ياعبيد بعض الناس والسهر والليل00

[align=center]بسم الله الرحمن الرحيم
السلام عليكم ورحمة الله وبركاته
(عبيد) هو إبني الكبيرعبداالله 00 حفظه الله
وفي احدى الليالي الشتويه كان ابني عبدالله (عبيد)
معي كعادته في مضيف الرجال المتواضع في منزلنا
يشعل النار ويحضر القهوة وكنا ننتظرمن يشاركنا القهوه والسمر00
ولكن كان الوقت متأخر جدا00
فخاطبته مداعبا له بهذه الابيات المتواضعه00
ارجو ان تحوز على رضاكم00

(ياعبيد)[/align]
[poet font="Simplified Arabic,5,blue,normal,normal" bkcolor="transparent" bkimage="backgrounds/18.gif" border="solid,4,gray" type=2 line=200% align=center use=ex length=0 char="" num="0,black" filter=" glow(color=white,strength=5)"]
ياعبيد بعض الناس والسهر والليل= مع الزمن صاروا علينـا مصيبـه
ماغير انا ويـاك مثـل المغاليـل = متقابلين وكل منّـا بريبـه
نحس بالوحـده وكثـر الغرابيـل = لامجتمع00 لامسيّر ٍ نحتفـي بـه
ونبكي على الماضي بكل التفاصيل = النجر وبيـوت الشعـر والنجيبـه
والنار واركاي الحطب والمعاميـل = ومجالسٍ فيهـا شيـوخ وشبيبـه
وين العلـوم الغانمـه والتعاليـل = وين الرجال اهل الصدور الرحيبـه
راحوا00 وجانا جيل يامااقشره جيل = جيل ٍ به الصاحب يحارب صحيبـه
جيـلٍ سوالفهـم تغنّـج وتدليـل = مثـل العـذارى مالهـم أي هيبـه
لاهم مع العيله ولامـع الرجاجيـل = شلة شـوارع والطبايـع غريبـه
ياعبيد واويلاه مـن قلـة الحيـل = بعض الشباب بعيشته راح سيبـه
الله يكافينـا شــرور المقابـيـل = ويلطف بنا عن كل ذنـب ومعيبـه
[/poet][align=center]وسلامتكم[/align]

عليكم السلام ورحمة الله وبركاته


هلابك ياسمي

هلا هلا وغلا

غبت وجبت لا عدمناك


ويـن العلـوم الغانمـه والتعاليـل
وين الرجال اهل الصدور الرحيبـه
راحوا00 وجانا جيل يامااقشره جيل
جيل ٍ به الصاحب يحارب صحيبـه


خلها على الله يابو عبد الله العلم قدااااااااام

صح لسانك وبيض الله وجهك


سلمت وسلم غاليك



تقبل تحياتي

اخوكم ابو مهنا

محمد الشراري





صح لسانك



وماقصرت



والله يخلي لك عبدالله ويصلحه






لك الود

محمد

صح السانك ولاهنت

قصيده رائعه من رائع


بيض الله وجهك

عسى الله يكفينا شر دورات الزمان قل امين


لك تحياتي

السلام عليكم




صح لسانك يابو عبدالله


والله يخلي لك عبدالله




وهالصوره في ذا البيت واقعيه بالمره

راحوا00 وجانا جيل يامااقشره جيل
جيل ٍ به الصاحب يحارب صحيبـه





دمت بكل الود



اخوك
ابوطارق

الاخ الكريم /ابو مهنا
حياك الله ياالغالي
شكرا لمرورك المعطر بطيب كلماتك
لك تحياتي

الاخ الكريم / عبد الله بن عقاب
اسعدني مرورك المعطر
شكرا لك ياالغالي
لك تحياتي

الاخ الكريم / حسن الوطري
مرورك كمرور المطر
شكرا لك ياالغالي
وكما قلت كفانا الله شر الزمان آمين00
لك تحياتي

الاخ الكريم / صالح ال شنيف
الله يسلمك ويسلم عيالك
وشكرا لمرورك المعطر بطيب كلماتك
لك تحياتي

الله يكافينـا شــرور المقابـيـل
ويلطف بنا عن كل ذنـب ومعيبـه







اميــــن الله يكفينا ويكفيكم شر دورات الايام


مرحبا ملياررررررررررررررررر يامحمد



صح لسانك


ولاهنت


تقبل تحياتي