والله لو فالناس رجّال كامل *** لقول داخل بالفعايل ضمنها

تنعاف جده عقب ماشدّ داخل
************ وش عاد ابي فيها وهو شدّ منها
ماعاد لي مقعاد فيها متواصل
************ اشره عليّ ان كان ماشِدّ عنها
وشهوله اقعد فالعنا والمشاكل
************ مادام راح اللي منول سكنها
الطيّب اللي مالطيبه مماثل
************ راعي شكاله غارفٍ من صحنها
عسى يمينٍ غير يمناه فاشل
************ الا يمينٍ تِطلق اللي زبنها
ان قال رايٍ قالوا الناس عادل
************ وان قال كلمه زوّدوا في ثمنها
مايعرف النمّات والا المجامل
************ ماهمته دنياً تزايد عفنها
رجّال عرفٍ للقرابات واصل
************ وقت اللزم كل الضغاين دفنها
من شبّته ماشي دروب المراجل
************ وانا اشهد انه راضعٍ من لبنها
ماظنتي مثله تجيب الحوامل
************ شرقٍ وشام وغرب والا يمنها
والله لو فالناس رجّال كامل
************لقول داخل بالفعايل ضمنها

[تم تعديل الموضوع من قبل ابوسجود بتاريخ 05-17-2001 الساعة 11:03 AM]

هلالالا ابوسجود...
صح لسانك..
وش عاد اقول...

مبدع...

.
.
.
.
.
.
.
.
.
.
.
.
.
.
.
.
.
..
.
.
.
.
.
.
.
.
.
.
.
.
اخوك/ عبدالله

.
.
.اخوي
.
.انت جميل جدا
.
.انت مبدع
.
.انت رايع
.
.ولا تحرمنا من ابداعاتك

الأخ الشاعر / ابو سجود

والنعمين فيك وفي داخل.

قصيدة شهمه من رجل شهم ،صح لسانك وسلمت

ابن ذويبان

هلالالالالالالالابك

وصح بدنك

فهد التوم

المبدع الرائع المتواضع

شكراً على كل حرف خطته يمينك

دمت لاخيك

جابر السلمي

ماعليك زود يالطيب النقي السريره

لك كل الحب والتقدير

ابوســـــــــــــــــجود

كلمات معبرة لاتصدر الا عن شاعر حقيقي بمعنى الكلمة
فعلا اجدت
الى الامام فانت مبدع



لك تحياتى

ناصر النفيعي

اشكرك من كل قلبي

على هذا الاطراء

الاخ ابوسجود صح لسانك والطيب يستاهل كل طيب

عسى يمينٍ غير يمناه فاشل
************ الا يمينٍ تِطلق اللي زبنها


هذا الصحيح يابوسجود

هلا اخوي شقران

صح بدنك طال عمرك