مطالع لقصائد بين الأوراق وما زالت..

<
مساكم الله بالخير جميعا
من بين الاوراق .. اخترت مطالع لقصائد
لا أدري فهي في نظري لا تستحق النشر
فاكتفيت منها بالعشر.. وقدمت وأخرت العذر


--------------------

--------------------
اكتبـك لهــفــه وتـقـــرينـــي بـشـــوق
ــــــــــــــــــــ واحضنك فــرحه اذا ســاق الـخيــال

وامزجـــك مــع نبضة ً بين العروق
ــــــــــــــــــــ سافــرت فــي داخــلي لآخــر مجـال

وش يسوق الشعر عندك وش يسوق
ــــــــــــــــــــ أرفــقــي بالشـعـــر يـا بـنـت الحـلال
----------------
تقبل وانا الكون في عيني ولا يسوى
ــــــــــــــــــــ ومن يوم تقبل يزين الكون في عيني

يالمــورد اللــي شــربنا منـه مانروى
ـــــــــــــــــــــ واشرب أبروى ولكن زود يضميني
---------------
لا ياقصيــده لا تروحيــن تكـفين
ــــــــــــــــــــــــــ والله حــرام اللــي تســويـن فيني

أنا بحــالً مثـل ما انتـي تشوفين
ـــــــــــــــــــــــــــ شوفة عيونك يابعد شوف عيني

لمن ياقصيــده تتركيني تعـرفين
ــــــــــــــــــــــــــ لـيـلي وصـبـحــي كلها ما تبينـي
---------------
تعالــي ياقصيـــده شاركينــي رقصـة التوديع
ـــــــــــــــــــــــــ وترى التوديع له رقصه ولكن رقصةً آخرى

قصيـده لا انا وانتـي ترى نقــدر على ترجيع
ــــــــــــــــــــــــ ليالــي قد ســرت والا ليالـي تنــوي المسـرى

قصيــده كان ودك تنشـدين أحدً عن التضييع
ــــــــــــــــــــــــ تعالــي وانشـديـنــي والله انـي فيــهـم الادرى
----------------------
يا لـيل جـيتـك شــايـلً ذكــرياتي
ــــــــــــــــــــــ وقلبً من الرحله طوته الغرابيل

وقصــايـدً تحــكــي لقصة حياتي
ــــــــــــــــــــ وآهات مطعونه وشوق ومواويل
-----------------------
تعبت بها البيــوت اللي تجينــي وين أوديها
ــــــــــــــــــــــــــ وطيـر الشعـر والله لا وقع ياقع على زندي

اذا نـادوا عـلـى الشعـّار والله جيت راعيـها
ــــــــــــــــــــــــــ واذا للشـعـر جنـديًّ فـانـا هـو ذلك الجنـدي

امـام الكـل والميــدان يفـضــح من يخبـيــها
ــــــــــــــــــــــــ أعرف الشعر وطروقه وعلمه ينتهي عندي
------------------------------------
قالت أكتب لي على ذوقك قصيــده
ـــــــــــــــــ بس أبـيــك تـجـيـبـهـا يـعـنــي تمـام

جب شعورك دون نقص ولا تزيده
ـــــــــــــــــ مـا أبــي فيـهـا شعــور أيــّـة كــلام

حــرك الابـداع وابغــاهـا جـــديـده
ـــــــــــــــــ وحـدة ً تـســوى وابـيـهــا ياســلام

الله الله أتــعـبـتـنــي بــا لــبـعـيـــده
ـــــــــــــــــ ذي تـبــي إقــدام شاعــر واقتحــام


ذهب

اذا وجد الابداع ..... وجد ذهب ( المعاني والقوافي)


هلالالالالالالالالالاوغلالالالالالالالالا باخوي ذهب
يا مرحبا بك
وصح لسانك على القصيده الجميله جدا جدا جدا جدا جدا


تعبت بها البيــوت اللي تجينــي وين أوديها
ــــــــــــــــــــــــــ وطيـر الشعـر والله لا وقع ياقع على زندي

اذا نـادوا عـلـى الشعـّار والله جيت راعيـها
ــــــــــــــــــــــــــ واذا للشـعـر جنـديًّ فـانـا هـو ذلك الجنـدي

امـام الكـل والميــدان يفـضــح من يخبـيــها
ــــــــــــــــــــــــ أعرف الشعر وطروقه وعلمه ينتهي عندي
------------------------------------



الله الله ...



اخوك / العنيــــــــــــــــــــد

ذهب على اسمك ومايجي منك الا ذهب

صح الله لسانك يالغالي

اسف على التأخير في الرد عزيزي ذهب ..


ابياتك كلها ذوق وشعور نابع من روح عذبه

صح لسانك الف مره على التميز والتفاني الغير محدود


كل بيت من ابياتك يسوى قصيده (الله الشاهد)

لاتحرمنا من جديدك يا مبدع

اخوك:
امرىء القيس

هلا اخوى ذهب اصلي

صح لسانك وسلمت يمناك

وصدقني تعجز حروفي عن الاطراء امام ما تكتب

ودمت سالما

بسم الله الرحمن الرحيم

حيالله قصيد الذهب .. افهد اقصد

عجبتني كثير الأبيات اللي تخاطب فيها القيصده ..