بارك الله فالزمان اللي ذخر شروا النداوي .. قصيدة

ــ مساكم الله بالخير جميعا


ــ والله ياجماعه هذى بيوت ما كان لى نيه اكتبها لاانى ادرى أنها

ـــ ماهيب على مستوى ابداعاتكم وقصايدكم . لكن

ــ لالحاح اخوى العزيز سعد القريشي ولتلبية طلبه ابكتبها لكم والله يعين وتحوز على رضاكم



ــــــــ بارك الله في شواعير النداوى كلبــــوهم ،،،،،، وبارك الله فالزمـــان اللي ذخر شروا النداوى


ـــــــ الرجال اللي موارثهم كرم من ورث ابـــوهم ،،،،،، اعرف اللي مثلهم وتصـــير رجالٍ غناوى


ــــــ قالوا ايش الحل قلنا هالنشاما قربـــوهم ،،،،،، آه ياطيب الرجــــأل وآه ياطيب العزاوى


ـــــ من مواقيع الروائع والمعالى حسبـــــوهم ،،،،،، مع طريق المجد دايم دربهم شبه متســاوى


ـــــ واصلين القمه العليـــا ولوهم عذربـــوهم ،،،،،، طيبهــم مثل السحاب وشعرهم سيلٍ نحــاوى


ــــ ماعليهم لو زنـــادقت الصحاايف حاربـــوهم ،،،،،، لو شكى جرح القصيد تصير للجرح المـــداوى


ــــ يامدورت القصـايد راقبـوهم راقبــوهم ،،،،،، واخذوا ابداع القصايد واتركوا كثر الحكـــاوى


ــــ اقروا الابداع ودروب المعانى ناسبـــوهم ،،،،،، واقروا العشق المسطر من مشاعر كل هــاوى


ـــ خلدوا طيب المشاعر بالعتاب وعاتبـوهم ،،،،،، وابتدا الابداع يضحك فى روايـا كــل رااوى


ــــ هكــذا الشعر المسما والمهبّـل سيبـــوهم ،،،،،، أن نطقها سهيــل وثقها شليويح العطــاوى


ــــ النشــاما رافقوهم والردايـا جنبــوهم ،،،،،، مع طريق العز وأهل العز متعتب الخطــاوى


ـــ بارك الله في رجــالٍ طيبهم من طيب ابـــوهم ،،،،،، وبارك الله فالزمــان اللي ذخر شروا النـــداوى



,,,, وسلاامتكم



,, عندى خبر انها مو قد المقام ولكن وش اسوى فى القريشي قالى لازم تكتبها ولا حبيت ارد طلبه . ياجماعه تراها خاطره وبيوت ماش حالها يعنى لاتدققون واجد



،،،،، سهيل

سهيل ،، بأبياتك هذه قلت ما يود الكثير قوله ممن تشرفوا بعضوية في الموقع .. نود من المراقبين متابعة ما ينشر للإحتفى بالسمين ..
ورفض الغث بشتى طرقه ..

قصيدة يصرّ سعد القريشي على نشرها بلاشك هي أم الجودة.



[تم تعديل الموضوع من قبل نجدية سدير بتاريخ 03-16-2001 الساعة 02:16 AM]

وها قد رأينا ــــــــــــــــــــــــــ سهيل نجما

وها قد راينا سهيل نجما





وانا رايته شعرا



وما الفرق بين النجم والشعر سوى اننا نراه ولا نستطيع لمسه




يا سمي ــــــــــــــــ كيف تحرم النداويه من هذا العقد المنضوم من اخوتك النجوم




لله درّك ـــــــــــــــ وصح لسانك

[تم تعديل الموضوع من قبل سعد القريشي بتاريخ 03-15-2001 الساعة 04:53 PM]

ـــــ نجديه .. شكرا

ــ اخى الاستاذ سعد القريشي



,, شكرا لك على هذا الكلام الطيب النابع من قلب يجتاحه البياض من كل جهه .. عندما ياتى الرد على موضوع لى من سعد القريشى اعرف اننى امشي فالطريق الصحيح لاان هذا الرجل يعرف اين يكون الصحيح دائما ..


ــ سعد القريشي الكلامات لاتكفى ولكن تاكد انك من الناس الذين اشتشف بل اعرف انهم جبلوا على الابداع دوماً .


ـ دمت يااخى العزيز واطلب منه الله لك التوفيق


.. وفى اتنظار سماع صوتك



.... اخوك سهيل

صح لسانك ياسهيل

وبيض الله وجهك

طيب القصيده زادها طيب راعيهاوطيب علمها

ويستاهلون الربع





خوي المطاليق

... صح بدنك

.. ولاهنت ياخوى المطاليق


.. وانت تستاهل كل خير

.. والله لو اكتب مجلديات ماتوفيكم حقكم ياخوى المطاليق .



