(((( الطفـــــــــــــــــــــــــــــــوله ))))

[align=center]السلام عليكم ورحمه الله وبركاته

الاخوه النداويه المعذرة على الغياب .. وهذه قصيدة بعنوان الطفوله

وهي اهداء الى الطفله \ حياة بنت ثقيل الظفيري [/align]

[poet font="Simplified Arabic,4,blue,bold,normal" bkcolor="transparent" bkimage="backgrounds/14.gif" border="none,4,gray" type=0 line=200% align=center use=ex length=0 char="" num="0,black" filter=""]
يابو حمد يازين ضحكات الأطفال = ترضي النفوس ليا تزايد زعلها
وتضفي على جو السعاده سعه بال = وتعيد للنفس الحزينه أملها
مثل الربيع ليا لفى بعد الامحال = غيث القلوب الممحلات ومهلها
هم زهرة الدنيا وهم رووس الاموال = وهم حيلة اللي قصرت به حيلها
حياة من ماله حياة ولا مال = قرة عيونن حزنها قد كحلها
يالله يامرسي على الارض الاجبال = يامخلص القاع المحل من محلها
سايلك من مدك ولطفك والافضال = مدك ولا مد العفون وجهلها
يالله يارزّاق ياعالم الحال = ياواحد ارزاق الاوادم كفلها
تجود من جودك على حال رجال = نفسه من الدنيا لحقها زملها
آمين يامجلي عن القلب الاثقال = يافارج الشدة وخفي خللها
الله يبارك في جزيلات الامثال = ويبارك الطفلة ويسعد قبلها
(حياة) هي زهرة حياة ورضى فال = الطفله اللي حسنها طيب اهلها
درة غلا له داخل القلب منزال = منها المثايل زاد فيها خجلها
فيها من اشكال الحلا عدة اشكال = مثل ..؟ ولكن ضاع عني مثلها
في صورةٍ وبجنبها دق جوال = ردت عليه بصمت ساعه ذهلها
تقول انا ماني من الناس الانذال = اسكت ..؟ وهي بين عليها خجلها
انا احمد الله حمد في كل الاحوال = حمدٍ يليق بقدرته في عملها
معطي عطاياه العظيمات وجزال = سبحان من مهد لعبده سهلها
من لا يعزز زين الاقوال بفعال = شواربه على الهبني فتلها
تم الجواب وسر ضحكات الاطفال = ترضي النفوس ليا تزايد زعلها

الشاعـــــر: محمد المــــغـــــري
[/poet]

صح لسانك يامحمد


والطفوله هي ملح الحياه


الله يخلي حياه لأبوها



والله لا يهينك

محمد

صح السانك ولاهنت


والله يخليها لاهلها

قصيده رائعه من رائع

لك تحياتي

صح لسانك يا محمد


قصيده جميله جدا ً



وموضوع اجمل



تحياتي وتقديري



اخيك



سالم بن جلعان

السلام عليكم ...


موقف جميل


وعذوبة اجمل


وقصيدة ولا أروع



صح لسانك ودمت


فهد

سايلك من مدك ولطفك والافضـال +مدك ولا مـد العفـون وجهلهـا


صح لسانك

قصيده جميله .