قصيدتين بين معدى وهاجد ولها...قصه

اخواني واخواتي في مجلس العز الطيب إليكم هذه القصة التي طلب مني نشرها بعض الزملاء والاخوه ومن ضمنهم اخي الشاعر/راجح المقاطي
وهي
ان رجل يدعى الحميدي الغنامي له مجموعه من الابل قطعت طريق الرياض-الطائف السريع بالقرب من الحوميات جنوب محافظة عفيف فلما اراد ان يقطعها
مع احد( كباري المواشي) نزلت احدى قوائم الناقه في احدى فتحات الحديد (المشخل) فأراد ان يخرجها خوفاٌ من ان تنكسر رجلها فنزلت رجله في الحديد وانكسرت وحضرعنده وقت الحادث مجموعه من الرجال كان من ضمنهم المدعو/فيحان بن فرحان العنيضيل المقاطي الذي قام بإ سعافه الى مستشفى محافظة عفيف
وقام المدعو/ذعار بن شليويح بن ثويمر المقاطي الذي حضر لاحقاٌ و بقية الرجال بإخراج الناقه بعد قص الحديد وهي سالمه ولله الحمد وقام فيحان بن فرحان بحفظ الابل حتى جاءوا الغنانيم واخذوها ...

فرد الشاعر/معدي بن خالد الغنامي قصيدة ثناء في فيحان بن فرحان العنيضيل المقاطي..
يقول معدي بن خالد الغنامي

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
انا البارحه ياحمود اشوف البروق اتنوض=جنوبٍ من الروقه على اوسط ادير برقا
على ديرةٍ فيها هل البيرق المنفوض=قدايم فعايلهم تغني بها الورقا
واباكتب رساله عند من يكتب المعروض=من الحبر لين يروح بيض الورق غرقا
وابارسل مراسيلي على جيبٍ ابيض حوض= جديد المديل ويسرق ارض الغبا سرقا
ملافيك فيحان المقاطي بهاك الروض= كبار البيوت اللي مقاديمها حرقا
عليه البياض اللي على مثلنا مفروض=بياضٍ تعبر به هل الغرب والشرقا
على شان من جاب الحميدي وهو ممروض=وقع في مكانٍ لايحول ولايرقا
كسير العظام وعارضه فى الطريق اعروض=بجون خلا غير الهواء يطرقه طرقا
ولد شايبٍ تاريخ ماقدمه محفوض= تدرق وراء متنه اكبار العرب درقا
الياجاء نهاراٌ فيه فرصٍ وفيه انقوض=تسرك محاويله خلاف النضا العرقا
ولاياولد فرحان كسب الجميل احضوض=مكاتيب وانتم زارقين اوله زرقا
عسانا انجازي من تجمل بنا ونعوض= هل الطيب بالمعروف والنقص بالفرقا
معدي بن خالد الغنامي
[/poet]

وعندما وصلت القصيده لــ فيحان بن فرحان العنيضيل المقاطي وهو رجل ليس بشاعر,اعطى القصيده احد جماعته الشعراء وطلب منه الرد على القصيده فأخذها الشاعرالمذكور وبقت عنده فتره من الزمن ولم يستطيع الرد عليها لقوة القصيده
وصعوبة القافيه.. فقام بإعطائها شاعر آخر ولكنه ايضا لم يتمكن من الرد وبقت القصيده تتداول سنه لم يرد عليها من أي شاعر.
فاخذها فيحان منهم ,فقال سوف اذهب بها الى ذوي حديد ليردوا عليها وان لم يردوا عليها فلن يرد عليها احد والمقصود بذوي حديد هو جدي..
وذهب بها الى الشاعر/ معيض بن جهجاه بن حديد المقاطي وابلغه بالقصه والقصيده وانها لم يرد عليها خلال سنه وطلب مننا ياذوي حديد الرد عليها.
فقال له معيض الله يحييك أنت وقصيدتك واعتبرالرد عليها جايك خلال
هذا الاسبوع وعلى نفس الطاروق فأتصل بي الشاعرمعيض وابلغني بالموضوع وطلب من شخصيا الرد عليها وارسلها لي ووصلتنى بتاريخ 27/2/1419هـ
و في يوم 30/2/1419هـ وهي عند فيحان بن فرحان العنيضيل المقاطي
مطبوعه والذي سلمها بدوره للشاعر/معدي بن خالد الغنامي

