لاتحسب إن الشعرحاجه صعيبة ........... إهداء لكل شاعر .. ( رايكم لا هنتوا )

لاتحسب إن الشعرحاجه صعيبة .. بلاّ حكاَ يصففه كل إنسان

كلن يقاسي لوعته من حبيبة .. وكلن قضى ليله من الحب سهران

هان القصيد وكل واحديجيبة .. وكلن نظم له في هوى البال ديوان

أحدن ليامنّه رمى فالضريبه .. وأحدن يعايرهاعلى غير نيشان

أكتب وتلقى فالبشر مستجيبة .. كم واحدن ما يفرق الدمن والدان

وإن كان مالك طوقتن تعتنيبه .. دور على سوق القصايد من الآن

هذا زمانٍ بالقشر يندعيبه .. حتى القصايد نشتريها بالاثمان

الله لا يقطع رجاه ونصيبه .. الشاعر اللي صدّقه قلب ولسان

روح زمان اهل العقول الصليبه .. روّح زمان الشيخ تركي وراكان

وقتن مضى فيه القصايد عجيبه .. نظم المعاني كنها نظم مرجان

بعض العرب نظم المعاني يعيبه .. لوكان وسط المعركه ند فرسان

وإختامها مهيب حاجه صعيبه .. وأكبر دليل إني نظمت إلك قيفان

أحدن ليامنّه رمى فالضريبه ..

وأحدن يعايرهاعلى غير نيشان


صح لسانك يابو تركي

ولاهنت على هالقصيده



اخوك/الأصيل

صح بدنك ياخوي يالأصيل .. بس الشباب الباقين وينهم ؟؟؟؟

ترى هذي أول مشاركه .. لا تردون بي .

ابو تركي







فعلا اهداء جميل




















وابداع اجمل يابو تركي





















صح السانك وسلمت يمناك يالقرم











تقبل تحياتي

هان القصيد وكل واحديجيبة .. وكلن نظم له في هوى البال ديوان
صدقت يا ابا تركي...لكن القصيدة التي تنبع من القلب ومن المعاناة ايا كانت ثق تماما ان مكانها القلب .سواء قرأت الآن ام بعد أوان.وقصيدتك معبرة عن واقع ولها وقع .صح لسانك ودمت سالما لأخيك

الأخوان .. عايض العتيبي ***** و***** جابر السلمي ـ

شهاده أعتز بها .. وصح الله أبدانكم .

ياابو تركي


انت شااااااااعر ولايهمك راي احد
هذا الي انا واااثق منه


وهداياك :

درر ..في درر ..في درر



وصح الله لسااااانك ولاهنت


احد متابعيك
يهديك التحيه
وتقبل حضوره

صح بدنك أخوي .. ماجد بن محمد .

بصراحه رايك وشهادك وسام فخر وإعتزاز أضعه على صدري ، ( أخجلتني بصراحه ) .

والراي وأنا أخوك محد يستغني عنه ، لأن الراي الصايب مثل الخيره ما يندرى وينه فيه ( إذا صح التعبير )..

تحياتي لك يا أبو محمد،، وأتمنى متابعتك لي في المرات القادمه إنشاء الله .