صوت محمد العتيبي وصدى احمد الخياط

السلام عليكم جميعا

وكل عام وانتم بخير والعيد مبارك


اعتذر لكم عن فترة غيابي الايام الماضيه لانشغالي والظروف احيانا تكون اقوى منا 0


واسمحولي ان اطرح بين ايدكم صوت الشاعر الاخ محمد العتيبي 0

وصدى احمد الخياط واتمنى ان تنال على اعجابكم 0


صوت الشاعر محمد العتيبي


[poet font="Times New Roman,4,darkblue,normal,normal" bkcolor="transparent" bkimage="backgrounds/19.gif" border="inset,4,gray" type=0 line=200% align=center use=ex length=0 char="" num="0,black" filter=""]

أسـر يا نديـبـي فوق طيارة الميراج = على الونق ميم وجيم رمز لميراجـي
معباة توا نكها من البنزين ما يحتاج = إلى روحت تاخذ لها بالفضاء راجي
عليها غلام فوق كتـفـه نـجـوم وتاج = هو الكبتن الطـيـار بـا لاسـم فراجـي
إلى من شلعها واخذ أذنه من الأبراج = تقادح مواخرها ويغدي لها ازعاجي
ودوك الرسايل ثم عجل على المنهاج = ونصه لـقـرم فـاهم كيـف مـنهاجـي
اعرفه باسم ونـات والشعر له مدراج = ولا يـنـظم القـيفـان من كـل الأدراجي
ولا كل من بالروم حطيـتـهم مسهاج = أنا قبل لادخـل عــارف كيف مخراجي
ورد عـد حـلو لا هــماج ولا بـدبـاج = قراح برى جـرح بـوسط الحـشاء لاجـي
ومن طيب راسة جاك شعرة كما الوهاج= كما نار عود بالكرم يفن الأنعاجي
انا احـب شـعـرة لـو نـقدني بها الهراج = ضـعـيـف تـبـوع للمره دوم دواجـي
والا يـابعد رجل خفيف وفيه رجاج = كثـيـر الكـلام ودايـم هـروجـه سـماجـي
وكـتبت البيوت اللي تزاحم على المخراج = بـيـوت لغـيرك دونـها حـط مزلاجي
ولا حسَني جـمال عذراء عليها حجاج = فـتــون غـنـوج تــذبح بســود دعـاجي
وابنـشدك ياونـات مامـرك الـحجـاج = رسـومي طـمسها قـبـل لا الصـبح يـنبـاجي
رسـوم البيـوت اللي لها خاطري ينـبـاج = عراض طوال ثم وسيعات وفجاجي
تكرَم وشخص واصرف لهم دواء وعلاج = عسى طبكم يشـفيه قبل اصرف علاجي
وانا عندي علاج يخلي الضلوع فجاج = اغـوص البحر لو البحر عــال الأمواجي
عليك اشتـكي وابـغاك تقضي بدون احراج = ترى الرمح باول زرقـته قتـلة مفاجي
وابـوصيك ياونـات لاجــاك مع فــراج = نديــبـي ومـرســـالي وقــاف على آجــي
فهات الردود اللي لها صاحبـك محتاج = يبـي حاجـتـه مـاهـوب للعذر محتاجي


