قصيدة للشاعر ــــ ( حمر عين ) ــــ وردي عليها

[align=center]السلام عليكم



هذه قصيدة للشاعر ( حمر عين ) ويليها ردي المتواضع عليها


[align=center]عسى ان تحوز على إستحسانكم[/align]



يقول حمر عين[/align]
[poet font="Simplified Arabic,5,darkred,bold,normal" bkcolor="transparent" bkimage="" border="double,4,darkred" type=2 line=200% align=center use=ex length=0 char="" num="0,black" filter=""]
قالوا تتوب..وقلت كيف أتوبـي؟=عن حب خلي ويش أبي بالتوبه؟

ياعاذلي في الحب عن محبوبـي=ماشفت مثلي من حلاه أعجوبـه

حلو الـدلال الفاتـن الرعبوبـي=اللي كفوفه من دمـي مخضوبـه

أبـو نهيـد دوب زم الثـوبـي=ماحطه الـورع لفمـه لعبوبـه

وأبو عيون لا قطرهـا صوبـي=يغشى علي نوبه..وأفتـح نوبـه

وأقول خاف الله لا تكسب حوبي=ترى المحب إزره على محبوبـه

ويرد لـي بالسلهمـه وأذوبـي=ذوب الحلا في الكاسه المصبوبة

وإن جيت أرد أضيع الأسلوبـي=صاحي لكن تقول فـي غيبوبـه

أتمتـم الكلـمـات بالمقلـوبـي=كني مريـض قاطعيـن حبوبـه

أنا وهو في الحب .. دوبه دوبي=هذاك مسحوبي ..وذا مسحوبـه

لانيـب لامعطـى ولامكبوبـي=مغير أصالي ضـوه المشبوبـه

ومن عقب عفت الزاد والمشروبي=فزعة رياجيـل الوفـا مطلوبـه

قم يانديبـي وصـل المكتوبـي=وصـل لصالح كلمـة مكتوبـه

قله : لامنه وصلـك المندوبـي=إفزع تراني طحت وسط الخوبه

وراي عـذال قطـع عرقوبـي=وقدمي عذاب أهل الهوى ودروبه

إفزع ودبرنـي وحـل كروبـي=حـدن قلبـي قاضبتـه جنوبـه
[/poet]


[align=center]ورديت اقول[/align]


[poet font="Simplified Arabic,5,indigo,bold,normal" bkcolor="transparent" bkimage="" border="double,4,indigo" type=2 line=200% align=center use=ex length=0 char="" num="0,black" filter=""]
حيّ الكتاب وحيّ ذالمندوبي = حية وحيّ اللي لفا مـن صوبـه

مندوب ابن معروف دل دروبي = وصل رسالـة عمـة المندوبـة

قريتها واوميت منها ثوبي = واهتلت فيها من جميـل اسلوبـة

تلخبطت منها نظم حاسوبي = ازرى يبرمجها علـى مطلوبـه

لكنّ ابا اتعب لجلها مركوبي = واسرج حصاني في نهار النوبة

خذ يانديبة ردي المرقوبي = رجـع لعمـك هرجـةٍ منسوبـه

ردٍ عليّه بالوفـا محسوبـي = هـذاك ماجوبـي وذا ماجوبـه

قله ترى الحب اكثره مضروبي = تزوير مثل العملة المضروبة

يامشتكي حب البنات العوبي = قبلك لقينا فالرجـال ضروبـة

فتاك يضرب بالغرام قلوبي = والكبد منه ليا نجـت معطوبـة

يمسي صويبة فالعرب مسلوبي = اتقول طايح فوق راسة طوبه

كنه من اهل الدنبشة مطبوبي = ما يهتنـي زاده ولا مشروبـه

واللي سواته فالهوى منكوبي = يصبر على النكبه لجل محبوبه

غير الصبر ماله دوا وطبوبي = لو راح كهان انملـه والنوبـه

إلا إنه يتوب و يقص الثوبي = ويجنب دروب الهوى ودعوبـه

خذها نصيحة من زميل عزوبي = مثلك يحسّب فالفراغ ذنوبـه
[/poet]


[align=center]وسلامتكم[/align]

صح لسانك ولسانه




وبيض الله وجهك ووجهه




لاتحرمنا من الجديد

مساجله رائعه

صح الله لسانك يا بوزياد

تقبل التحيه

ابوعرب

يا سلام عليك يا صالح

صح السانك والسان حمر عين


قصيده ورد رائعان


لك تحياتي

صح لسانك ولسانه




وبيض الله وجهك ووجهه




لاتحرمنا من الجديد

يامرحبا ياصالح ..

