(( ياصديقٍ ما أستفدنا من وراه الا الشماته ....؟ ))

[align=center]
[align=center]السلام عليكم ورحمه الله وبركاته

اخواني هذة المشاركه الثانيه لي وهي قصيدة ((الاضحوكة))

ارجو ان تحوز على اعجابكم وترقى الى مستوى ذوقكم الرفيع .[[/align]poet font="Arial,5,blue,bold,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
[poet font="Simplified Arabic,4,blue,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
الله الله لا تخليني مع العالم ضحوكه = ياصديقٍ ماأستفدنا من وراه الا الشماته
كل رجلٍ مارخص للطيبه رصيد بوكه = والله انه ياجماعه موته احلى من حياته
ويتكلم جعل رجّاف الشتاء يقضب حنوكه = خاسيٍ كوبان والخاسي بعد سامع حكاته
وكان تبغى من دليل الهرج يا النقاد دوكه = ايتكلم في علوم المرجله ساحب عباته
أمس الأول همه اللي مشغله قيمة علوكه = لين صار البارحه بالعز ماسوي سواته
هيه حنا شعلة المجد ومجانيه وملوكه = يوم مضعوف البخت قدره مع الناس احسراته
كل رجلٍ يكشف اللي داخله مجمل سلوكه = لو تمثل بعض الأحيان محاكيه وسماته
أستفدنا من عنا الدنيا وصدرنا صكوكه = (( مايبين العود يالين الوهج يحرق طراته ))
راعي البستان اجن الورد وترك عنك شوكه = ماذكر رجلٍ يجيه الوقت في حسب امنياته

مع تحيات اخوكم / محمد المغري [/align][/poet]
[/poet]

[align=center]اخوي محمد

كفوووووو

كفوووووووو

بيض الله وجهك

استفدنا من عنا الدنيا وصدرنا صكوكه ............ مايبين العود يالين الوهج يحرق طراته


نعم الرجااااال معاااااااادن

صح نزفك محمد

الناااااااااايف[/align]

صح الله لسانك ووجدانك

يا محمد ابدعت واسعدت تقبل التحيه

الاخ العزيز / محمد بن شديد
تحيه طيبه
كفو والله
قصيده رائعه
من شاعر وافي

تحياتي

ياسلام عليك يا محمد


كفو كفو

صح السانك ولاهنت

قصيده رائعه من رائع


لك تحياتي

عطاكم العافيه والله انها شهادات واعتز فيها

عطاكم العافيه

ويسعدني انكم تقرون وتطلعون على ما اقول

اخوكم / محمد المغري

كل رجلٍ يكشف اللي داخله مجمل سلوكـه لو تمثل بعض الأحيـان محاكيـه وسماتـه



كل رجلٍ يكشف اللي داخله مجمل سلوكـه لو تمثل بعض الأحيـان محاكيـه وسماتـه



كل رجلٍ يكشف اللي داخله مجمل سلوكـه لو تمثل بعض الأحيـان محاكيـه وسماتـه




هذا البيت يسوى قصيده يامحمد




ولو اني اعتقد ان الشطر الاخير منه قد يكون به خلل مطبعي ادى لعدم استقامته















لكن الله يبيض وجهك يارجل




وصح الله السانك




اسلموسلم

الأخ محمد فهد العرجاني

مرورك يسعدني ونقدك يشرفني
واسعدني كثير مرورك وتعليقك

والبنسبه للشطر الثاني هكذا " لو تمثّل بعض الاحيان محاكيه وسماته "

مع تشديد الثاء.
والف شكر على هذا التنويه

اخوك محمد المغري

الاخ العزيـــــز





محمد المغري




أستفدنا من عنا الدنيـا وصدرنـا صكوكـه(( مايبين العود يالين الوهج يحرق طراته ))
راعي البستان اجن الورد وترك عنك شوكه ماذكر رجلٍ يجيه الوقت في حسب امنياتـه
















صح لسانطك على القصيدة الجزلــــــــة





ولاهنت





تقبل خالص الاحترام والتقديــر ......!!