( وانفتاح الأجنبيه .. بستر المسلمه)

صرت مثل .. ابن المعرّي .. رهين المحبسيـن
رهـن جـرح الحـب .. والذكريـات المؤلمـه

وبين زفـرات المواجـع .. وجـرّات الونيـن
استوى جـرح المحبـه .. وجـوده .. واعدمـه

وبين جور اليأس .. مدري الرجا .. حالي رهين
مثل مسجون ٍ قضـا العمـر يرجـي المكرمـه

صابـر ٍ والله يعـيـن العـبـاد الصابـريـن
وآتجـاهـل مايـكـنّ الـخـفـوق ويكـتـمـه


مسفر صح الله لسانك

وعز الله أنك كفيت ووفيت

سجل أعجابي
أخــوك....

صالح ال شنيف .. يامرحبا ومسهلا





صح ابدنك .. والله لايهينك على مرورك الذي يسعدني ..



وتقبل جل الاحترام ..

ماضي ال عضيمان .. مرحبا مليون في مليون




صح ابدنك .. مرورك يشرفني ويسعدني طال عمرك ..




لاهنت وتقبل جل احترامي ..

جابر المري .. يامرحبا ومسهلا





صح ابدنك .. ولاهنت على مرورك العذب



تقبل جل الاحترام ..

[QUOTE=مسفر آل كحله]اسعد الله اوقاتكم بكل خير .. واليكم الجديد وارجو ان ينال اعجابكم ..


[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]

الجروح اللي تمادت على الضلع المتين=
جارك الله لاتهشم العزوم .. وتهشمه

حمّلته اللي لو يحمّل القاسي يلين=
وماله الاّ يشيل حمله .. ويرخي مقدمه

وعرّضتني للمصايب وانا مالي عوين =
ولابنيت من الأمل .. حلم .. جاتك تهدمه

وكل ماأدفنها .. غبن .. في ثرى الصمت الدفين=
بيّحتها عقدة ٍ في الضماير محكمه

وكل ماأخفي لوعة الحزن في عيني ..تبين=
اثر عين المهتوي .. للشعور مترجمه

وكل ماسجيت عن طيف .. صافية الجبين=
عارضتني ذكريات الغرام المجهمه

صرت مثل .. ابن المعرّي .. رهين المحبسين=
رهن جرح الحب .. والذكريات المؤلمه

وبين زفرات المواجع .. وجرّات الونين=
استوى جرح المحبه .. وجوده .. واعدمه

وبين جور اليأس .. مدري الرجا .. حالي رهين=
مثل مسجون ٍ قضا العمر يرجي المكرمه

صابر ٍ والله يعين العباد الصابرين=
وآتجاهل مايكنّ الخفوق ويكتمه

ومن بدايات الوله لى نهايات الحنين=
كنّ رجلي عن دروب المواصل محرمه

ولا طرالي مامضى .. أفزّ لعيون الضنين=
واعتزي .. عزوة شجاع ٍ ربوعه تزهمه

آه ..ياوقت ٍ مضالي مع الدل الحسين=
راح حلم ٍ ماحلمته .. ومازلت أحلمه .!

وآه ياام الزين .. والثقل .. والعقل الرزين=
ملهمه .. لا .. وصفها فوق وصف الملهمه

والمواهب دين .. واطبوعها .. طلاّب دين=
ومن جميع أرقا الطبايع .. خذت طبع وسمه

وأحتوت عفوية الطفل .. في نبهة فطين =
وانفتاح الأجنبيه .. بستر المسلمه

لابدالي وجهها .. همت في النور المبين=
في محياها بروق الخيال المظلمه

ولا أنظرتني .. نظرة اعجاب .. بالله استعين =
كنّ في نظراتها ..رمح عنتر .. واسهمه

وثغر ٍ أصطفت مثانيه بالدر الثمين=
ورمش عين ٍ .. علّم الليل مالايعلمه

وابتسام العطف في نبرة الصوت الحزين=
قصة ٍ لاهل العقول الفهيمه .. مبهمه

والغلا .. لو ..للغلا جرّم .. ولاّ مجرمين=
كان بعيون الغلا صارت أكبر مجرمه

لاحكت قامت .. تسلّط على الهرج السمين=
كنّها ..شوقي .. يلا قام يسرد ملحمه

ولا تمادت بالسوالف على شخص ٍ ذهين=
يستمع .. ويكرر الحكي .. حتى يفهمه

ويش أوصف .. ويش أخلي .عسى ربي يعين=
الحروف بوصف خلّي .. تقل مستسلمه

الوكاد .. ان حبّها يزيد من حين ٍ لحين=
وساطي ٍ في القلب .. يجري مع مجرى دمه

وحالف ٍ .. ماانسى غلاها على مرّ السنين =
كود تنسى البدو طاري الربيع وموسمه

وكود ماتبقى جروح ٍ على الضلع المتين =

وكود يسلم من جروح الزمن لا تهشمه

االله الله يامسفرالكحله صح الله اللسانك
قصيده جزله من شاعرجزل ولاتستغرب الجزاله
على شاعرمثلك يا مسفر
الصراحه مهماقلت ومهمامدحت اكون مقصر

تقبل تحياتي اخوك ومتابعك علي ال جوزاء

علي ال جوزاء.. مرررحبا بك


مجرد وجود اسمك شرف لي ..



لك خالص التحيه ..