السلام عليكم يالنداوية ....... أول مشاركة

[ابوسيف]

هذة الأبيات قلتها عن واقع الشباب في هذة الأيام وقد وجهتها لشاعر فهد بن محمد العتيبي
أشكي له من واقع الشباب اقول وعسى عمركم يطول :-

يا راكبٍ من عندنا فوق لكزز***جيبٍ من اليابان أخر طرازي
جابوه للميناء جديدٍ مجهزّ***للبر و الديرة بكل امتيازي
وأن جيت لدمام وقف وقزز***تلقى فهد نسل القروم العزازي
عتبان كلمتهم على الدين والعز***ذباحة الصايل نهار المغازي
بمدينة العمال بالطيب يرمز***كريم سبلا لضيوف متوازي
عطه الرسالة في خطابٍ مبروز***ثم سلم بيمناك وهز اهتزازي
قله يا بو محمد تراني متلعوز***ومما نشوف القلب فيه أحتزازي
شفت الشباب اليوم ما هوب يعتز***خلوا علوم الدين وأهل المفازي
البعض منهم لا مشى قام يهتز***كنه بدرب مأسسٍ من قزازي
شكله كما بنتٍ هنوفٍ تجهز***وشلون بفلح هردي با لجوازي
ومنهم من اللي بالمخدر مركز***صارت حياته كلها في تعازي
وضيع حلاله من بعد ما تجوز***ثم سرح الحرمة بليا جهازي
وأستثني اللي بالمراجل أتركز***اللي لهم بين النشامى أرتزازي
كسابة الناموس بدربٍ معزز***ولاّ الردي شكله يثير أشمأزي
أرسلت لك قافٍ بنيته على أز***والشطر الأخر أنتهيته بأزي
ودي معك بالشعر نرقى ونعتز***حيث أن لك فيها دروب ومغازي


وسلامتكم

[ابوسيف]

وهذا رد الشاعر فهد بن محمد العتيبي



يا راكب اللي في حفيزه تفزز *** يبى النفاه بنفد وإلا عزازي
فكوا له البيبان وقام يتناقز *** يا لين رده سايقه باحترازي
لا هوب لا لكسز ولا هوب لا بنـز *** حلم الذي خله من البعد نازي
جيبٍ كما ريمٍ مع الريع لا عز *** وحشٍ لا شاف الزول صابه كزازي
أنا اشهد أنه مركب الطيب والعز *** في إكس آر وطاويٍ للمفازي
واللي عليه إليا وصل دون مركز *** خلوه يعبر ما يـمد الجوازي
معرب مجناه والساس معتز *** عمه ترى غزاي والخال غازي
ياخذ جوابٍ للعتيبي تطرز *** من نادر القيفان عسر الطرازي
صوب الذي سند عليّـه وعنّز *** ننظم له القيفان لو هي عزازي
حيثه عزيز وعننا ما تعزز *** من لابةٍ بالعز إلها ركازي
آلاد صالح يوم كلٍ تـميز *** ميرادهم بالطيب دوم إرتوازي
يا مرحبا بك عد غصن تـهزهز *** وقت الربيع بروس هاك النوازي
وان كان ابن يابس بـهمه تلعوز *** فأنا معه بالحمل صرت امتوازي
لو كان حملي فوق ظهري تشايز *** ولا يرتكي للحمل كود الركازي
الدمع سال وشعر راسي تركّز *** أسباب وضعٍ يستحق التعازي
الحر شفته في ذرى البوم ملتز *** خاوى الحمام وراح ويّـا الشرازي
ومن فوق راس الضلع وقّع مع الوز *** صار العوض عند القوانيص بازِ
والذيب غايب والحصيني ترزز *** من عقب ما هو بأسفل الضلع وازي
الوقت قاسي والليالي تخاوز *** والرابح اللي قد بـخصها وفازِ
هذاك ما راح القهاوي وتكّز *** ولا ضاع وقته بالسهر والطنازي
وهذاك ما مر السفارة وفيّز *** تفييز شر ولا قصدت العوازي
وهذاك ما ضرّى عيونه على القز *** ولا ذاق عشق معوطفات الركازِ
مشيه عدال وعن مميله تحرّز *** ولا لدرب الحق مثله موازي
العمر ساعه والثواني تبارز *** والخاسر اللي ما اغتنمها وحازِ
الله يجعلنا تحت راية العز *** ويكف عنا كل شر ونشازِ
هذا الذي عندي وعلى الزود ما أحرز *** ويغنيك عن كثر القصيد الرمازي
وصلاة ربي عد ما الخيط يغرز *** على الذي مبعوث بأرض الحجازِ

وسلامتكم ،،،

مرحبا يابو سيف

ياهلا والله وغلا زارتنا البركه والابيات واللي قالها على العين والراس



,,,,,,,,,,,,,,,,,

الله يعطيكم العافية ويبيض وجيهك وقافيه صعبه وماقصرتوا









اخوكم/عبدالله

بسم الله الرحمن الرحيم

حياك الله .. ياهلا وسهلا ..

وصح لسانك ابوسيف ..

[مهاجر]

يا هلا والله بأبوسيف
أشوف الحبايب كلهم شرفوا
حياك الله وحيا الله أبو سجود .

تقبل تحياتي ؛؛؛؛؛؛؛؛؛؛؛؛

ياسلام ياسلام عليكم صوت وصدي وهذي العلوم الطيبه يالربع والله يكثر من أمثالكم



الملثم

[ابوسيف]

تسلمون يالنداوية

تسلمون على هذا الترحيب

وأتشرف بردودكم في موضوعي


تحياتي

هلا ما هلل المحرم وكبر &&& وطاف وشاهد الركن اليماني

هلا وغلا والله يابو سيف...

المحل محلك وشرفتنا بتواجدك طال عمرك ...الله لا يهينك

وصح لساااانك على القصيده والرد وبيض الله وجهك

وأنت بين ربعك وأحبابك


وياهلا مليون يالغالي

اخوك ولدعبس

هلا والله بالاخ ابو سيف حياك الله والعذر والسموحه ترى اخوك كسول شوي فالتصفح ..

وانشالله هالبيتين تكفر عن القصور..

يامرحبا باللي لفانا منبز*** بالعضو ابو سيف حسن النبازي

الصاحب اللي فوق الاعيان ينرز*** راع الوفا والطيب نسل العزازي


اخوك
واجد