هاذي مشاعر ولد مشعان وأذواقه

[poet font="Simplified Arabic,4,black,bold,normal" bkcolor="transparent" bkimage="" border="inset,4,darkblue" type=0 line=200% align=center use=ex length=0 char="" num="0,black" filter=""]
أبيات متواضعه أيام كنت مسافر للصين الشعبيه وتذكرت الأهل والأحباب..

*****

ياحسين طال السفر والنفس مشتاقه=وأشتاقت العين والله شوف الأحبابـي
شوقٍ بزودٍ لشوف الزين وأصداقـه=ماهوب شوف العفن في دار الأغرابي
والقلب إله حد وزود الحد ماطاقـه=طال المدى والبطى يطعن بالأجنابـي
يطعني الشوق ونار الوجـد حراقـه=مايونس إحراقهـا ياكـود منصابـي
وأنا صويب العيون السود وأمواقـه=وأيضا صويب الخدود وطول الأهدابي
خلٍ سحرني معـاه الـروح رقراقـه=لو كنت قاسي عليه تلين الأعصابـي
أبو جديل أشقرن مِشّط على أعتاقـه=يازين لمسـه لاقـام إليـه تحفوابـي
ويوم أتذكر سواليفه مـع أشواقـه=وأذكر أضحوكه يحزّ القلب شذابـي
يلعنك يالبعد ألا مشينـك يافراقـه=تثّر على القلب مخطـورٍ بالأعطابـي
ياحسين روحي لدار الزين منساقـه=سوقت سوانن تتل الغـرب جِذابـي
دايم على يمـت الغربـي وغساقـه=عيني نظرهـا يسابقهـا للأصحابـي
وليا أسفر الصبح وزار القلب بإشراقه=حسّيت بأنفاس خلّي وأنفتـح بابـي
ون ذعذعت نسمةٍ من غرب برقاقـه=عرّضتها ناحري وأنشق هوا أحبابـي
ريحة هلي كالزهر شكلـه وروناقـه=وأزكي منه لو تقول النـاس كذابـي
هاذي مشاعر ولد مشعان وأذواقـه=هاذي خواطر غريب الدار بن غابـي
سجلتها تذكـره للزيـن بأوراقـه=تذكار في صاحبي محفـوظ بكتابـي

سفر بن مشعان – الصين الشعبيه
الأحد الموافق 30/7/1426هـ
[/poet]