مساجله بين سحمان بن ملحم وثواب بن زيد

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
هذه الابيات ارسلها سحمان بن ملحم السبيعي الى ثواب بن زيد طالبن من النقل من جده للرياض وذلك للقرب من والده\

............................................................ .
نبتهج بالفرخ يوم أنا نصيده=وان تردا صابنا فالكبد عله

ياثواب العز كان انك تريده=والشرف والمرجله والخير كله

انتهض من ديرتك ذيك البعيده=واقترب من زيد قوم له محله

جلستك في مجلسه عمره تزيده=وخوتك له في قضيا حاجتن له

للشباب ولجمل ايامه تعيده=هو صديقك هو رفيقك وأنت خله

والأذاعه والملاعب والجريده=قصد من توه يبي يكتب سجله

وانت ابوك امعدين راس الفريده=قافد الصيد الجفيل وجاب جله

من غلاك اعطيك شوري فالقصيده=أقبله وان مالقيته زين خله

.........
ورد ثواب بن زيد قائلا..\

مرحبا ياشاعرن جاني بريده=فز قلبي يوم جاني حشمتن له

من كلامك شب في صدري وقيده=حرك الاحساس والمعلوق تله

والله اني ماغويت اللي تريده=مير في بالي طموحن راسمن له

والدي قربه فرح قلبي وعيده=ولوي بجده تراني مسندن له

والعلاقه لوتباعدنا وطيده=ولو يطول البعد ماهي مضمح له

ومنزله قايم عسا ايامه مديده=اأقترب ولابتعد مامال ظله

وقبل اعرف العلم وقصوره مشيده=واضحاتن بيناتن كالأهله

والرجل فرقا مرابيعه تكيده=والمراجل تجبره غصب وتعله

لاكن اصبر تسمع اخبارن جديده=وتقترب ياصاحبي حله بحله
[/poet]

مفلي

لاهنت


صوت وصدى جميل ورائع


سحمان شاعر كبير وواضح من ابياته وحبكه وسبه للقصيده لو اني لم اسمع به


وثواب غني عن التعريف

صحت السنتكم جميع


وصح لسانك انت ياملفي


بلغ سلامي سحمان ان كان تعرفه وبله ثواب


وقله هذا الخوي وهذا الشعر اللي في محله نصح وعلوم رجال

والصديق اللي يصافيك وماهو اللي يجاملك


تحيه معطره للجميع

اخوكم سهيرالليل

لاهنت ياملفي




وعزالله ان القصايد طيبه وهدفها غانم وعلوم ارجال



صح الله السان السبيعي والحارثي



ولاهانو ولاهنت



وتحياتي وتقديري للجميع

صح لسان سحمان وثواب

تحياتي

سحمان وزيد

شعراء كبار

ونشكرك على نقل القصيدتين

الرائعتين

الله على الجزاله من اهل الجزاله


صح الله لسان كلا الشاعرين





ولاهنت على تزويدنا بها

[align=center]


الله لايهينك ياملفي


قصيد راااااااااااااااااااااااااااااااائع وجزل من شعارء مبدعين بلا شك


امتعتنا يالغالي


عسا ربي يطول بعمرك

اخوك

عذاب الغراميل[/align]