قوانين الهوى قد نصها قلبي على إصّه ...!!

[align=center]
السلام عليكم ورحمة الله وبركاته ...
اتمنى ان تحوز على بعض من استحسانكم وترقى لذوائقكم الراقية [/align]..

[align=center]انا يومه حداني عن محبتكم كما *العاكوص*
.. .. ..وقف قلبي على جال المحبّه كاتم الغصّه

ترى حبّك جرى بالدم من راسي إلى العصعوص
.. .صَعِب فرقاك ياللي لك حروف القاف مختصّه

أنا ودّي لقاك اليوم و انته بالغلا مخصوص
.. .. . .. انا لا من وعدتك بالوعد وافي ..و بي خِصّهْ

أوفّي عهدي اللي قد مضى واعطيك فيه خصوص
.. .. .. .. أخصّك بالوعود اللي تجي يا راعي القَـصّه

ترى يا صاحبي حبّك .. وسط قلبي كما المنصوص
.. .. . .. ..يـْنص القلب بأشواقي /ويتركني على نَصّه

ترى حبّك وهو حبّك/ بِحبّي دامِجه برصوص
.. .. .. ..مدامجهن على حب النقا و استنهز الفرصه !! ..

أحبك حب لو يوزن ...ولو وزنه عليه قْصوص
.. .. .. ... .. .يرجّح كفّة أوزان المحبّه لي لها حصّه .

أبيك تحط كفك بين ذرعاني وأعص اعْصوص
.. .. .. .أبي قربك ..و لاني ناوي ٍ من عندكم " ..مَصّـه..."


/ أبي قربك / ...


أبي قربك يريح القلب يكشف خافي ٍ مقنوص
.. .. خفا شوق القلوب اللي تجي وتروح مرتخصـه ..

حبيبي كان تهواني وقلبي نص لك بنْصوص
.. .. .... ..قوانين الهوى قد نصّها قلبي على " إصّه "

خلاص ارحل وانا برحل بعد ذاك الجفا ./و خْصوص/
.. .. خصوص إن جيتني ترجي لقا واحكي لك القصّه

أحبـك .. قلت أحبّك والجفا ما يخلف المخبوص
.. ...... خلاص الحب في قلبي تمركز و انحِدَر نصّه [/align]

[align=center]* العاكوص: عصا غليظة ملتوية الرأس [/align]


[align=center]/ محمد يسلم عبد الله / [/align]