Tweet
[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
البارحه طرفي محارب نومه = وامسيت اعاين في السما ونجومه
طال السهر وافكاري اقلّبها = والطيبه منها مع المسمومه
وتطيعني وحده وتعصى وحده = كن الثقه مابيننا معدومه
فكره تقول اصفح لجاتك زله = غض النظر كلٍ عليه هدومه
وفكره تقول العن ثوى المتهنوص = حتى يطيح ولا يجي له قومه
واحترت في الثنتين ويش اطاوع = قلت اخلط الحنظل مع اليشمومه
لعل من كبده ظميّه تروى = من بارقٍ تاتي معه ديمومه
برقٍ جنوبي والرعود تدنّا = سيله يحط العامره مهدومه
مير استخرت الله وقلت اهوّن = عن سلعةٍ ابطت مهي مسيومه
ودخلت بيتي بين ذيك وهذي = وابغى جهاز التلفزه وعلومه
فيديو كليب وحرب وافتح واربح = عبر قنوات الفضا المشئومه
كلٍ يقول الزين كله عندي = ريما مع ست الحلا مريومه
هذي تغنّي عن حبيبٍ سافر = وهذيك تعلن طلته وقدومه
غنّي يابنت الناس يافنّانه = يهرش هريشك اف شو مهضومه
وانا هواوي والحلا يجذبني = قلت اتصل واكلّم النعوّمه
كل السلوم اليوم للسوامه = راعي البداوه باع كل سلومه
ترن ترن الوه يامملوحه = لبيه ياللي ساقها مبرومه
وش ذا الحلا والصوت لله درك = مالوم من شارك معي مالومه
لكن تعالي بنشدك عن حاجه = علامة استفهام لك مرسومه
شاعرك منهو واصدقي في ردك = ملزومه تردين لي ملزومه
قالت لي الشعار عندي واجد = كلٍ عطاني دفتره وألبومه
واختار منها اللي يناسب صوتي = ومن شان هيك اضبّط المنغومه
طيّب واذا ما اعجبك شعر الشاعر = قالت تراها قسمةٍ مقسومه
عفواً انا بنشدك يالمتساءل = علامة استفهام لك موسومه
قلت انشدي واعطيك كل علومي = صوبك غدى للنفس شوق وهومه
قالت عرفتك من كلامك شاعر = واكيد لك بحرٍ صعيبٍ عومه
تكفى تسمّعني طلبتك طلبه = تقبرني ابغى اسمع ولو منظومه
قلت اتغزّل قالت الا هذي = بتصير مجهوله وفي معلومه
وليا مدحت تصير صبّه ردّه = هذا البحر من طاح به بيعومه
طيّب هجا قالت هلا بالهاجي = الناس تصغي لا صدر مرسومه
قلت استوت لللي بيرمي الشاره = والصدر زاحت من عليه همومه
با عدّ لك وحده ولا اثنّيها = والعذر لو طحتي هنا مصدومه
قالت انا في وجه رب الكعبه = من كلمةٍ شينه وانا محشومه
لكن اشوفك شاعرٍ متمرّس = ومن ديرةٍ عانق جبلها غيومه
ودي تسب اللي يسب ديارك = ورّه غضبك وجمرته وسمومه
قلت الديار اللي انا من هلها = عن كلمة اللي سبّها معصومه
ولا يطاولها الحكا من عاقل = لانه درى عن رجمها وقرومه
لكن فرضنا فيه واحد ناقص = اعمى ومد ايده على البرشومه
ملزوم ياتي شوكها بكفوفه = وينسدّ من هليلها بلعومه
نصرف علاجه وان تزايد ضيمه = رشّة فليت ونقتل الجرثومه
ماعندنا له غير سمٍ هاري = يسري ذليل وخدته ملطومه
من قوة اللطمه تشلّ اطرافه = ولو يقاوم شفرته مدقومه
هذا جزا من سوّلت له نفسه = ياكل بصل فعله وياكل ثومه
ويعيش متنكّس وفي دوامه = مع نفسه المدحوره المهزومه
