المناسب في المكان المناسب صوتوا له

السلام عليكم

يسعد مساكم بالخير
قصيده اهدي للوالد المرشح الاستاذ ناصر بن شايع الدوسري لللمجلس البلدي في محافظة الجبيل
==============================
[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
من على ابو تركي (الفاتح) اخذينا مثوله
=اشرقت دنيا السعد واشرق الرجل العظيم
يومها أنحا على الشرك والجهل وفلوله
=بمرهفاتٍ تفلق الحق وتشظ الهشيم
من حرم مكه وطيبه تبنوها عدوله
=لي رياض المجد لابها لحايل للقصيم
الملوك اللي على منهج الحق ارسموا له
=لين ابو فيصل فهد راعي الراي السليم
خادم البيتين جل المصاعب ماتهوله
= حلها حلحيلها حلها الرجل الحكيم
ما تحوّل دون مبداه ومن دون البطوله
=فرق احزاب التآمر وصدام البهيم
ولك ولي العهد في المجد كم صوله وجوله
=بانت شموسك مابين الفلك والمستديم
ولك يابو خالد وفا00عد ماراحوا وجوا له
=اليتاما والارامل 00لسلطان الكريم
ومن جبيل الخير نبض الصناعه وجهوا له
=دعوة الترشيح لبى المنادي من قديم
المناسب في المكان المناسب صوتوا له
=كفو يستاهل ابو شايع الرجل الفهيم
ريس ومرؤس في صف دوله واشهدوا له
=في المعارف والجمارك مثال المستقيم
والله ان البدو والحاضره عنده وحوله
=لاذكر بالخير يثني المواطن والمقيم
والعهد لله ثم الملك باللي نطوله
=يا وطنا لو نصير اشلاء دونك او حطيم
يخسؤن الشرذمه والشر واللي مهدوا له
=دارت الدنيا علىالظالم وظلم الظليم
واحمد الله انجلت غمة العصر المهوله
=طغمة الافساد باحت وصفينا السقيم
يالله انك تحفظ المملكه وتعز دوله
=ناصرت دينك وشرعك ومنهجها قويم
[/poet]

صح لسااااانك يا الواااااااافي ..

ولا عدمناااااااااااااك

كفو يا كفو

محمد ابن فراج




صح لسانك




و شهادة حق إن أبو شايع يستاهل






حفظ الله البلاد و العباد من كل شر





و دام عزّكـ يا بلادي،،،

كفو بالشبل والاسد

وصح لساانك ولاهنت ياولد زايد