الناس غيّر جديد الوقت مذهبهـا

[align=center]أبيات ذات مغزى والأبيات تفسر نفسها ،، آمل أن تحوز على أعجابكم[/align]

[align=center]****[/align]

[poet font="Simplified Arabic,4,black,bold,normal" bkcolor="transparent" bkimage="backgrounds/17.gif" border="groove,4,darkblue" type=0 line=200% align=center use=ex length=0 char="" num="0,black" filter=""]
بسم الذي محصي الأفلاك حاسبهـا=الواحد الخالـق الـرزاق والوالـي
نبدا بذكره حروف القيـل نكتبهـا=ونفصّل أبيات للأصحاب تفصالـي
ونعد ماصـار بالأمثـال نضربهـا=تذكار بالصاحب المـزاح وأمثالـي
الصاحب اللي غدر برجال صاحبها=ماعاد ميّز سمين الفعل واهزالـي
طاوع هوى نفسه القشرا ولاعبها=والنفس تأمر بسو ألوان وأشكالـي
ليته ردع نفسه السيـه وحاسبهـا=وفكر بمخراج حاله قبـل مدخالـي
الرجـل لابـد مايعـرف عواقبهـا=ويحسب حسابه بأمور مالها تالـي
ويقيس قبل الغطس وش بعد جانبها=يازن ولاينقص الميـزان مثقالـي
واليا شرا سلعة من عنـد جالبهـا=يوفي ثمنهـا ولا يحتـال بريالـي
واليا جلـب سلعـة دوّر لطالبهـا=يأخذ ثمنها لاصار البيع في الحالي
الناس غيّر جديد الوقـت مذهبهـا=صار الردي عندهم من عد الأبطالي
وعاداتهم وقتنـا عكّـر مشاربهـا=هزّ أرضهم طبعهم وأمست بزلزالي
وأعود للي سرق خلفـه وعذبهـا=عقب أصطبح شاتها ياناس بنعالي
ماقدّر أنعـام ربـي هـان جانبهـا=ماكرّم أم الشمايـل قدرهـا عالـي
والله لو أقضبـه ليديـه أشذبهـا=وأقطع يمينه من المفصل ولا اسالي
وأفـرّ رجليـه للغـارب وأعقبهـا=وآطا على صابره وأكويه بالصالي
تكفى يابو ناصرأشرحلي سبايبهـا=ليش العرب تنكر الأحسان وافضالي
يابن الصليبي عساك اليوم طيبهـا=من يقضي الدين للديـان ميبالـي
يامحمد أنته سند من قـام يجذبهـا=دلون تصافق على مطوية الجالـي
وأسلم ودملي عدد ماخـط كاتبهـا=واعداد ماهلـت الأمـزان همالـي

سفر بن مشعان العتيبي
[/poet]

ياسلالالام ياسفر



صح السانك على ماقدمت لنا



وفعلٍ الرجال الرجال اللي لا خذا حقوق الناس ردهاااا


قصيده فيها من النصح الشي الطيب



دام هذا الابداع



والله لـو أقضبـه ليديـه أشذبهـا // وأقطع يمينه من المفصل ولا اسالي
وأفـرّ رجليـه للغـارب وأعقبهـا // وآطا على صابره وأكويه بالصالي



كفو .. مانت بسيط ياسفر



الله يعوض علينا وعليك

أخوي أبو ثامر

أسعدني مرورك يالغالي

لك تحياتي وتقديري

أخوك

ســفـر