ياجار قررت السفر والرحيلي (مصافحة أولى)

الأخوه الأعزاء

كل عام وأنتم بخير ،، ومبارك عليكم الشهر ،، وعساكم من صوامه وقوامه إن شاء الله..

يشرفني الأنظمام لمنتداكم الحر منتدى الرجال،، ويسعدني أن أقدم لكم هذه الأبيات المتواضعه كأول مشاركة لي في هذا الصرح العظيم.

***

[poet font="Simplified Arabic,4,black,bold,normal" bkcolor="transparent" bkimage="backgrounds/15.gif" border="double,2,darkblue" type=0 line=200% align=center use=ex length=0 char="" num="0,black" filter=""]
إهداء لكل جار عزيز على قلبي

يالله يامنشـي صـدوق المخيـلـي=يامجيب موسى يوم صلـى ونـاداك
طالبك أنـا عفـوك بيـوم مهيلـي=طالبك أنا يـارب رحمتـك ورضـاك
يامحيـي الميـت ومشـف العليلـي=يارازق المخلـوق وامديـر الأفـلاك
طالبـك ترزقنـا بـرزق جزيـلـي=لا صرّ عنا خايب النـاس الأبـواك
*****
يالآدمي لـن كـان حظـك امحيلـي=أدع الذي خالقك من مـاش وأحيـاك
يعطيك ربي مـن عطـاه الفضيلـي=مامنّ مثل الناس لا أعطـاك مـذاك
يالآدمـي ليـاك تنصـا البخيـلـيل=و تطلبه ماأعطاك لو عود مسـواك
أنص الـذي بالجـود كفـه يسيلـي=لا ضامتك دنيـاك بالعـون شافـاك
اللـي ليـا ثقلـت حمولـك يشيلـي=راع الوفا حطه على الـدوم يمنـاك
واليـا طـرا المقيـال ظلـه ظليلـي=ون هبت النكبـا عـن البـرد ذرّاك
واليا نخيته فـز.. سيفـه صقيلـي=حطه على اليمنى ولو كثروا اعـداك
*****
ياجـار قـررت السفـر والرحيلـي=الله مـن سـوّ المقـاديـر يـاقـاك
يحمـاك ربـي كـل يـوم وليـلـي=اللي حمى يوسـف دعينـاه يحمـاك
صعـب علـيّ امفارقـك ياخليـلـي=وأقسى عليّ اليـوم ياجـار فرقـاك
ياجـار أنـا لـك مالقيـت البديلـي=يحرم ولا يوجـد مثيلـك وشـرواك
بعدك أروح لمـن.. منهـو يجيلـي=من هو ونيسـي بعدكـم لاعدمنـاك
ياجار عقبـك صـار ليلـي طويلـي=ساهر وأخايـل نجمتينـن بالأفـلاك
أنشد نجـوم الليـل ويـن الزميلـي=وأقـول ماعينـت ذيبـان مـاجـاك
كانـك تشوفـه قلـه إنـي عليلـي=وشفاي بعـد الله بشوفـك ولامـاك
شوف الصديق اللي لهمـي يزيلـي=ويزول هم القلـب لاجـات ذكـراك
ياجار عقبك صـرت كنـي هبيلـي=ماغيـر أنشّـد عنـك ذولا وذولاك
أنشّـد الجيـران وأبـن السبيـلـي=وأدوّر الأخبار مـن يـوم مسـراك
روحت من عنـدي وحملـك ثقيلـي=جاوبت ذيـب عاويـن يـوم نـاداك
ياجـار جاوبتـه طويـت الصميلـي=واسعـد دار يالعتيـبـي تـضّـواك
أنشهـد إنـك يالمشـبـب دليـلـي=لا عمست أريا الناس ماعمست أرياك
عنـدك مـلاذ لكـل جـال ذليـلـي=لا صكته بقعـا تذكـرك ثـم جـاك
يلقـى ذرا لـه يازبـون الدخيـلـي=وأنت الذي مابعـت دينـك بدنيـاك
*****
ياجار كيف أنسـاك وأنتـه عميلـي=حلفت أنا ماأنساك ياجـار ماأنسـاك
ياجار كثـر النـاس عنـدي قليلـي=من بدّهـم قلبـي يعـزّك وخـاواك
خاويت أنـا سرحـان راع العويلـي=اليا عـوا غـداك دسمـن وعشـاك
ذيـب اطبوعـه مايـدان المقيـلـي=دايم علـى روس المراقيـب سمّـاك
يسـر الليالـي دوم يهـذل هذيلـي=وكم واحدن ياذيـب جاوبـك بعـواك
*****
ياجـار غيـرك ماحـدن يستويلـي=أنـت الـذي ياجـار قلبـي تمنـاك
الجـار نعـم الجـار مالـه مثيلـي=جار السعد ون جـاك ياقلـب هنـاك
ليتـك أتعـوّد يالحصـان الأصيلـي=ترجـع لـدار فيـه حيـك ومربـاك
مالك بـدار الحسـد دار الهضيلـي=دار بها تاس تحـط الـك الأشـراك
ياجـار عــوّد يمـنـا لاتحيـلـي=ليّـاك تنسـى دار الأكـرام لـيّـاك
دار بهـا الكعبـه بناهـا الخليـلـي=وفي وسطها ياجار عرقـك ومجنـاك
بين الهضاب وبين عـرق النثيلـي=ربّـاك عـود ماخسـر يـوم ربـاك
وأمـك بـرور لـك لبنهـا يسيلـي=ترجـي نهـار فيـه مدّتـك بيـداك
لاتقطـع الرجـوى تميـل وتعيلـي=هاذي وصية من تهيـض ووصـاك
وأنتـه فهيـم ماتـتـوه الدليـلـي=ترقـى المعالـي للطويـلات مرقـاك
مرقا صعيـب عنّـه عجـز الذليلـي=كبار العلابي مامشت ربـع ممشـاك
لا جا نهـارن فيـه قـدح الفتيلـي=رمحك امضرا دوم ماأخطيت مرمـاك
وصلاة ربـي عـد وبـل المخيلـي=واعـداد ماغنـى حمـام علـى راك
على نبـي يـوم جمـع الحصيلـي=شفيعنا المختـار فـي يـوم الأدراك
*****