واليكم صدى احمد الخياط



اسري ملوك الجان مفرد وراه ازواج= مع غطلسي الليل لا نور وسراجي

من الهند مع صنعاء لها القاعده قرطاج= اشاره من السبعه على عرشها العاجي

برمش البصر تاصلك مع مثله المعراج= تسابق هبوب الريح مسرى ومعراجي

تعًدت فرنسا لو تطور بها الانتاج = ولا ارجي سوى الله كاشفٍ كربة الراجي

قبل تاصلك طيارتك فكت المزلاج = ولا ردها يامحمد شناج وسياجي

رسالتك ما حطت مع المهمله بادراج = وانا للردود الوافيه مطلق حجاجي

فداك الهبيل اللي على الفاضيه لجَاج= علومه تجيك افراد وجموع وازواجي

هل المعرفه للي يعرف السلوم سراج= لياداج غيره بالفكر دل ماداجي

نحر لك بعير ولا نحر لك ثلاث نعاج= ولا هي بزكاةٍ جات في حل الاخراجي

انا عارف اللي يرفع السيف والكرباج= واعرف الذي ما شال سيفٍ وكرباجي

نقل سيف ياخذ به على المخطيين خراج= يعدل الرقاب اللي عن الحق تنعاجي

شجاعٍ ولا يسكن بقصرن وبابه صاج= تفرّش حصير ولا جلس فوق ديباجي

ترى الفيل مايذبح من الناس لولا العاج= ولا يفرح الزراع لا قل الانتاجي

انا معك لا من البحر يا محمد هاج = سبحنا و بامر الله من موجته ناجي

عبرنا بحر سبعه ليا زادت الامواج= وبندرت في فكري على حد الافلاجي

صرفت العلاج اللي يريحك من الازعاج=علاجه براس النار من جمرة الصاجي

ترى الطير له شبه وشبات للروباج= بذلت السبب وشفاه مع وال الافراجي

ليا من زعل ناصر زعل من وراه حباج= بعدها تخالف كل راسٍ على التاجي

اجر من تعمر ماقضى فرض مثل الحاج= يطير الحمام ويرجع لعش الابراجي

ترى للبعير خطام ولخيلها سرّاج= وللحرب خياله ورجليه افواجي

وصاتك حفظناها بقطعة من الديباج= ومصيونةٍ عن كل ناقد وهراجي

نهيت الشطر اجي وشطرٍ بديته آآج= ولا فيه يامحمد على مثلي احرااجي


مع تحياتي لكم جميعا


[/poet]

صوت محمد العتيبي

وصدى احمد الخياط


رائعان


جزاله وحكمه وحبك راءع


لكم تحياتي

الله عليك يالخياط دايم مبدع دايم



جزل ولا على محمد زود عز الله



به شعار واسمتعت بقرائة ما كتبتم



لا هنتو تقبل التحيه اخوك محمد شديد

يامرحبا يالغالي احمد




قصايد جزله وذربه




بيض الله وجيهكم كلكم


رسالتـك مـا حطـت مـع المهملـه بـادراج وانــا لـلـردود الوافـيـه مطـلـق حجـاجـي

فـداك الهبيـل اللـي علـى الفاضيـه لـجَـاج علومـه تجيـك افـراد وجمـوع وازواجـي

هل المعرفـه للـي يعـرف السلـوم سـراج لـيــاداج غــيــره بـالـفـكـر دل مــاداجــي



كفو عزالله انك كفيت ووفيت والعتيبي ماقصر



صح الله السانه والسانك



ملاحظه بسيطه طال عمرك




تـعــدت فـرنـسـا لـــو تـطــور بـالانـتــاج اعتقد انه يوجد خلل مطبعي في هذا الشطر



للتنويه فقط




اخووك

يا سلام يالسمي

صح الله السانك والساانه


صوت رائع وصدى اروّع

تقبل تحياتي

ابو عبدالله

كل عام وانت بصحه وسلامه



صح السانك والسان محمد العتيبي


صوت وصدى رائعان


لك تحياتي

السلام عليكم

الاخوان الشاعران الرائعان احمد الخياط ومحمد العتيبي

صح الله السانكم ولاهنتوا على الابداع


صوت وصدى رائعان

ولاهو غريب عليكم انتم مبدعين دائما


تقبلوا تحياتي

اخوكم خالد بن سكران

هلا وغلا بالاخ ماطر العضياني


اسعدني مرورك الكريم


واسعدني انك من اول المعقبين على القصيده


صح بدنك


لك تحياتي

احمد الخياط


يسعد ايااااااااامك يالغالي


تصحيح لأسمي


مطر العضياني


تقبل تحياتي