ردية ((قديمة ___ جديدة )) مع الشاعر الكبير محمد حوقان المالكي -اعاده الله بالسلامة-

سلمتوا والله

ابو خالد وابو رهف قمتين شعريه بلا مجامله ويستحقون المتابعه والتقدير

احسنت ياجابر وسلم لي على ابو خالد

وترا لي معك ردية قريبه ان شاء الله



اخوك/عبدالله

يا هلا عد نوض البرق فوق الجنوب
وعد ديمه رعدها يعقب بروقها

يا هلا والقوافي جات من كل صوب
واستهلت معانيها وطاروقها

والرجاجيل لو تلبس عمامه وثوب
ما تعرف الرجال الا بمنطوقها

يابن حوقان جيتك غيث جيتك هبوب
جيت لك شعر جيت علومي اسوقها

في يميني يابن حوقان بيض القلوب
وفي يساري بياض الدم بعروقها

ما كتبت القصايد يالصديق مغصوب
وش يحد الرجال ليا ارتفع ذوقها

بس انا يا محمد في مفارق دروب
تهت ما بين غرب الشمس و شروقها

يابن حوقان وينك شام ولا جنوب
مصر ماتت بعد ما مات فاروقها

جابر بن جبر السلمي

------------------------------------------

عشت يابو رهف واكملت كل الوجوب
من ربوع الرجال ويعرف حقوقها

كنت في جرهدي البيد راعي ذهوب
والكلا يجبر العثرات ويعوقها

وانتحت كل شمس مشرقه للغروب
وبدوي الصحاري ضيع طروقها

اضرب الطبل وافرح لنتصار الهروب
اترك البيعه اللي خسرت سوقها

البقا عد ما تطلع ورود الجنوب
هرجة اهل الوفا يازين منطوقها

روحي اللي تبرت من كبار الذنوب
مانست ظلم سارقها ومسروقها

جابر الحب غنوه في حياة الشعوب
والقدر يزرع البسمات و يبوقها

جابر احذر تصاريف الزمان الكذوب
هجرتك تفني الدنيا و معشوقها

جابر الوقت دايم غالب ومغلوب
والقلوب العجاف تعيش بحروقها

يحزن الوقت من وجه الزمان الشحوب
والنخيل الطوال تموت بعذوقها

محمد بن حوقان المالكي

الأخ الغالي / عبد الله الشهراني

والله توي شفت الرد بعد الإنقطاع للمنتدى

صح بدنك ياعبدالله وانت وابو خالد عزيزين وغالين .

وبالنسبه للقلطة انا تحت امرك بس من اجل استفيد من شاعر كبير مثل عبدالله الشهراني.

شكرا لك من القلب