ياما حلا حبكت الدلـه*** من عزبتي شرقي الصينـي

[align=center]كنت في رحلة عمل للصين الشعبيه مع أحد الزملاء الأخ حسين العصيمي وكان الجو في أحد الأيام من أروع مايكون رشاش مطر وغيوم وذعاذيع براد في وقت عصير والشمس على وشك الغروب وأشتقنا ساعتها للقهوه والتمره وسميت بالرحمن وقمت أسوي دله لنا وأهيجن هالبويتات ،،، آمل أن تحوز على إستحسانكم وإعجابكم ...[/align]


[poet font="Simplified Arabic,5,black,bold,normal" bkcolor="transparent" bkimage="backgrounds/1.gif" border="double,2,darkblue" type=0 line=200% align=center use=ex length=0 char="" num="0,black" filter=""]
يا ما حلا حبكت الدلـه=من عزبتي شرقي الصيني
مع فذة اخلاص منعملـه=حسو السفر سمنها لينـي
عقب ارزمت والمطر هله=من مزنتن رشهـا زينـي
في حزة الشمس منزلـه=اعصير والناس ضاوينـي
وأزهم على حسين وأقله=بالله وين أريـش العينـي
ليته أقريب وأنا أصل لـه=مير البلا هـم بعيدينـي
ياحسين ياشوق ابو قذله=سيد البنـات المزايينـي
أبو جديـل اليـا فلـه=شقرن على الردف يهويني
متى نبا ننهـي الرحلـه=ونعـود لأم الوراعينـي
حالي بعدهم بهـا علـه=والقلب من عقبهم شيني
والعين ياحسيـن مختلـه=لو شافت الزين تعصينـي
زين بلا طعم إلـه خلـه=الزيـن عنـد الوفيينـي
أهل الكرم والوفا كلـه=فيهم تزيـن التلاحينـي
شفي ولا أبغا بديلٍ لـه=أبو ضميـرٍ امصافينـي
إله الغلا والغنـج دلـه=وإله الوفا كامل الزينـي
يابو على قصّـر المهلـه=وأقصر مداهـا ليومينـي
ياحسين صبري قضا جله=ماعاد أطيعك تواسينـي
قم وأولم العفش وأفطن له=ياحسيـن لا لا تعادينـي


سفر مشعان العتيبي– الصين الشعبيه - في يوم الجمعه الموافق 28/7/1426هـ
[/poet]

سفر
صح الله لسانك


قصيدة حللللللوة بمعناها



ولو ان لي ملاحظات على صدر الأبيات

أتمنى أن تراجعها
لعلك تظهر بقصيدة أرررررروع


تقبل تحياتي

صح الله لسانك ياسفر


قصيده وافيه من وافي


ولكن حتى الصين ماسلمت من قصايدك


صحت افكارك



تحياتي

سفرالصين عاد بس مادام الدله معك ماعليش نسامح لونا مانستغني عن
غيابك ياشاعرنا الرائع صح كلك احلا هجينيه بغيت اركب السياره واضرب لي خط
رائع اخوي نحتاج مثل هالهجينيات الرئعه الي افتقدناها في الاونة الاخيره للسف اشكراخو
انت بكل الوان تكتب لذالك لا تطول ولورحت لصين اذكران فيه متابعين لك هنا يامبدع
تحيات اخوك القلبيه إلى الامام

أخوي مبارك بن محيا

أسعدني مرورك الكريم وملاحظاتك

لك تحياتي

أخوي متعب اليامي

يسعدني مرورك على مشاركتي يالغالي

لك كل الود والأحترام

أخوك

ســفر

الاخ خلف المهيـلان

أسعدني مرورك ،، ولطف كلماتـك

وأبشر بسعدك يالغالي

لك كل الود

أخوك

سفر

صــــح لسانك


جزله من جزل

أخوي الغالي خالد النفيعي

صح بدنك وأشكرك على مرورك

لك كل الود

أخوك

ســفـر