المحاورة التي جرت بين فراج بن ريفة والذيب

[الطرقي]

كان ابن ريفة أثناء رحلته من نجد الى الجنوب صادفه ذئب وأخذ يرافقه في رحلته وأثناء تلك الرحله قام ابن ريفة ومثل هذه الأبيات محاورة بينه وبين الذيب وهي :
قال ابن ريفة
ياذيب أناسلتك بدير لمانه عطني علوم البدو ياعجل لهذال
خابرك أنا عجل وفيك الفطانه ولايغرك في العشي روحة المال

قال الذيب
عهدي بهم ذا الليل موفي ثمانه ومن الرويضة مفرعين وحوال
متنحــرين صوب ســودا كـتانه والا على عطفة طريب ليا سال

قال ابن ريفة
قصيرنا يامن ونطلق لسانه ويروح منا مابعد حس له بال
وان جا على الما ماحدِجا مكانه لوكان مروين ولو كان بنهال
ولانسايس حـــرمته بالخــيانه والخابر الله ماطرالي على بال

وسلامتكم وهذي الي حصلت عليها من قصائد ابن ريفه

وتقبلوا تحيات أخوكم / الوافي

شكراً لك يالوافي
وماقصرت .... وياليتك وضعتها في منتدي من القائل والقصه والابيات
وانشاء الله ستجد القصه كامله ومعها القصيده هناك

أخوك / بحـــــــــــــــر

بسم الله الرحمن الرحيم

تسلم يالوافي ..

وكل ماحصلت شيء اكرمنا