بالله انك مدارس شعريه نستفيد منها





تحياتى

اخوي الغالي ابو عمر

صح الله لسانك وبيض الله وجهك و صح الله لسان الشاعر الكبير قدرا وشعرا غازي بن دخيل الله بن عون

وافين ولا تجيبيون الا الوافي

الله لا يخلينا

اخوك

غازي بم دخيل

وشجاع الاكلبي


صحت السنتكم



ولاهنت


اخوكم


الراوي

اللهم صلّي على نبينا محمد


الوافي ابو عمر

صح لسانك وبيّض الله وجهك انت وابن عون

وافيين وقصيدكم له لذّه خاصه ويجبر المتصفح على البقاء مع النفس طويلا

جعلكم في خير وجعل ما تكتبون في موازين حسناتكم


جعلكم تسلمون

ابو عمر

وإن ما انتهزنا باقي العمر فالديـن
ولا خسرنا مالنـا مـن بضاعـه

صدق نعم الصوت .. الله يحفظه

اي والله

الله خلقنـا واخبـر فيـه نجديـن
وكل مـع نجـده يجمـع متاعـه

صدقت صدى ونعم الصدى


الله يحفظكم قصائد يستفاد منها

هذا الكلام الذي نحن بحاجه إليه


ودعتكم الله

ياسلام ياشجاع



صح لسانك وصح لسان غازي


شعراء كبار

ابو عمر



صوت رائع


وصدى اروع



دمتم مبدعين

بســــــــــــــــــــــــــــــــم الله الرحمن الرحيم








الأخ الفاضل /خالد الذيابي








صح بدنك ولا عليك زود يالوافي









مرورك أسعدني









لاهنت بيض الله وجهك















أخوك/ابوعمر

بســـــــــــــــــــــــم الله الرحمن الرحيم






الأخ الفاضل/ فيصل العاصمي








صح بدنك يالوافي








مرورك أسعدني








واشادتك شهاده أعتز بها











أخوك محبك/ابوعمر

بســــــــــــــــــــــــم الله الرحمن الرحيم







الأخ سالم اليامي








صح بدنك يالوافي












تحياتي/ابوعمر

بســــــــــــــــــــــم الله الرحمن الرحيم







الأخ الغالي /جمل القحطاني








صح بدنك يالوافي ......








وأسأل الله العلي العظيم بمنّه وكرمه أن يجعل أعمالنا خالصةً لوجهه الكريم .....وأن يجعل مانتكلم به ونكتبه شاهداً لنا

لاعلينا









وتقبل فائق تحياتي واحترامي









أخوك محبك/ابوعمر

بســــــــــــــــــــــم الله الرحمن الرحيم








الأخ الحبيب /عبدالله بن شايع القحطاني.................سلمه الله









صح بدنك








اشادتك وماكتبته يدل على لين قلبك










أسأل الله لي ولك الثبات











تقبل خالص تقديري واحترامي








أخوك مغليك/ابوعمر

بســـــــــــــــــــــــــــم الله الرحمن الرحيم







الأخ القدير/محمد الدهيمي







مرحباًبك ملايين







صح بدنك يالوافي








مرورك أسعدني يالطيب










أخوك/ابوعمر

بســــــــــــــــــــــــم الله الرحمن الرحيم







الأخ الحبيب /حسين الحبابي








صح بدنك ولاعليك زود







مرورك أسعدني







واشادتك فخرٌ لي










أخوك محبك/ابوعمر