لوفة هشيمً عجاج الصيف لايفها

السلام عليكم ورحمة الله وبركاته كل عام وانتم بخير

[poet font="Simplified Arabic,5,darkblue,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
طاح المطر من خويي يترك ظروفه = يركب معي والامور الله يصرفها

ابا خوياً يسوق الجيب ويحوفه = وليا وصل حد نفسه لايكلفها

نبا لنا ديرةً ماهيب معروفه = لو نقعد العمر كله مانقارفها

دارً عليها هشاش الروح مشعوفه = شعفة قطيعً حساس العبد يشعفها

فيها الحباري بنون العين مشيوفه = شيً يكذب لسان اللي يسولفها

من حدنا واشمل البغداد والكوفه = ماعرفها زين ولا كان اوصفها

عملة باطرافها عامين مردوفه = على جيوب الحرس ناطا طوارفها

وهني من طبها مستامنن خوفه = ماهمه الا يشوف الطير ينتفها

وجدي عليها وجود اللي فقد شوفه = ماعنده الا دموع الحزن يذرفها

ابا عوض ربطتي للطير مخلوفه = ماهو على جرتً كلن يخطفها

وابا هدد طيرةً بالهبر ملفوفه = تلحق لو انك موسرها ومضعفها

وليا تدرعة خرباً يسحب ظلوفه = يفقع مثل رمية بعيدً يشففها

تكرب جناحينها وتضيع شفوفه = وتدخل معه فالسحاب ولا يخالفها

وقبل تطب الوطا رجليه وتشوفه = تقطع ضرمها من اللي كان متلفها

تنتف منه فالفضا وتمزّر اكتوفه = وتلقا لحم غاربه في وسط معلفها

حب الخلا والفيافي لافني لوفه = لوفة هشيمً عجاج الصيف لايفها

وباق الملذات عنها النفس مصروفه = ولا طمعتنا هوى الدنيا وزخرفها
[/poet]


وسلامتكم

ارحب يافواز
عزالله العزيز انك جزل ... وشاعر اعجبني نهجه وتعامله مع القصيده ... وقصيده لايكتبها الا متمكن وشاعر محترف بالجزاله لكن الشطر الاول مافهمته ؟كن صيغته متناقضه مع البيت .. وانت ادرى


طاح المطر من خويً يترك ظروفهيركب معي والامور الله يصرفهـا


طاح المطر من خويٍ |؟؟ كيف يعني ... وثق انبي ابي استفيد وليس تعقيب لان القصيده فارضه نفسها على قارئ
صح الله السانك ولاهنت
وتقبل الاعجاب والود

المبدع فواز الغبيوي

صح والله لساااااااااااانك








وسلمت











تقبل تحياتي




ناصر المجماج

الاخ الشاعر


فواز





صح لسانك على القصيدة الجزلــــة



ولاهنت



تحيااااااتي

السلام عليكم ...



الشاعر الجزل فواز الغيبوي :



حب الخلا والفيافي لافنـي لوفـه


الله اكبر على هذا الشطر


أنا اعتبر من الأمثال التي ستكون دارجة مابين العامة


لا هنت على هذه القمة وصح لسانك


فهد

ياسلام ياسلام
عز الله يالغبيوي انها فاخره ولاعليها كلام

ابو محمد اشاطرك الراي في صياغة اول شطر ولكن اعتقد ان الشاعر يقصد بشطره الاول طاح المطر وين الخوي اللي يقدر يترك ظروفه ويخاويني..والله اعلم..
لكن باذخه فالجمال هالقصيده وصح لسانك يافواز

فالح بن قشعم

ياهلا والله وغلا

ترا الخطا مني والتعديل

طاح المطر من خويي يترك ظروفه يركب معي والامور الله يصرفها

والقصد واضح يابو محمد
طاح المطر من خويي = يعنيالمطر دائم يقصد به البركه؟ وانا ارتجي الخوي وعسا خويي يترك ظروفه

من شان يقطع الطرقه معي


يابو محمد مرورك شرف لاخوك وانا غلطت في ذا البيت الاول واللي يقدر يعدله له مني جزيل الشكر ولاهنت

يابو محمد لك مني التحايا الحاره


اخوك فواز بن فيحان

ناصر المجماج مرحبا والله ومسهلابك عدد ماهل المطر




صح بدنك يالغالي




ولاهنت على المرور الكريم اللي زاد القصيده جمال




تحياياي الخالصه

أخوي الشاعر الرائع : فواز الغبيوي


ألف صح لسانك دره أكثر من رائعه ,تسلم ويسلم فكرك على هذا الإمتاع


تحيتيلهذا الشموخ


وأدامك الله

علي العجب مرااااااحب

صح لسانك يالغالي

الله لا يهينك على المرور اللي زود القصيده جمال

مرورك شرف


تحاياي الخالصه لك

قصيدة تطرب لها الذائقة وصف وتعبير رائع وجميل
صح لسانك اخي
لاهنت

الغبيوي

صح السانك ولاهنت

قصيده ماعليها كلام وافيه

لك تحياتي

فواز الغبيوي



قصيده جزله من جزل

توصيف لرحله يتمناها كل مولوع بالقنص ولو عندي اجازه خاويتك

صح السانك

صح لسانك يافواز



ولاهنت على ذا القصيده



جزل ولا تقول الا الجزل


تحياتي من القلب للقلب

فهد بن محفوظ


صح بدنك يالغالي


شهادتك اعتزبها واختيارك للشطر يزيدني مسره


لاهنت يابن محفوظ على المرور الكريم



تحاياي الخالصه لك