كيف حالك طال عمرك ..

صح لسان حمر عين .. شاعر لم يتخذ الإعلام كوسيلة للظهور ..

أهكذا يفعل الحب :
أتمتـم الكلـمـات بالمقلـوبـي
كني مريـض قاطعيـن حبوبـه

وصح لسانك ياصالح .. رد منننتاز
قله ترى الحب اكثره مضروبي
تزوير مثل العملة المضروبـة


تحياتي

الاخ الشاعر ابوزياد


صح السانك والسانه ولاهنت


مساجله رائعه

لك تحياتي

الله الله


والله قصائد جزله وتسلمون عليها


صح الله لسانك يابو زياد ولسان حمر عين




ابدعتو يا شعار لا هنتو وبيض الله وجيهكم




قله ترى الحب اكثره مضروبي
تزوير مثل العملة المضروبـة





تقبل خالص التحيه

فلاح ال مخلص



صح بدنك يالغالي



مشكورعلى مرورك وإطلاعك



لاهنت على كل حال



تحياتي لك

سعود العازمي

( ابو عرب )


صح بدنك يالغالي


ماعليك زود


لاهنت على مرورك وإطلاعك


تحيااااااتي

حسن الوطري


مرورك اسعدني لا عدمتك


صح الله بدنك ... ولاهنت على كل حال



تحياتي

[frame="1 80"] [poem=font="Simplified Arabic,5,darkred,normal,normal" bkcolor="transparent" bkimage="http://www.alnadawi.com/vb/images/toolbox/backgrounds/17.gif" border="double,5,darkred" type=2 line=0 align=center use=ex num="0,black"]
وإن جيت أرد أضيع الأسلوبـي=صاحي لكن تقول فـي غيبوبـه

أتمتـم الكلـمـات بالمقلـوبـي=كني مريـض قاطعيـن حبوبـه

قم يانديبـي وصـل المكتوبـي=وصـل لصالح كلمـة مكتوبـه

قله : لامنه وصلـك المندوبـي=إفزع تراني طحت وسط الخوبه

وراي عـذال قطـع عرقوبـي=وقدمي عذاب أهل الهوى ودروبه

ورديت اقول]


خذ يانديبة ردي المرقوبي = رجـع لعمـك هرجـةٍ منسوبـه

ردٍ عليّه بالوفـا محسوبـي = هـذاك ماجوبـي وذا ماجوبـه

قله ترى الحب اكثره مضروبي = تزوير مثل العملة المضروبة

إلا إنه يتوب و يقص الثوبي = ويجنب دروب الهوى ودعوبـه

خذها نصيحة من زميل عزوبي = مثلك يحسّب فالفراغ ذنوبـه
[/poem]
صح لسانك اخوي ابو زياد

وصح لسان حمر عمين

شاعران رائعان مبدعان

عذوبه ومتعه شعريه وكلا يحسب في الفراغ ذنوبه

لا هنتوا

اخوكم
ابو نايف[/frame]

ابو زياد


صح لسانك ولسان حمر عين


وهو شاعر غني عن العريف


لاهنتوا كلكم


مشهووور....

عبدالله بن عقاب


صح الله بدنك يالغالي


ووجهك ابيض .... لاهنت على كل حال


اسعدني مرورك واطلاعك


تحياتي

عريمان السبيعي


ياهلا والله ومرحبا ...

ابشرك بخير دامك بخير

مرورك شرف لا عدمتك


تحياتي وتقديري