[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
على الله نجي ونروح بسكات = هنا تارةٍ وهناك تاره
دروب ونواحي وإتجاهات = تضم الحلاوه والمراره
ومازان مرّه شان مرّات = كما الروض لو يفقد خضاره
فهو في رجا رب السماوات = يغيثه ويرجع للنضاره
وياروض كم لي فيك سجات = من سنين ماجا منك باره
فلا أنساك في وقت الملمات = وأبشـّرك ما أطلبْك البشاره
أبشْرّك للبرّاق لمعات = بدهم السحب مثل المناره
سحاب المخيله ماهو شتات = تراكم سوى وأبدى سماره
عليك المخال وعنك مافات = عليك وحواليك إنتشاره
مزونه تهلّ الما تباعات = ولا هو قويٍ بانهماره
بتروى به كبودٍ ظميّات = ويارب لطفك من دماره
مادامه بدى للضرّ أمارات = ومنها الصواعق والغزاره
وسيله يجي لطّام جالات = ياكبْره وياقوّ إنحداره
ليا هدّ من روس المنيفات = تساوى تحت جرف وخباره
كما هاجسي لا صبّ الابيات = ليا صار وقفه واستداره
وفي الموقف الغصّاب بالذات = تبين الرخامه والنعاره
والأشناب تلحقها المقصّات = على ايش اتفتل ياخساره
على ويش والدنيا سهالات = وبالهون لان العلم شاره
فلا فيه صولاتٍ وجولات = ولا عاد شنّ الجيش غاره
وحتى أنت ياحرب العصابات = على الحوض منت بفي الغماره
مع انك عصابات وقيادات = فلا فيك فن ولا مهاره
وذا الحين حرب ٍ وسط شاشات = ولوحة مفاتيحٍ وفاره!
له أدراج وأبراج ومحطات = ومن فاز ماشفنا انتصاره
سلاح السماجه والدعايات = ضربنا على الصابر عياره
وانا في الزمن فكرت لحظات = وبانت كباره من صغاره
فيا كثر مايجمع مجالات = وكلٍ على حسب إختياره
نفوس وفوارق وإختلافات = ولا يستوي راضي وكاره
وقولة فروق أنفس وغايات = ماتنقال دايم ذا العباره
تبين النتايج في النهايات = ويمنى الطريق ولا يساره
جهنـّم تحف بها الملذات = ولا حفـها الله بالمكـاره!
[/poet]
على الله نجي ونروح بسكات = هنا تارةٍ وهناك تاره
دروب ونواحي وإتجاهات = تضم الحلاوه والمراره
ومازان مرّه شان مرّات = كما الروض لو يفقد خضاره
فهو في رجا رب السماوات = يغيثه ويرجع للنضاره
وياروض كم لي فيك سجات = من سنين ماجا منك باره
فلا أنساك في وقت الملمات = وأبشـّرك ما أطلبْك البشاره
أبشْرّك للبرّاق لمعات = بدهم السحب مثل المناره
سحاب المخيله ماهو شتات = تراكم سوى وأبدى سماره
عليك المخال وعنك مافات = عليك وحواليك إنتشاره
مزونه تهلّ الما تباعات = ولا هو قويٍ بانهماره
بتروى به كبودٍ ظميّات = ويارب لطفك من دماره
مادامه بدى للضرّ أمارات = ومنها الصواعق والغزاره
وسيله يجي لطّام جالات = ياكبْره وياقوّ إنحداره
ليا هدّ من روس المنيفات = تساوى تحت جرف وخباره
كما هاجسي لا صبّ الابيات = ليا صار وقفه واستداره
وفي الموقف الغصّاب بالذات = تبين الرخامه والنعاره
والأشناب تلحقها المقصّات = على ايش اتفتل ياخساره
على ويش والدنيا سهالات = وبالهون لان العلم شاره
فلا فيه صولاتٍ وجولات = ولا عاد شنّ الجيش غاره
وحتى أنت ياحرب العصابات = على الحوض منت بفي الغماره
مع انك عصابات وقيادات = فلا فيك فن ولا مهاره
وذا الحين حرب ٍ وسط شاشات = ولوحة مفاتيحٍ وفاره!
له أدراج وأبراج ومحطات = ومن فاز ماشفنا انتصاره
سلاح السماجه والدعايات = ضربنا على الصابر عياره
وانا في الزمن فكرت لحظات = وبانت كباره من صغاره
فيا كثر مايجمع مجالات = وكلٍ على حسب إختياره
نفوس وفوارق وإختلافات = ولا يستوي راضي وكاره
وقولة فروق أنفس وغايات = ماتنقال دايم ذا العباره
تبين النتايج في النهايات = ويمنى الطريق ولا يساره
جهنـّم تحف بها الملذات = ولا حفـها الله بالمكـاره!
[/poet]
تعليق