... اخوك سهيل

,, عندى خبر انها مو قد المقام ولكن وش اسوى فى القريشي قالى لازم تكتبها ولا حبيت ارد طلبه . ياجماعه تراها خاطره وبيوت ماش حالها يعنى لاتدققون واجد

.........................................................

اخوي الغالي سهيل ... النجم ....

سمعت مره كلمه قالها الفنان عبادي الجوهر .
يقول (زياده التواضع غرور) ..

وكررها علي اخوي الغالي خيال القوافي قبل كم يوم ..

وانت يا سهيل تواضعك مو غرور .. انت حريص جدا على اتزان مقامك في نفوس الاعضاء ..
ياخي بلاش من هذا كله .. والله ثم والله انك غالي بالحيل عندي انا شخصيا ..
ووالله لو ماتكتب ولا قصيده وتكتفي بالردود انها تكفي بس لرسم معالم شخصك الكريم وتفي بالغرض ..

انت لما تكتب قصيده لاتقول انها مش قد المقام .. ابدا يا نجم انت شاعر( بكل معنى الكلمه)

والله يا سهيل اني لما اقرالك اقول في نفسي وش بقالي انا ..

الله لا يهينك وتواضعك على عيني وراسي ..

واذا تبي الجد ..... قصيدتك هذي اعلى من مستوى النقد ..

صح لسانك وتسلم يمينك يا مبدع .......وشيك بريدك

اخوك:
امرىء القيس

... ابو راشد بيض الله وجهك ولاهنت

... والله ثم والله ماهو غرور تواضع ولكن اعلم اننى بين مبدعين لهم باع طويل فى الابداع وكل ما اخشاه ان لااكون على مستوى الحدث لذلك قلت كلامى ولازلت عنده اننى اقل هولاء المبدعين خبره

.. اما بالنسبه لك انت فقد قلت وساعيد ما قلته يكفى سهيل اطلاع امرىء القيس على قصيدته لتكون رائعه


.. ابو راشد عساك ذخر طال عمرك

.. سعيد بان تجد قصيدتى لديك القبول


... اخوك سهيل

مانيب قايل صح لسانك
تدري ليه احس انها
قليله والله العظيم
_____
ولا لك خاطر تكتبها
مدري وشبقول لك
لكن اااااه لواني
قريب منك بس

وعلى فكرة
فيه بيت تعلقت به
وانا طالبك ترخصلي
فيه ومانيب قايلك
وشهو البيت لكن ان
كانك بتوافق
بتشوفه توقيع

[تم تعديل الموضوع من قبل ماجد بن محمد بتاريخ 05-01-2001 الساعة 11:26 PM]

[كحيلان]

اخي الكريم
سهيل
تشرفت بالاطلاع على ماتفضلت شاكرا بنشره
ويشرفني ان اعقب بالرد على مايجسد سمو وسماحة اخلاقك
كلمات تنضح بالوفا وتعبر عن مشاعر اخويه صادقه
وفيت وكفيت وباسمنا جميعا انبريت لتحقيق الحق
في مايستحقه النداوي والاخوه جميعا

اتمنى لك التوفيق في حلك وترحالك
تحيه اخويه صادقه
احوك
كحيلان

[هـنوف الشعر]

( هنوف الشعر )


مساء الخير ؟

اخوى العزيز ( سهيل ) ؟

بالبدايه اشكرك على تواضعك الجميل ( ما أجمل المبدع حين يتواضع )

وهذا مانراه فى النجم المتألق الشاعر ( سهيل ) ؟

وصح السانك على كل كلمه وكل حرف ؟

تقبل اعجابى وتحياتى ؟

اختك :

( هنوف الشعر )

سلمت ياسهيل وبيض الله وجهك

وعزالله قصيدة تستاهل من يحط لها ارتباط في الصفحة الرئيسية للنداوي

انت تفعل والربع يستاهلون

صح لسانك

النداوي

ــ ابو محمد لاهنت على شعورك النبيل

ـــ ابشر انت تمون على الرقبه لاتطلب اخذ ما تبى القصيده تفداك وانا اخوك

ـ اخوك سهيل

ـ

,,,,, الاخ العزيز كحيلان اطلاعك على قصيدتى وما اكتب شرف لى

،،، والوفاء شيمه وانت من اهله يا كحيلان وصدقنى حقكم اكبر من ماكتب


... شاكر لك ردك على الموضوع ونبل اخلاقك



ــــ سهيل