الهـمّ ينقـش ضيقـتـي بالمحـانـي=والشعر يشرب من حياتي ( مية كاس )

[align=center]
بسم الله الرحمن الرحيم ..



تحيــة بعطر قصائدكم العذبه ..



قصيدة لها شرف أطلاعكم ..



صلوا على النبي ..[/align]
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]

نبضـات قلبـي مثـل دق الثـوانـي=مع كـل دقّـه ينجلـي منّـي انفـاس
الصبح أعاني وايضـاً الليـل أعانـي=وارسم على شطّ الأمل (بسمة اليـاس)
اضحك ودمعي فـي عيونـي كوانـي=وابكي وانا والليل (شاعر) و(نبـراس)
الهـمّ ينقـش ضيقـتـي بالمحـانـي=والشعر يشرب من حياتي ( مية كاس )
ياخـذ ولا اذكـر بالسعـاده عطانـي=وشلون يعطي؟ وهْو حبـرٍ وقرطـاس
أعطيـه فكـر وذكريـات ومعـانـي=وآخذ عنا واعجـاب مغـرم وحسّـاس
اشقى وغيـري ينتعـش مـن حنانـي=ولا اسمع الا:" قوّ قلبـك.. ولابـاس "
لاباس عقب الياس فاسـه رمانـي؟!!=الياس من لاباس سلّـط علـي فـاس
مركـب نجاتـي مالقـى لـه موانـي=تايه بـلا وجهـات ديـره ولانـاس
الله واكبـر كيـف يـقـدر زمـانـي=انه يبشّر جـوف قلبـي بالإفـلاس!!
ياصاحبي.. ياساحبـي.. يااسمرانـي=ياللي بكفّك سيف (عنتـر) (وجسّـاس)
لاصرت انا بالحـب مجنـي وجانـي=وش لي ووش للحب دامه وجع راس؟!!
لكـن غرامـك دون غيـرك بلانـي=اللي بلَى (محمد) عقب غيبـة (دبـاس)
الضيم.. والدمـع الحَمَـرْ.. والهوانـي=والضيق.. وبعاد الحبايب.. والاتعـاس
المـوت ليتـه قبـل اشوفـك لقانـي=ليتي تحت رمل الثـرى مالـي قيـاس
او ليتنـي ماعشـت.. والا عسانـي:=قبلـك بليـت بعلـةٍ تقطـع الـبـاس
أحيان اشوفك فـي (سهيـل اليمانـي)=واحيان اشوفك في يدي تضرب اخماس
هوجاس والهوجـاس كـاذب وفانـي=مثلك حقيقـه دون طيـفٍ وهوجـاس
ارجـوك قلّـي لاتحـطّـم كيـانـي=ان كان غيري داخلـك دقّ الاجـراس
الحـب ماهـو فـي طـوال المبانـي=ولاهو فتيلٍ يشعلـه (عقـد الألمـاس)
ولاهـو فخـر قـدّام قاصـي ودانـي=الحب.. (دستور التفاهـم والاحسـاس)
اللي مضى وارجـوك تكفـى كفانـي=العمر يمضـي والثوانـي والانفـاس
جيتـك أعانـي وان تركتـك أعانـي=وارسم على شطّ الامل (بسمة اليـاس)
[/poet]


[align=center]عبدالعزيز الدهمشــي ..[/align]

عبدالعزيز الدهمشي

ارحب

وصح الله الساانك

ولاهنت



اللي مضى وارجـوك تكفـى كفانـي
لعمر يمضـي والثوانـي والانفـاس
جيتـك أعانـي وان تركتـك أعانـي
ارسم على شطّ الامل (بسمـة اليـاس)


العمر يمضي الله علييييييييييييييييييك


ياصاحبي.. ياساحبـي.. يااسمرانـي
اللي بكفّك سيف (عنتـر) (وجسّـاس)

ياصاحبي ياصاحبي ياسمراني

صح الساانك


اخــــــــــــوك



سالم محمد اليامي


الــــــــــراوي

الشاعر عبدالعزيز الدهمشى

[align=center]قصيده جميله

وقاف سلس



صح قلبك

ولاهنت




اختك

سكووون[/align]

ياهلا والله بالشاعر المبدع الراااااااااااااااااااااااااااااااااااااااااااقي




عبدالعزيز الدهمشي


ايات اروع من الرووووعه يالغالي


صح السانك وسلم بوحك وفكرك وجدانك


لك صادق الغلا والود

سجل غعجابي بحرفك وشخصك


اخوك

عذاب الغراميل

الله الله يا عبدالعزيز

جزل ورائع

صح الله لسانك ودام ابداعك

سجل اعجابي ومتابعتي

ابوعرب

عبدالعزيز الدهمشي

صح لسانك


سجل اعجابي

السلام عليكم ...



عبدالعزيز الدهمشي



صح لسانك



قصيدة ممتازة ورائعة



عذوبة المفردات واضحة في أبياتك


اميل لهذا النوع من القصائد الجميلة الصورة


صح لسانك ودمت


فهد