(((** مات الفهد والشعب والكل ينعاه **)))

قلت هذه القصيدة في وفاة خادم الحرمين الشريفين الملك فهد بن عبد العزيز آل سعود
فقيدنا وفقيد الأمتين العربية والإسلامية رحمه الله واسكنه فسيح جناته
ونبايع خادم الحرمين الشريفين الملك عبد الله بن عبد العزيز وولي عهده الأمين
صاحب السمو الملكي الأمير سلطان بن عبد العزيز على الولاء والسمع والطاعة :

[poet font="Simplified Arabic,5,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""]
بسم الله أبدا قبل قافي ومبـدآه=يـا الله ياربـي عليك اعتمــادي

ياالله أنـا طـــالبك يا الله يا الله = غفـرانك ورحمتك يا خير هادي

تجعل ملكنا جنـة الخلـد مثواه= وترحمه يا المعبود رب ألعبادي

وتجبر عزانا في زعيمٍ فقدناه=وبموتته عم الحزن في ألبلادي

مات الفهد والشعب والكل ينعاه =والعالم أعلن بالعزاء والحدادي

أمـر الله مقـّدر علينا ونرضـاه= ومن الفجيعة مااهتنينا ألرقادي

أنشهد أن الفهد مكثر مزايــاه= وانشهد انه في العروبة قيـادي

الحلم والحكمة من اكبر سجاياه=والحزم والشدة بعدل ومبادي

كريم سبـلا وافيـّن في عطاياه=وللخصم والعدوان سقم المعادي

يابعد نظراته ويامابعد خطاه= نظرة بها حكمه وعرف ورشادي

في كل دوله له مساجد مبناه=ويدعي له المسلم برفع الأيادي

وطباعة المصحف تبرع بيمناه=وتوسعاتٍ في الحرم بازديادي

في عهد ابوفيصل تطور لمسناه= تطور التعليم والأمن سادي
لو غاب قائدنا بمجده ذكرنـاه=له الغلا في الحاضرة والبوادي

غاب الفهد خلفه فهودٍ مسماه= حكام نجد أهل ألوفا والسدادي

ندعي لعبد الله ملكنــا فدينـــاه = وسلطان عضده في الأمور ألشدادي

مجد الملوك وفضلهم ما نسيناه= لهم الولاء والسمع والاجتهادي

*****************
* فــالــح ألـحــارثي *
[/poet]

الشاعر/فالح الحارثي

صح لسانك وعلا شانك

وبيض الله وجهك بياض يشع مع كل ريع

قصيده رائعه

من شاعر رائع له مكانته الشعريه المرموقه

رحم الله الفقيد واسكنه فسيح جناته


لك مني اجمل الشكر والتحايا

اخوك

الشاعر
حسين الحارثي
صح بدنك ولاهنت يالغالي
وشكرا على مرورك ومجهوداتك


تقبل تحياتي،،،