((( فقـــــــــط لـلـــعـــــوايـــــــــــــــــــــــــل)))

فوووووووووووووووووووووووووووووووووووووووق

[poet font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=350% align=center use=ex length=0 char="" num="0,black" filter=""]

صلو على النبي

.
.
.
.
.
ياللي حرمـة القلـب ف الليـل جـوه= وش حاجتي لا اصبحت ترسل رسايل
تقـول احبـك والمحـبـه عـنـوه=ضيعتهـا مابيـن قاصـر وطـايـل
قلت استمـع والشعـر يبغـي مفـوه=وانـا ابـن دلبـاح راع الجـزايـل
اقـدح زنـادي ولا قدحتـه بـقـوه=اهتز لـي عـرش القصيـد وتمايـل
واتعب علـى قافـي واضبـط سمـوه=ولامن كتبت البيـت سـوى عمايـل
والشعر معلن فـي قصيـدي غلـوه=من بدع راسـي مايبـي لـه بدايـل
صحيـح عـاد العمـر بأولـه تـوه=لكـن قصيـدي مابدعـه الاوايــل
ومن منطلق رايـي رفضـة اتفـوه=الا بكـلامٍ مـن بـديـع المثـايـل
ولي لابـةٍ لامـن ذكـرت المـروه=تذكـر فعايلـهـا كـبـار القبـايـل
اهـل الشجاعـه والكـرم والعلـوه=سقم العـدات مروضـة كـل عايـل
وفي صبينا لدرب الشجاعه ضـروه=واليـا رسـى مازحزحتـه الهوايـل
ماقـد طفـت لله مشاهيـب ضــوه=واليا ارتكـا للحمـل شـال الثقايـل
مايحسـب حسـابٍ ياليتـه ولــوه=ولامنـه اقفـى ماتلـفـت يخـايـل
فجعل السحاب اللي مراهيـش نـوه=مـن قـو دفاقـه تحـن المخـايـل
يسقي وطـن ربعـي وياتـي دنـوه=امن الحبـل للجـوف لبقيـق سايـل
ونرجع لموضـوع القصيـده وانـوه=بأن المحبـه ذنـب والذنـب هايـل
يـومٍ تصافيـنـي ويــومٍ تـمـوه=وحظـي معاهـا لـو اداريه مايـل
ولامن صحى حظي وجاله جـروه=وقلت التعب والهـم فالقلـب زايـل
ماخذ ولا هـو راجـعٍ فـي غفـوه=ويسوق نفسـي للـدروب الهزايـل
والصاااحـب اللـي منتويـني بسـوه=يضحك لي فوجهي ولااقفـى تحايـل
انا اشهـد انـه طاغـيٍ فـي عتـوه=وضيمه على كبدي سيـوفٍ سلاليـل
ومن سبتـه دمعـي مسبـب حفـوه=في جفن عينـي غـاديٍ لـه دلايـل
لكن خلاص امـن العـذاب وشقـوه=ماعاد لـي قلـبٍ للاشـواق شايـل
.
.
.
.
.
وان قـال احبـك والمحبـه عنـوه=بكتـب علـى قلبـي فقـط للعوايـل

وسلامـتـكـم
[/poet]

الشاعر فهد بن دلباح



صح لسانك يابومحمد ملياررررراااات



الجزل شرواك ولايهون الحاضر مايجيب الا جزل




تقبل تحياتي واحترامي