Tweet
( ولعتني شا الذي عقبك ينسيني ) ...( قــصــيــده )..؟؟
السلام عليكم . وصباح الخير للجميع ؟
قصيده وأتمني أن تحوز برضائكم ؟
لا يابـعـد جـد جـدي يابـعـد عيـني * ويـنك تـرى لـك ثـلاث أيـام مـاشـفتـك ؟؟
أمـانتـــك حــس فينـــي لاتخــلــــيني * باللـــه باللـــه قــلى ويش سالفتك
أن كـان حـال النوى مـن بيـنك وبيـني * طـال أنـتـظـاري وأنـا والله عــاذرتـك
ياواقــعي ياغــرامي بـأول سنينــي * الكــــل حــاســدك في حبــي ويا بخــتك
وأن كنت عـقب المحـبه مـرخـصٍ فيـني * مـع السـلا مـه وأنـا مـاني مـسـامـحـتـك
عـطيتـك الحـب وأنت الصـد تعـطيـني * أحـسـاس صـادق تـرى مـانـي مـجـامـلـتـك
ضـيعـت حلـمٍ حسـبتـه صـار بـيديـني * جـرحـتـني وأحـسـب أنـي كـنـت جـارحـتـك
ولـعـتـنـي شـاالـذي عقـبـك ينسـيني * عـفـت المـخالـيـق لـكـنـي مـوالــفـتـك
ترى الـنـظر يا حبيبي منـك يكفينـي * يا فرحتي فـي يـمـينـي يـوم صـافـحـتـك
أغـلـيـك لـو الـغـلا والله مشـقـيـنـي * كـم مـرةٍ تـزعـل لـحـالك وصـالـحـتـك
ياالـغـامـض اللـي تبعدني وتدنـينـي * يـمكـن تـسـرعـت بـأشـواقي وصـارحـتـك
ياعـين جـدي وأبـوي ويا بـعـد عـينـي * ويـنك تـري لك ثـلاث أيـام ماشــفتــك ؟؟
وسلامتكم ..؟
أختكم :
( هنوف الشعر )
تعليق