طيب الله ثرى من يرتكي للحمول =واحسن الله عزاكم فابيض الوجه زيد

هذه الابيات قلتها تعزيه في المرحوم بأذن الله الشيخ زيـد بن عـلي بن منير النفيعي
حال وصول نبأ خبر وفاته الى مسامعي في يوم السبت الموافق 7 مايو 2005 م
ولماللفقيد من مكانه عزيزه علي وعلى الكثيرين
فقد كانت حياته رحمة الله عليه مليئه بالمواقف المشرفه والطيبه وقد حاز على محبة واحترام الجميع ..
احببت نشرها راجيا منكم الدعاء للفقيد
فرحم الله الشيح زيد بن علي النفيعي رحمة واسعه واسكنه فسيح جناته..
[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]

ودي اخبرك عن شيٍ بصدري يجول =والمواقف تثير الهاجس المستهيد
ان بدينا الكلام اللي يشد العقول =ودنا بالمفيد وغيرنا يستفيد
يدلهون العرب والموت ذيبٍ ختول=يذبح المسلمين براس نابٍ حديد
والليالي ياصاح القلب ماهيب حول =لقحٍ بالمنايا حيلهن مايبيد
غيب الموت هامة زيد زين الدلول=فيه كل اهتمام الطب عيا يفيد
طيب الله ثرى من يرتكي للحمول =واحسن الله عزاكم فابيض الوجه زيد
مسلم ٍ يعبد الله ويتحرى القبول =خايف ٍ من عذاب النار يوم الوعيد
للضعيف ملاذ ومدهلٍ للزحول =ومعه لمدورين الراي راي رشيد
طيّب للقرابه متبع للرسول =يالله انك تحطه في منازل شهيد
ويالله انك توسع منزله عرض طول =ياغفورٍ رحيم وياحميدٍ مجيد
جعلها فزعةٍ له عن جهنم تحول =يوم حطوه في قبره وخلي وحيد
في حميد السجايا لو كلامي يطول =ماحصيت القديم ولاجمعت الجديد
يعرفون العرب عن زيد طيب الفعول=واصبحت له مع العراف مثل الرصيد
والبلاوي تصيب الادمي بالذهول =والتحلي بطول الصبر بيت القصيد
كل حيٍ لابده عن ظهرها يزول =لو تطول السنين يقرّبن البعيد
والليالي تجيب اللي يعقل الذلول =كل شيٍ يزول اخذ الكلام الاكيد
وفي نهاية كلامي ودي ارجع واقول =احسن الله عزاكم فابيض الوجه زيــد
[/poet]
اخوكم ابوعبدالله

ابو عبدالله

صح لسانك ورحم الله الفقيد


والليالي ياصاح القلب ماهيب حـول
لقـحٍ بالمنايـا حيلـهـن مايبـيـد


مبدع

صح الله لسانك يا هاجد
والله يرحم زيد


ويلهم أهله السلوان
أخووووووك

القحطاني خالد ..
شاكر لك مرورك وصح بدنك ياغالي

تحيات اخوك
ابوعبدالله

الاخ العزيز مبارك بن محيا

اللهم امين وجزاك الله خير

وشرفتني بمرورك العطر

تقبل تحيات اخوك
ابوعبدالله