Tweet
كان فيه واحد منعم الله عليه ولكن انه بخيل ومقصر على نفسه واهله وفي يوم من الأيام سافر من ديرته الى ديرة ثانيه يترزق الله فيها ويوم وصلها والى عليها خيال ومطر وثيابه ماغير مرقعه ماتوقيه من المطر والى واحد من اهل الديرة الي هو قاصدها جالس عند باب بيته يذكر الله على هاالمطر وشاف هاالبخيل واقف وصوت له وقال من انت قال انا طرقي رد عليه يامرحبا بالطرقي اقلط ودخل البخيل وتقهوى وتعشى ويوم خلص قال للمعزب انت ماقصرت بس انت وش اسمك قال له انا اسمي الهر قال البخيل الفلوس ياالهر وين جاتك منه قال الهر هذي من مرة مات زوجها واعرست عليها فقام البخيل ورجع لديرته ودخل السوق وتقضى جميع المقاضي وقال للحمالي اللي في السوق ود هذي للبيت واجيك بالباقي فيوم وصل الحمال البيت طق الباب وردت عليه حرمة البخيل قال انا الحمال معي مقاضي لكم قالت غلطان زوجي مايجيب لنا شي قال هداه الله وجاب جاهم البخيل وقال افتحي الباب ياام فلان قالت ياابو فلان وش اللي نزل عليك قال عاد البخيل
( نبي نبيد المال قبل يبيدنا قبل يجي للمال هرٍ يبيده )
مع تحيات / الطرقي
( نبي نبيد المال قبل يبيدنا قبل يجي للمال هرٍ يبيده )
مع تحيات / الطرقي
تعليق