Tweet
السلام عليكم ورحمة الله
هذه القصيدة كانت جواب لاحد الاصدقاء الذي سألني يقول كيف ترى الصديق؟
وهي موجهة الى الشاعر محمد شجاع الدغيلبي ورده في الطريق ان شالله
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
سر ياقلـم عبـر وعـرب معانيـك=
واحكم من الحكمـة بيـوتٍ غزيـرة
وجديد حكمتك بمراميـس ماضيـك=
عـدّه وعَـدّه للوجـيـه السفـيـرة
يامحمد انشدني عـن العلـم ويجيـك=
يا اعز من تبـدى عليـه السريـرة
واللي تنشّد عنـه ماهـوب خافيـك=
له في العرب سرّ وسوايـر وسيـرة
العرف امانة والمثـل عنـه ينبيـك=
لاشـك وحقـوق الصداقـة كبيـرة
ترى الصديق اللي في الانشاب يشفيك=
يثـور قبـل بصيحتـك تستثـيـره
واللي يجيك ان غبت عنه متباطيـك=
ماشاف غيرك وانت ماشفت غيـره
واللي ليا جيته لاهو فـي حراويـك=
يضحك لك حجاجه ويطرب نظيـره
يدفن عذاريبـك وينشـر حسانيـك=
ويشوف زلتـك الكبيـرة صغيـرة
ويذب عن عرضك ليا حل طاريـك=
ولعينـك يبيـع الـف دار وديـرة
عض بنواجد فمك واقضـب بكفيـك=
بحبالـه وكـب الوجيـه العثـيـرة
خل الذي وقت الرخـا بيـن اياديـك=
وان طحت شدّ الكور فوق الحصيـرة
لاصار في دنياك ماهـوب موفيـك=
حقك فلاترجي ورا المـوت خيـره
لاجيت في القبر وعطيتـه علابيـك=
ماجاك يفرع منكـره عـن نكيـره
كذبه صماليع وعلى الهجس يغديـك=
تشرب سرابه قبـل تـارد غديـره
يصبح رفيق لك ويمسـي معاديـك=
يسرح رفيق ويضوي مـع المغيـرة
ولو قال انا لك بالوفا من عزاويـك=
خطوته خلـف المصلحـة مستديـرة
والله وربـي مايحسـك ويبكـيـك=
كود الشقيق ليـا غـدا لـك نحيـرة
الاجنبي لوقـال انـا اليـوم مغليـك=
وبكرة عرفت اقصاه بتقـول خيـرة
مير البلا بن عمـك اللـي مواليـك=
لاشفت عقـب البـر منـه البويـرة
ماتهضـم الذلـة لياصـار شانيـك=
وان رحت كن بوسط صدرك سعيرة
يامل قلب بـه هجـوس ودواكيـك=
وكبد تسمعـر مـن همـوم كثيـرة
اخترت مسرى العز لوبـه تهاليـك=
عن كلمـة بلسـان خايـن ضميـره
بخنّانةٍ تدعي علـى اللـي مسريـك=
تحفي كفَـرات الـواردات الاخيـرة
وادلجت لين انبـاج فجـر التباريـك=
وارض المعارة دون فرض المعيـرة
وظلمُ ذوي القربى لاصاروا بني خيك=
رصـاص نـار ماتـرده شكيـرة
مانته مشكوينـي ولانـي مشكويـك=
لاخيّبـت هقـوة عشيـر بعشيـره
هـذا جوابـي واتـحـرا قوافـيـك=
واسلم ودم وانتـه بستـر وستيـرة
[/poet]
هذه القصيدة كانت جواب لاحد الاصدقاء الذي سألني يقول كيف ترى الصديق؟
وهي موجهة الى الشاعر محمد شجاع الدغيلبي ورده في الطريق ان شالله
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
سر ياقلـم عبـر وعـرب معانيـك=
واحكم من الحكمـة بيـوتٍ غزيـرة
وجديد حكمتك بمراميـس ماضيـك=
عـدّه وعَـدّه للوجـيـه السفـيـرة
يامحمد انشدني عـن العلـم ويجيـك=
يا اعز من تبـدى عليـه السريـرة
واللي تنشّد عنـه ماهـوب خافيـك=
له في العرب سرّ وسوايـر وسيـرة
العرف امانة والمثـل عنـه ينبيـك=
لاشـك وحقـوق الصداقـة كبيـرة
ترى الصديق اللي في الانشاب يشفيك=
يثـور قبـل بصيحتـك تستثـيـره
واللي يجيك ان غبت عنه متباطيـك=
ماشاف غيرك وانت ماشفت غيـره
واللي ليا جيته لاهو فـي حراويـك=
يضحك لك حجاجه ويطرب نظيـره
يدفن عذاريبـك وينشـر حسانيـك=
ويشوف زلتـك الكبيـرة صغيـرة
ويذب عن عرضك ليا حل طاريـك=
ولعينـك يبيـع الـف دار وديـرة
عض بنواجد فمك واقضـب بكفيـك=
بحبالـه وكـب الوجيـه العثـيـرة
خل الذي وقت الرخـا بيـن اياديـك=
وان طحت شدّ الكور فوق الحصيـرة
لاصار في دنياك ماهـوب موفيـك=
حقك فلاترجي ورا المـوت خيـره
لاجيت في القبر وعطيتـه علابيـك=
ماجاك يفرع منكـره عـن نكيـره
كذبه صماليع وعلى الهجس يغديـك=
تشرب سرابه قبـل تـارد غديـره
يصبح رفيق لك ويمسـي معاديـك=
يسرح رفيق ويضوي مـع المغيـرة
ولو قال انا لك بالوفا من عزاويـك=
خطوته خلـف المصلحـة مستديـرة
والله وربـي مايحسـك ويبكـيـك=
كود الشقيق ليـا غـدا لـك نحيـرة
الاجنبي لوقـال انـا اليـوم مغليـك=
وبكرة عرفت اقصاه بتقـول خيـرة
مير البلا بن عمـك اللـي مواليـك=
لاشفت عقـب البـر منـه البويـرة
ماتهضـم الذلـة لياصـار شانيـك=
وان رحت كن بوسط صدرك سعيرة
يامل قلب بـه هجـوس ودواكيـك=
وكبد تسمعـر مـن همـوم كثيـرة
اخترت مسرى العز لوبـه تهاليـك=
عن كلمـة بلسـان خايـن ضميـره
بخنّانةٍ تدعي علـى اللـي مسريـك=
تحفي كفَـرات الـواردات الاخيـرة
وادلجت لين انبـاج فجـر التباريـك=
وارض المعارة دون فرض المعيـرة
وظلمُ ذوي القربى لاصاروا بني خيك=
رصـاص نـار ماتـرده شكيـرة
مانته مشكوينـي ولانـي مشكويـك=
لاخيّبـت هقـوة عشيـر بعشيـره
هـذا جوابـي واتـحـرا قوافـيـك=
واسلم ودم وانتـه بستـر وستيـرة
[/poet]
تعليق