واليكم ردي المتواضع على قصيدة الشاعر معدي الغنامي .
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
هلا بالكتاب اللي وصل معك يامحفوض=عدد من مشا من باب صنعا الى الزرقا
وصلني بعد زلت سنه والخبر مخفوض=حسب قول من لايمرق السالفه مرقا
وبعد ماوصل وأخذت عن قصته ملحوض= ابا اطرق معانيها على الوزن والطرقا
وطاروق ابو خالد عنه مانويت اجوض= مادامي سلم والدم يجري مع العرقا
وجوب الرجال انقوم به تركهم مرفوض=هل الطيب والناموس صدقٍ مهو قرقا
رجالٍ لهم بيت الشرف والثناء منهوض=ملاذ الدخيل اللي سبق زرقت الدرقا
رجالٍ تروض قاسي العلم لين ايروض= لياعدت الافعال في فعلها فرقا
جماعة شليويح العطاوي هل المركوض=بيومٍ عبوسٍ فيه بعض العرب شرقا
عليهم بياض الوجه ينشر مهو مقبوض=بياضٍ سوات الشمس والبدر والبرقا
نقلنا الحميدي بعد ماصار له عاروض= بذيك الجبال النايف عسرة المرقا
بعد مانكسرعظمه وفالجسم صار ارضوض=على درب عرب تدهل الهضب والعرقا
هذا واجبٍ نديه ما فالصحيح اغموض= ألكل آدمي شره على الكبد يتعرقا
ورجلٍ يحوش الطيبه يعتبر محضوض= كبير البخت ماهوب حبرٍ على ورقا
وانا دون فيحان المقاطي حجاٌ معروض= عن الشعر والا الطيب فيحان عن فرقا

وســــــــــــلامتكم
الشاعر/هاجد بن جايد بن حديد المقاطي العتيبي
[/poet]

واسمحولي ..على هذه الاطاله

صح لسانك ياهاجد

ولسان معدي

لاهنت

تحياتي

هاجد بن جايد العتيبي


هلابك وغلا

صح السانك

و

السان معدي

لاهنتو جميع


تقبل

تحياتي

ولـد شايـبٍ تاريـخ ماقدمـه محـفـوض
تـدرق وراء متنـه اكبـار العـرب درقـا
الياجاء نهاراٌ فيـه فـرصٍ وفيـه انقـوض
تسـرك محاويلـه خـلاف النضـا العرقـا
ولاياولد فرحان كسب الجميـل احضـوض
مكاتيـب وانتـم زارقيـن اولــه زرقــا
عسانا انجازي مـن تجمـل بنـا ونعـوض
هل الطيب بالمعـروف والنقـص بالفرقـا


صح لسان معدي وقول على فعل

نقلنا الحميـدي بعـد ماصـار لـه عـاروض
بذيـك الجبـال النايـف عـسـرة المـرقـا
بعد مانكسرعظمه وفالجسم صـار ارضـوض
على درب عـرب تدهـل الهضـب والعرقـا
هذا واجـبٍ نديـه مـا فالصحيـح اغمـوض
ألكـل آدمـي شـره علـى الكبـد يتعـرقـا
ورجلٍ يحـوش الطيبـه يعتبـر محضـوض
كبيـر البخـت ماهـوب حبـرٍ علـى ورقـا
وانا دون فيحـان المقاطـي حجـاٌ معـروض
عن الشعر والا الطيـب فيحـان عـن فرقـا

صح لسانك ياهاجد

وتقبل تحياتي.......

الآخ/متعب العتيبي

صح بدنك والله لايخينك وهذا من طيب راسك

لاعدمناك وشاكر لك حسن المرور

تقبل اجمل التجايا والتقدير

اخوك

ابو عبدالله

الآخ/محمد العاطفي
صح بدنك والله لايهينك على شعورك الطيب وهذا من طيب راسك

شاكرا لك حسن المرور
واقبل اجمل الاحترام والتقدير

اخوك
ابو عبدالله

الشاعر / هاجد بن جايد...........



الاوله......... بيض الله وجهك يابو عبدالله على تلبية الطلب...............


والثانيه........صح لسان معدّي ولاهيب غريبة عليه الجزاله..........


والثالثه..........بيض الله وجهك على الرد وصح لسانك عزالله كفيت ووفيت

وثمّنت.......

صح لسانك وسلم راسك................



تقبل تحياتي وتقديري...........




اخوك...........




راجح

الاخ الكريم ..سعود الدهيمي
صح بدنك ولاهنت على مرورك العطر

تحياتي لك

الاخ هاجد بن جايد
السلام عليك ورحمة الله
الحقيقه ما شفت القصيده ولو اني شفت بعض ابياتها عارضها الدهيمي لكن السالفه سامعها من قبل او انت نشرتها بالمنتدى من قبل لا اذكر
لكن كونك شاعر هذا ما فيه شك
سلمت ودمت اخي الكريم