ويطيح حظه من حصاد لسانه = نفخ ولكن شفّته مشرومه
جمره رمادتها تجي لو طفيت = العود صقرٍ والغليّم بومه
حتى ولو هي في سماها طارت = فلا لها حومه تسمّى حومه
واللي كلا الجمره حسبها تمره = افطر ولا ودّه يكمّل صومه
من كل عدٍ قربته يملاها = وانصلّ ماها لانّها مخرومه
يهلّ عبراته ويندب حظّه = وياما بصدره علّةٍ مكتومه
همّه يحقق حلمه المتكررّ = مسكين نومه ممتلي بحلومه
مغرور قال انّه وصل للقمّه = والحزم له كله وكل رجومه
وهو على باقي الموايد قوته = عايل ومستكبر اسير الزومه
يالله يالرحمن خفّف همّه = اللي مشى بالسكة المزحومه
يحضر وتكميلة عدد مابلاّ = تشريه وتبيعه من اول سومه
يابنت لعيونك كتبت القصه = قصة قصيده بالعبر مدسومه
تحملّيها واقبليها منّي = والشرع فيه الزانيه مرجومه
قالت سرى يالبارق الجنوبي = كل الدير من غيمتك مرحومه
لكن طلب فسّر لي المرموزه = بها علامة جودةٍ مختومه
ظرفٍ مشمّع بالشريط الاحمر = بالله ياراعيه فك اختومه
ماكل من يطلب ملينا كفّه = هذيك نعطيها وذي محرومه
بس الحقيقه تنكشف لعيونك = بتصير من شرحي لها مفهومه
واجب عليّ اوضّح اللي فيها = لللي تمد خشومها المقطومه
والله مازلّيت فيما قلته = حقيقته بانت وكل رقومه
واسمه كتبته في ثنايا ابياتي = وبدري على خشمه يفك رسومه
ويمكن يجي ويقول صح لسانك = وهي على راس النما محكومه
وختامها يبقى سوال الساهر = ياليل وش حال السما ونجومه
[/poet]
البارحه طرفي محارب نومه = وامسيت اعاين في السما ونجومه
طال السهر وافكاري اقلّبها = والطيبه منها مع المسمومه
وتطيعني وحده وتعصى وحده = كن الثقه مابيننا معدومه
فكره تقول اصفح لجاتك زله = غض النظر كلٍ عليه هدومه
وفكره تقول العن ثوى المتهنوص = حتى يطيح ولا يجي له قومه
واحترت في الثنتين ويش اطاوع = قلت اخلط الحنظل مع اليشمومه
لعل من كبده ظميّه تروى = من بارقٍ تاتي معه ديمومه
برقٍ جنوبي والرعود تدنّا = سيله يحط العامره مهدومه
مير استخرت الله وقلت اهوّن = عن سلعةٍ ابطت مهي مسيومه
ودخلت بيتي بين ذيك وهذي = وابغى جهاز التلفزه وعلومه
فيديو كليب وحرب وافتح واربح = عبر قنوات الفضا المشئومه
كلٍ يقول الزين كله عندي = ريما مع ست الحلا مريومه
هذي تغنّي عن حبيبٍ سافر = وهذيك تعلن طلته وقدومه
غنّي يابنت الناس يافنّانه = يهرش هريشك اف شو مهضومه
وانا هواوي والحلا يجذبني = قلت اتصل واكلّم النعوّمه
كل السلوم اليوم للسوامه = راعي البداوه باع كل سلومه
ترن ترن الوه يامملوحه = لبيه ياللي ساقها مبرومه
وش ذا الحلا والصوت لله درك = مالوم من شارك معي مالومه
لكن تعالي بنشدك عن حاجه = علامة استفهام لك مرسومه
شاعرك منهو واصدقي في ردك = ملزومه تردين لي ملزومه
قالت لي الشعار عندي واجد = كلٍ عطاني دفتره وألبومه
واختار منها اللي يناسب صوتي = ومن شان هيك اضبّط المنغومه