سفر بـن مشعـان العتيبي
[/poet]

حجززززززززززززززززززززززززززززززززززززز















ولي عووووووووووووووووووووووووووووووووده

سفر

هلا وغلا هنا قرأت كلام شاعر

كبير .. إطلاله ولا أروع

حكم ونصائح وتجارب مفيده

صح لسانك .. سجل متابعتي .

أعتقد أن هناك خطاء مطبعي في البيت الاتي :


يالآدمـي ليـاك تنصـا البخيلـيـل ...... و تطلبه ماأعطاك لو عود مسـواك


حفظك الله .

الأخ عبدالله بن شايع

شكرا على مرورك

وفعلا هناك خطأ وضعت أشارة = بعد اللام

البيت الصحيح كالتالي

يالآدمي لـيـّـاك تنصـا البخيـلــي *** لـوّ تطلبــه ما أعطـاك لـوّ عـود مســواك

أشكرك على التنويه ،، حاولت أعدل البيت بالقصيده ولكن لم أستطيع ،، عموما الشاعر مثلك وشرواك يالغالي لابد مايقرأ البيت بالشكل الصحيح

لك تحياتي وتقديري

أخوك

سفر بن مشعان

ياجـار قـررت السفـر والرحيلـي الله مـن سـوّ المقاديـر يـاقـاك
يحمـاك ربـي كـل يـوم وليـلـي اللي حمى يوسـف دعينـاه يحمـاك
صعـب علـيّ امفارقـك ياخليلـي وأقسى عليّ اليـوم ياجـار فرقـاك
ياجـار أنـا لـك مالقيـت البديلـي يحرم ولا يوجـد مثيلـك وشـرواك

صح لسانك ياابو مشعان


قصيده مميزه

[frame="7 80"]ارحب ارحب ارحب
ياسفر
وصح لسلنك ياطير شلوى
تحيــــــــــــــــــــا تــــــــــي[/frame]

أخوي محمد الدهيمي

سعدت بمرورك

لك كل الود

مع تحياتي

أخوك / سفر

أخوي سعيد الحازبي

المرحب الباقي

لا خلا ولا عدم يالغالي

لك تحياتي

سفر