القصيده التي القيت امام سمو سيدي ولي العهد لزيارته (((( تبوك))))

[poet font="Arial,6,black,normal,normal" bkcolor="transparent" bkimage="backgrounds/7.gif" border="ridge,9,gray" type=2 line=200% align=center use=ex length=0 char="" num="0,black" filter=""]
قاله اللي جاه هاجوسه من الفرحه وغنا=قاله اللي في نهار العيد غناله قصيده

قاله اللي ما تكلف بالقصيد ولا تعنى =شاعر(ن) ينظم بيوت الشعر ما يفنى رصيده

مرحبا ترحيبة(ن) ما جبتها منا ومنا =غاليه ما جابها بين الرجال الا وليده

مرحبا وأهلا" عدد ما نجرها دندن ودنا=مرحبا وأهلا" عدد ما نارها ظلت وقيده

مرحبا وأهلا" عدد ما ركبت هيل(ن) وبنا=وانتعاشتها زكيه وابتسامتها جديده

مرحبا حييت يا سلطان يا سيف المثنى=مرحبا حييت يا الدرع السعودي يا عظيده

مرحبا حييت يا صاف الغمام اللي وصلنا=تسبقه هبة نسيم البارده والخير بيده

يا هلا يا كل طيب ويا هلا يا كل فنا=يا هلا يا كل عيد(ن) يفرح العربان عيده

والله انه سيدي في عام الأول غاب عنا=يا عساه بخير راع الخير والخيره تفيده

يا ولي العهد راع العهد روض(ن) ما يسنا=وانت في كل الدول روض(ن) خضر ينبض وريده

يا عضيد اللي على داره وشعبه ما تونا=خادم البيتين جعل الله من انعامه يزيده

الزعيم اللي يقول الله وبالله استعنا=ما يزيده غير قوة باس وافعال(ن) حميده

راعي القلب الحنون وراعي السيف المحنا=ما تلد عداه يم ايداه لو كانت شديده

كم على فينا مع العالم وكم طلنا وطنا=كم بنينا من مشيده واعتلينا في مشيده

سدد المولى خطاكم داركم منكم تهنا=عزكم ربي بحمل الملك وارياكم سديده

تمت البيعه وزانت حالها منكم ومنا=تمت البيعه وحنا شعب ما يخذل عقيده

حافظين عهودنا اللي ما ضيات انتم وحنا=نعطي الطاعه لكم وانتم لكم حكم العقيده

ما تهاونا ولا رغنا ولا بقنا وخنا=تشهد ايام(ن) طوال وتشهد ازمان(ن) مديده

من على عبدالعزيز وعهدنا من عهد اهلنا=ومن بعد عبدالعزيز سعود نفعل مايريده

ومن على فيصل عسى فيصل بروض(ن) ما يسنا=ومن على خالد وهو خالد ف الايام السعيده

لين ابو فيصل فهد ياكم نكن وكم نحنا=وان ذكرنا انه فقيده راح قدامه فقيده

الزعيم اللي يعدلها ليا كانت تثنى=والزعيم اللي يقربها ليا كانت بعيده

لين ابو متعب ويوم انه على العالي حملنا=الله اللي في مُولين الامر وصى عبيده

ف الليالي اللي مضت وايامنا اللي قد مضنا=والسنين القادمه وايام ربي المستزيده

كلنا شعب(ن) وفي بالله وبالحق اتكلنا=قادنا عبدالعزيز ومن حفيده في حفيده

وافرحي يادار في يوم الوطن جا مانتمنا=فرحة(ن) ما مثلها فرحه وذكرانا مجيده

جعلها فرحه على اللي فرحته فرحة وطنا=وجعلها كيه على روس الشياطين المريده

شلة الارهاب يالله شلها لا تمتحنا=شلة الفكر الظليل ارواحهم ماهي شهيده

يحسب الشعب السعودي يتبعه في كل ضنا=من بغى فعل المكيده طاح في شر المكيده

وبعد هذا القول يا سلطان يا زبن المجنا=عن كثير القول يا ليث الوغى يكفي مفيده

قدمك رجالك وانا منهم وهذي هي بدلنا=كل واحد بينهم قلبه تقول انه حديده

والله ان بدالنا هذي وهذا هو كفنا=ما *** ولا نهاب ارواحنا فيها زهيده

والله انا نزبن اللي لا بغى يزبن زبنا=لو يطير الطير في جو العلالي ما يصيده

ومن بغى مكر وخديعه قابله رمح(ن) مسنا=ف البسيطه نحكم القالات والا ف العنيده

كم اخذنا وكم عطينا وكم وقفنا وكم صملنا=وكم تشوف قلوبنا ياسيدي ماهي بليده

عان ف اقدمنا وف احدثنا رجالك حيث كنا=سيفك اللي لو تمده من على العالي تبيده

ويا السعود انتم لنا مثل النجوم اللي علنا=حكمكم فينا كتاب الله وحكمتكم فريده

قاله اللي جاه هاجوسه من الفرحه وغنا=شاف خاله شاف عمه شاف جده شاف سيده





صالح بن حسن الازوري
[/poet]

صالح الازوري

عيدك مبارك ياغالي

وصح لسانك قصيده شامخه

تحمل الجزاله في كل بيت منها

لاهنت ياغالي


حفظك الله

[بنت وايل]

صح لسانك مدد



جزاله عانقت السحاب


ويستاهل الامير


ولاهنت

الله اكبر يا صالح




قصيدة وافيه وجزله نت شاعر جزل





قلت وطلت يابعد راسي




تحياتى

عبدالله ابن شايق القحطاني


سلم غاليك


ولا هنت

وكل عام وانت بخير




تحياتي

بنت وايل



صح بدنك

وشكرا لمرورك العطر


تحياتي

خالد الذيابي


ابو يزيد



سلم غاليك ولا هنت




وصح بدنك


تحياتي

صالح الأزوري
ماقول ألا بيض الله وجهك
ويطول عمرك
قلت وأجدت .. ونعم فيكم

تحاياي

صح لسانك وبيض الله وجهك أخي الكريم/ صالح
جزالة وجمال وإبداع في قوة سبك
وفيت وكفيت
لاهان راسك
تحياتي الطيبة

عريمان السبيعي



صح بدنك

ولا هان راسك


تحياتي

وصح بدنك

عثمان العبدالله


صح بدنك

وشكرا لمرورك


تحياتي

صح لسااانك مليون يا صالح

والله قصيده طيبه طيبه جدا جدا ووافيه من افي

انا لحقت على اخرها بالحفل والحمدالله يوم نشرتها هنا


اخوك


السنافي

السنافي


صح بدنك ولا هان راسك


لك جل التحيه والتقدير

والاحترام

تركي السبيعي

سلم غاليك

ولا هنت

وشكرا لمرورك

تحياتي