الطعنه اللي لياصابت تخج الضلوووع !!

[align=center]الاخوه اعضاء وزوار منتدى النداوي.

السلام عليكم ورحمة الله وبركاته


اولاً التمس العذر من اخي صاحب الموقع حمد السحيمي والاخ سعيد الحمالي ومن الاعضاء الكرام على الغياب والتقصير تجاه هذا المنتدى


وهذي مشاركه من باب التواصل [/align]




[poet font="Simplified Arabic,5,black,normal,normal" bkcolor="transparent" bkimage="" border="none,10,gray" type=2 line=200% align=center use=ex length=0 char="" num="0,black" filter=""]
يالله ياللي لك عبـادك اسجـودً اركـوع=يالمبصر بما تكن النفـس فـي جوفهـا
ارحم قلوبً لوجهك كـل ليلـه اخشـوع=من حمل غـراً يلـوح البـرق فقنوفهـا
حتى تباشر ديار اهل الدبـش بالرجـوع=والشاعـر يلاحـي الورقـا وغطروفهـا
الشعر مثل البحر والبحر موجـه يـروع=وقامت تغوصه ثقال النـاس وضعوفهـا
مير الدرر دونها موجـاً يـرد الجمـوع=ومن لادحـم موجهـا مايقـدر يحوفهـا
ياهاجسي قمت تضربي على كـل نـوع=لين اقبلت بنت فكري تضـرب دفوفهـا
واخذت معها على ماقيل طرقت اسبـوع=اضمـد جروحهـا والـبـي شفوفـهـا
واقول فيهـا تفضـل يانهـار الربـوع=وقل للخميس اعرف الوصفه من وصوفها
الطعنه اللي لياصابـت تخـج الضلـوع=ياكثر ماخجت ضلوعـي وانـا اشوفهـا
اما من فراق قرماً مـن خيـار الربـوع=والا من طعـون دنيـاً تشهـر سيوفهـا
لكن بما يقسمه لي رب الانفـس قنـوع=والله يستـر مـن الأيـام وصدوفـهـا
مانيب شفقً على وصل الرفيق القطـوع=ولانيـب متحـدي الغـارات وصفوفهـا
اسري مع الليل واسرح مع شعاع الطلوع=واصفـق ان صفقـت دنيـاي بكفوفهـا
وان شفتلي فيضةً منها تسيـل الفـروع=امرهـا وآخـذ المقـسـوم واطوفـهـا
ياصاحبي يارفيقـي ياحسيـن الطبـوع=اي والله الطيبيـن اقــدر ضروفـهـا
والا الـردي لاهوبتابـع ولاهـو تبـوع=ولا اصدّق اهل الحكا لو كثـرة حلوفهـا
مير اسلم وسلم ولاعاد ترخـي السمـوع=وصفـق لياصفقـت دنيـاك بكفوفـهـا
[/poet]

لله درك يا عبد الله



اشهد بالله انك مبدع



وان مثلك نحرص على جديده





قصيدة مليانه درر وحكمه





قلت وطلت




تحياتى

الله أكبر

صح الله السانك يالقرم

سجل إعجابي وتقديري ومتابعتي

عزالله أنك شاعر جزل

ال اخ عبد الله بن قنيص


صح السانك

اجبرتني على قراءه ماكتبت

طاروق عذب وجزاله وكمال ولله الكمال

تحياتي

الاخ عبدالله بن قنيص




كل عام وانت بالف خير



صح لسااااانك على هذه الدره





قصيده جزله بماتعنيه الكلمه





تقبل تحيااااتي وتقديري

صح لسانك اخوي عبدالله

تواصل جميل وابداع واضح

تقبل تحياتي

اخوك..

حمد

صح السانك ياالذيب


شاعر جزا ومبدع


تحياتي لك

الله ينصر دينك يابن قنيص

جزل وفكرك موهوب

ابن قنيص

الشعر مثل البحر والبحر موجه يـروع
وقامت تغوصه ثقال النـاس وضعوفهـا
مير الدرر دونها موجـاً يـرد الجمـوع
ومن لادحـم موجهـا مايقـدر يحوفهـا

صدقت كلام شاعر حقيقي

يبقى للشعر ذوق لا يعرفه إلا أهله

بيض الله وجهك يابن قنيص

سجل متابعتي الدائمه وأعجابي


حفظك الله