ابتديك منين دام البداية تنتهيك ...؟؟

[شاعرعبس]

خاطره بسيطه عباره عن عقد بسيط اهديها لكم..

أنت يامن كنت ماكنت ماحنت يديك *** لاحنين الأبل هزك ولاهمك ملاك

لاالقصيدة فيك وجه يبيك وما يبيك ***وجه معنى قد نسيته والاخر قد نساك

يلفحك تيار الأيام وبهمك هليك ***والظما يحرق نواميك ويهدد حماك

إن بغيت اقول واقطع ضما الايام فيك ***مالقيت جذور تسكن سراك الاضماك

رحت ادورلك وأبرويك قدام أرتويك ***ولامنعني عن مصافح لقاك الالقاك

بالتناقض فيك مافيك واللي لك عليك ***ماوراك الامن ادى هجوسك ماوراك

كيف اسوي لك وأساويك وأعرف مرتهيك ***أنت لاشبك ظلام ولا نور طفاك

قلت اصوغك بيت شاعر طلع بيت ركيك***قلت اصوغك بعض جملة رفضها مستواك

ابتديك منين دام البداية تنتهيك ***وانتهيك منين دام النهاية مبتداك

تحياتي لكم
شاعر عبس

صح لسانك
قلت اصوغك بيت شاعر طلع بيت ركيك***قلت اصوغك بعض جملة رفضها مستواك


قوة المعاني واختيار الكلمات لعبت دور بأن تكون القصيده في غاية الكمال
هنئيا لك بهذا

ابتديك منين دام البداية تنتهيك ***وانتهيك منين دام النهاية مبتداك

يا سلام عليك يابو وليد....
أنا فعلاً أشكرك على هذا الأهداء ...

سلامك وصل ونحن في رسم الخدمة...


(.........)
ولدعبس

صح لسانك والله ماقصرت وبدايه طيبه

السلام عليكم ^^

هلاوغلا ياطويل العمر في محلك الثاني وبين اخوانك


وصح لسانك على القصيده

ولاتحرمنا من المزيد الي عندك ويعطيك الف عافيه


اخوك / العنيـــــــــد

اخي ولد عبس
شكرا شكرا شكرا على هذه القصيدة العالية المستوى ياشمعة المنتدى
اخوك الجازم

لا قطعت الأشاره أطروحك المرور *** ثم جتك العساكر بالكلابش سوى

الله يعطيكم العافيه...الطير والعنيد والجازم
نيابة عن أخي شاعرعبس..أشكركم على هذه الردود..
..وترى يالجازم شاعر عبس سجل البارحه معنا في المنتدى والظاهر أنك ما انتبهة للأسم..بس ماعليه السلام وصل...

هلا بالشاعر الكبير شاعر عبس
آسف على اللبس الذي حصل تشابه عندي الاسماء شاعر عبس وولد عبس ولا استغرب هالكلام الحلو منهم معا
تحياتي للجميع
الجازم

[الكويتيه العنيده]

صح لسانك ولا هنت

مساءك الله بالخير
*************

الاخ الكريم / شاعر عبس
بالبدايه احب ان ارحب بك وعسي قدومك خير علينا ... الشاعر / سعدان الرشيدي اسمك غنى عن التعريف وقصايدك تشهد لك ... والقصيد اللى كتبته قوي والمعنى اللى في الابيات كبيرررررر .

هذا الشعر من كثر ما تغليه هو صار يغليـــــــك
الحظ طاب يوم لفليت للنداوي زان شعرك وســـــردك
ما خبت ابد يوم سميت نفسك شاعر عبس واعلنت تتويجك
خذها نصيحه من اخلص اكيد تشوف النجاح مـــن وراك
وربي يعطيك طولت العمر وتذكر وش قالـــــــت ملاك


وسلامتك

الى اللقاء

[شاعرعبس]

تحياتي للجازم والعنيده...

أنا أتشرف بشهادة مثلك يالجازم..انت والأخت العنيدة...وشكراً لهذا الترحيب الذي أثلج صدري..
مع تمنياتي أن أكون عند حسن ظن الجميع

شكراً
سعدان الرشيدي

الشاعر الكبير

سعدان عابس الرشيدي

أتشرف ان أجد هذه الرائعة في هذا الصرح وأتسائل إن كنت لا زلت بيننا ........................ تحياتي

......

رحت ادورلك وأبرويك قدام أرتويك ***ولامنعني عن مصافح لقاك الالقاك





الله الله الله الله ...




مبدع مبدع مبدع


صح الله السانك وسجل اعجابي في ذالجزله يالجزل

الاخ شاعر عبس

السلام عليكم ورحمة الله وبركاته

رحـت ادورك وابرويك قـدام ارتـويك
,,,,,,,,,,,,,,,,,,,,,,,,,,,,,ولامنعني عـن مصـافح لقاك الا لـقاك

بالتناقض فيك مافيك واللي لك عليك
................................ولاوراك الامن ادى هجوسك ماوراك

صح السانك ياسعدان بن عابس نتمنى ان لايطول الغياب وفي انتظار


عودتك للمنتدى

تحياتي لك خوك

شاعر عبس......صح الله لسانك.....شاعر معروف ومبدع من مبدعي الساحه الشعبيه...لاتحتاج منا الى تقديم...ولكن هنا امر يحيرني اذاكانت هذي خاطره متواضعه من وجهة نظرك فالله يخليك كثر من الخواطر! يا خي وينك...!....بس على فكره نبي نقرأ لك اكثر
وبعدين امامك اسبوعين وبعدين راح نكشف عن الاسم الحقيقي لانك من الرائعين بالفعل ....والا تدري الامر متروك لك...لك كل الحب.


اخوك/عبدالله بن فلاح الهاجري

[زايد القلادي]

من هنا وعبر الاثير او عبر الانترنت
نبعث لك اعجابنا وتحياتنا القلبية
لسعدان بن عابس ,,,, ,,,,لله درك
تعجبني في ابداعك وتعجبني شجاعتك
انت مدرسة شعرية وعسى الله يبقيك
ياعصابة الراس ,,

تقبل تحياتي
واشواقي
لك ياشاعر عبس
اخوك زايد القلادي