هواه شربي وزادي واكسجيناتي{وصلوها بن عتقان}

[poet font="Simplified Arabic,4,blue,bold,normal" bkcolor="transparent" bkimage="backgrounds/1.gif" border="solid,4,gray" type=2 line=200% align=center use=ex length=0 char="" num="0,black" filter=""]
اخواني واخواتي هذه قصيده
موجهه الى الشاعر/ عبدالله بن عتقان السلمي
{نجم الحره}ارجو ان تنال بعض ذوائقكم الرفيعه


سميت بسم الذي كلٍ يسميبه=الواحد المعتلي فوق السماواتي
الخالق اللي خلق خلقه ويدريبه=علام الاسرار محيي ناسٍ امواتي
من بعدها ياهجوس الشعر غنيبه=وطوعيلي بيوتٍ فيه عسراتي
غوصي بحوره وجزله غصب جينيبه=وشواردها جمعيها بين الابياتي
الشعر حكمه ومعنى والكسر عيبه=الوزن والقافيه للشعر اساساتي
وانا ليا من بدعته زان ترتيبه=اترجمه قبل ماغنيه بشفاتي
اهندس البيت فوق البيت وابنيبه=واسوق معناه سوقي للمطياتي
وغيري يحبه ودم القلب يجريبه=يجري مع الدم جري ويدور دوراتي
ويجيد بدعه لياغنا وتركيبه=وعلى قوافيه له بالعرف بصماتي
سلام تسليم ياعبدالله ابديبه=سلام يهدى لكم وردٍ وباقاتي
احلى من الذوب يوم النحل يضويبه=واعذب من الماء-وماء ميسان بالذاتي
يالشاعر اللي جزيل الشعر غذيبه=شاعر وله فيه صولاتٍ وجولاتي
يصخر بيوته وله ميزه بتهذيبه=وبنات فكره على الصفحه مطيعاتي
للشعر نورٍ وكل الناس تسريبه=نورٍ يفج الظلام ويحيي الاصواتي
اشكي لك اهموم قلبٍ زاد تعذيبه=مولعه فيه نيران وحريقاتي
اسهر وخدي غزير الدمع يجريبه=والصبح يصبح وجفن العين ماباتي
من سبة اللي خذا قلبي وانا احريبه=حبه كواني بوسط القلب كياتي
من حبه امشي مع العالم واهذريبه=واصيح واون من فرقاه وناتي
اموت واحيا بحبه والله امصيبه=هواه شربي وزادي واكسجيناتي
يقبل بقلبي على كيفه ويقفيبه=ويامر وينهى وانا سلمت له ذاتي
ابكيه لاغاب واليا اقبل اهليبه=وارجيه رجوى العمى للشوف لحظاتي
من غيره العمر ضايع ويش اسويبه=هو منوة القلب في دنياه وامناتي
ولو بغيت اوصفه اوصافه اصعيبه=ما اوفيه حقه لو ادون سجلاتي
هذي علومي ومثلك نطمع بطيبه=ونطمع بشوره ونطمع منه فزعاتي
اريد شورك وشور القرم نمشيبه=اللي له مع كثير الناس وقفاتي
والناس للناس دايم شبٍ وشيبه=والرجل مايُعرف الا في المهماتي
تكفى ياعبدالله منك الحل مرهيبه=ولك جزيل الشكر واقبل تحياتي
[/poet]

الله الله يا حسين


جزل جزل جزل يالحارثي



صح الله لسانك مليون وقصيده مسندها على شاعر رائع كلنا بأنتظار رده






تقبل فائق اعجابي وتقديري




اخوك
ابراهيم الشمراني

حسين الحارثي


صح السانك ولاهنت


قصيده رائعه ومسنده الى شاعر متمكن وبانتظار رده عليها


لك تحياتي

الاخ/ ابراهيم الشمراني

صح بدنك والجزاله وجودك ومرورك

وابن عتقان غني عن التعريف

وعلى الله المشتكى

{سهيرالليل}

حسين

لاهنت

صح السانك

كفو اسندها لكفو

تحياتي

صح لسانك ياحسين

قصيدة جزله واسندتها لشاعر جزل

ننتظر رده

لاهنت يالقرم

الشاعر / حسن الوطري

صح بدنك ولاعليك زود

والله يستر من عبدالله بن عتقان

الا على فكره وينه من شافه

تقبل تحياتي

{سهيرالليل}

الشاعر/ محمد العاطفي

صح بدنك ولاعليك زود يالقرم

لاهان غاليك


لك مني كل الود

الاخ/ متعب العتيبي

صح بدنك ولاخلا ولاعدم
يالغالي

ونجم الحره قدها وقدود

لاهنت


{سهيرالليل}

القصيده للرفع