التايتــــــــــــــــــــنك

مساكم الله بالخير

اخواني واخواتي قصيده لم اكن ارغب بنشرها وذلك لكونها متعلقه بفيلم ولا اعرف ماذا سيكون انطباعكم

قصيده قديمه لها اكثر من6 سنوات وهي تصوير لفيلم التايتنك شعريا

اذا اعجبتكم اقروها واذا ما اعجبتكم اقروها مره ثانيه


واللي ماشاف الفيلم لايقراها وانصحكم تشوفونه واعذروني اذا كانت في غير المستوى لانها قصيده قديمه جدا



[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يقول



على ذاك الغرام اللي جرى مابين روز وجاك=بكت عيني على منظر غرامٍ في البحر ضاعي

عسى الله يرحمك ياجاك وشلون الزمان اشقاك=لو انك ماربحت التذكره مامت مرتاعي

ولا كان القدر لاجمل هنوفٍ شفتها وداك=الينٍ صرت تتبعها كما القطعان والراعي

على متن السفينه كان ربي له كتب لقياك=بعد ماروز من عشرة ردي النفس تلتاعي

نوت تنسى بلاويها وتقتل نفسها لولاك=عطيته كلمةٍ حلوه ولبى الشور ثم طاعي

تزلق من على ذاك السياج وشدته يمناك=ولولا ماسحبته فوق كان الحظ له باعي

كبرت بعينه وحبك ولكن خاطبه عاداك=وقال ان لك بها قصدٍ وسوى نفسه الواعي

وحامت روز من دونك وموقفها بقصد رضاك=وجاتك تشكرك والحب في نظراتها شاعي

سألها وش مدى حبك لمن كانه سبب بلواك=وردت لاتجادلني وغادر حد مرباعي

عجبها شوف رسماته وقالت ياحبيبي جاك=ابيك الحين ترسمني بلا ملبوس وقناعي

عليها (الجوهره تشعى وردف وخصرها منحاك)=ومنا تبتدي قصة غرام اثنين مولاعي

وحطت في خزانة(كال)صورتها تبي ولماك=ولكن غيرته شبت خفوقه حسد واوجاعي

وركب تهمة السرقه ونوى بالغدر يدهاك=وقصده من ورى التهمه على تفريقكم ساعي

ولكن روز عادت لك وقامت تستمع دعواك=تخلص قيد كفينك بعد فعلات شناعي

بدت تغرق سفينتهم وهي تنطق انا وياك=مدام اني على صدرك فانا مافيني افزاعي

ولكنها بدت تبكي انا احبك انا اهواك=الى من بالغرق عمت سفينة روز بهلاعي

وجاوبها انا ماقدر على بعدك ولانسياك=ومد الكف في كفه وكان الموج قطاعي

سحبها الموج من كفه وضاعت بين ذاك وذاك=بعد ماشفت موقفهم غرقت الجفن بدماعي

ولكنه بقى يسبح وعن موج الغرق عداك=هذاك احلا غرامٍ شفت واللي غيره خداعي

حقيقه مجدي ياروز خلٍ من غلا يفداك=يعاهدها وهي تبكي على فرقاه وتلاعي

اخيرا مات في وسط الجليد ويالله بفزعاك=بعد ما انقذ حبيب القلب ثم علاه بشراعي

وكادت روز من حبك تموت وجرحها فرقاك=ولولا وعدها كان ارتمت في البحر بسراعي

بكيت ومابقى عندي صبر من قصتك ياجاك=ولا ظني يلام اللي من الهجران ملتاعي



وسلامتكم
[/poet][/poet]
[/poet]

أخي الكريم / مهدي

تصوير جميل وقصيده جميله

صح لسااااانك وسلم قلبك

أرق التحايا
سراب العمر

ارررحب يامهدي

وصح الله لسانك

سبق لي ان صافحتها

تصوير جميل ورائع


اسلم وسلم


اخــــوك


الـــــــــراوي

الله عليك يامهدي

صح لسانك

وتقبل تحياتي

.

صح لسانك يامهدي ويسلم بنانك

على هذه المعزوفه الرائعه

دمت مبدعا

وتقبل فائق تقديري واحترامي