طيّب واذا ما اعجبك شعر الشاعر = قالت تراها قسمةٍ مقسومه
عفواً انا بنشدك يالمتساءل = علامة استفهام لك موسومه
قلت انشدي واعطيك كل علومي = صوبك غدى للنفس شوق وهومه
قالت عرفتك من كلامك شاعر = واكيد لك بحرٍ صعيبٍ عومه
تكفى تسمّعني طلبتك طلبه = تقبرني ابغى اسمع ولو منظومه
قلت اتغزّل قالت الا هذي = بتصير مجهوله وفي معلومه
وليا مدحت تصير صبّه ردّه = هذا البحر من طاح به بيعومه
طيّب هجا قالت هلا بالهاجي = الناس تصغي لا صدر مرسومه
قلت استوت لللي بيرمي الشاره = والصدر زاحت من عليه همومه
با عدّ لك وحده ولا اثنّيها = والعذر لو طحتي هنا مصدومه
قالت انا في وجه رب الكعبه = من كلمةٍ شينه وانا محشومه
لكن اشوفك شاعرٍ متمرّس = ومن ديرةٍ عانق جبلها غيومه
ودي تسب اللي يسب ديارك = ورّه غضبك وجمرته وسمومه
قلت الديار اللي انا من هلها = عن كلمة اللي سبّها معصومه
ولا يطاولها الحكا من عاقل = لانه درى عن رجمها وقرومه
لكن فرضنا فيه واحد ناقص = اعمى ومد ايده على البرشومه
ملزوم ياتي شوكها بكفوفه = وينسدّ من هليلها بلعومه
نصرف علاجه وان تزايد ضيمه = رشّة فليت ونقتل الجرثومه
ماعندنا له غير سمٍ هاري = يسري ذليل وخدته ملطومه
من قوة اللطمه تشلّ اطرافه = ولو يقاوم شفرته مدقومه
هذا جزا من سوّلت له نفسه = ياكل بصل فعله وياكل ثومه
ويعيش متنكّس وفي دوامه = مع نفسه المدحوره المهزومه
ويطيح حظه من حصاد لسانه = نفخ ولكن شفّته مشرومه
جمره رمادتها تجي لو طفيت = العود صقرٍ والغليّم بومه
حتى ولو هي في سماها طارت = فلا لها حومه تسمّى حومه
واللي كلا الجمره حسبها تمره = افطر ولا ودّه يكمّل صومه
من كل عدٍ قربته يملاها = وانصلّ ماها لانّها مخرومه
يهلّ عبراته ويندب حظّه = وياما بصدره علّةٍ مكتومه
همّه يحقق حلمه المتكررّ = مسكين نومه ممتلي بحلومه
مغرور قال انّه وصل للقمّه = والحزم له كله وكل رجومه
وهو على باقي الموايد قوته = عايل ومستكبر اسير الزومه
يالله يالرحمن خفّف همّه = اللي مشى بالسكة المزحومه
يحضر وتكميلة عدد مابلاّ = تشريه وتبيعه من اول سومه
يابنت لعيونك كتبت القصه = قصة قصيده بالعبر مدسومه
تحملّيها واقبليها منّي = والشرع فيه الزانيه مرجومه
قالت سرى يالبارق الجنوبي = كل الدير من غيمتك مرحومه
لكن طلب فسّر لي المرموزه = بها علامة جودةٍ مختومه
ظرفٍ مشمّع بالشريط الاحمر = بالله ياراعيه فك اختومه
ماكل من يطلب ملينا كفّه = هذيك نعطيها وذي محرومه
بس الحقيقه تنكشف لعيونك = بتصير من شرحي لها مفهومه
واجب عليّ اوضّح اللي فيها = لللي تمد خشومها المقطومه
والله مازلّيت فيما قلته = حقيقته بانت وكل رقومه
واسمه كتبته في ثنايا ابياتي = وبدري على خشمه يفك رسومه
ويمكن يجي ويقول صح لسانك = وهي على راس النما محكومه
وختامها يبقى سوال الساهر = ياليل وش حال السما ونجومه
[/poet]
[/align]
تعليق