تجمع مع العفّه عزيزٍ جنابها ......

مااشكي من الصكّات يا باذل النـدى
ولا همنـي دنيـا يخـادع سرابهـا

عنـدي لهـا صبـرٍ عليهـا يعيننـي
او واحـدٍ شـرواك يبنـي خرابهـا

ابو فهد

اولا الشهر عليك مبروك وعساك من صوامه وقوامه ...

ثانيا صح لسانك مليون ولا يكفون


مشهور....

الغالي فيصل العاصمي


قصيده رائعه من شاعر رائع

صح الله لسانك ولاهنت

جزله لاعدمتك

وكل عام وانت بخير ومبارك عليك الشهر

اخوووك

بو عرب

الله الله عليك يا ابوفهد

الله عليك


عزتييييييييي لك من اللي برى حالك



[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يا اهل الركايب عوجوا لـي رقابهـا
ريضوا و هاكم مـن يمينـي كتابهـا
روحوا لبـو ماجـد وهاتـو مثايلـه
وخذو بيوتٍ ناحـل الحـال جابهـا
قولوا له اني مـا تهنّـت نواظـري
عقبه وانا روحـي شديـدٍ صوابهـا
عيني سهيره والعرب فـي منامهـم
كـن المليلـه و الجمـر ينحشابهـا
عدّيت في تالي نهـاري مـن الملـل
من فوق رجمٍ معتلـي لـه هضابهـا
واقلـب الفكـر آتفكـر بذالـوضـع
وجـاذب الونـات محـدٍ درابـهـا
يا صاحبي عفت الحيـاة المعاكسـه
اجي لهـا عانـي و تمنـع زهابهـا
ليلٍ تبسّم لي واقـول الكـدر ذلـف
ثـمٍّ تعـاود لـي تكـشّـر بنابـهـا
واحيان اقول الموت ماهوب جاينـي
واحيان اذوق الموت باحلى شرابهـا
دنيـاً دنيّـه و العجايـب طبوعـهـا
فيها يجوع الحـر و يشبـع غرابهـا
شفت القدر ياخوك ما اكثـر نوايبـه
خاوى الدنيّـه يلبـس احلـى ثيابهـا
واعوّد النفس العليله علـى الصبـر
الله يجازي النفـس باعظـم ثوابهـا
يا محمد اسعف من تنصاك و انقـذه
افزع ما دام الروح تشكي مصابهـا
مااشكي من الصكّات يا باذل النـدى
ولا همنـي دنيـا يخـادع سرابهـا
عنـدي لهـا صبـرٍ عليهـا يعيننـي
او واحـدٍ شـرواك يبنـي خرابهـا
مير البلا يا خـوك حالـي تغيّـرت
من عقب زولٍ جظ وروحي غدابهـا
يومٍ لمحتـه صدفـةٍ راغ و ارتبـك
واسرع بمشيه صوب داره و بابهـا
طيفه بقـا بالعيـن و القلـب يذكـره
كل ما ذكرت الطيف نفسـي عثابهـا
خشفٍ نظيف العرض فالسر و العلن
رجله على الزلات ما قـد وطابهـا
العين عين اللي من الصيـد ذيّـرت
والعنق عنـق ادميـةٍ فـي شعابهـا
و الرمش عكشٍ مثره فـي خدودهـا
منها على الروح السليمـه عطابهـا
والخشم سيفٍ من سيـوفٍ تلامعـت
والخد ياضي كنـه شـذرة نصابهـا
و الشعـر ليـلٍ لا تحـدّر تكفكفـه
بكفوفها اللي ما شكت من خضابهـا
و المبسم احمر مثـل نـارٍ تواقـدت
يندى حمـار الـدم لـو جـاه نابهـا
و العود ليّن و السراجيـف ضامـره
حفنه مـن المطعـوم تاتـي هبابهـا
و الردف كنّه من نوابـي طعوسهـا
و السـاق مبـرومٍ بسيـطٍ قضابهـا
ويومٍ نشدت الناس صارت على طلبي
تجمـع مـع العفـة عزيـزٍ جنابهـا
امـردّده بالعـز مـن روس قومهـا
صغيـرةٍ ياخـوك بـاول شبابـهـا
حسبي عليها كيـف سـوّت بحالتـي
اقفت و قلبـي يـوم قفّـت شقابهـا
يا منبع المعروف و العـز و الفخـر
اصبحت كنـي بيـن حيـه و دابهـا
اخـاف لا يـدري سفيـه بحكايتـي
وتطيش كلمه مـن عرفهـا مشابهـا
يا عونـة الله مـن همـومٍ تكالبـت
ازريت من نفـسٍ تفاخـت صوابهـا
ودي على النسيان مير البـلا مكـن
اشعب ذلولي و البلا فـي جرابهـا
الحل وش هـو يـا زبـون المجـلا
إلحق علـى نفـسٍ تزايـد عذابهـا
[/poet]

صح لسااااااانك يا سنايدي




أخووووووووك

اررررررررررحب يافيصل



جزل وجزل وجزل ولاتاتي الا بالجزل




لاهنت


بيض الله وجهك اليوم ودوم


تقبل تحيات اخوك الصغير
نادر العرجاني

اخوي الغالي حسن الوطري

صح بدنك يابو عبدالله و اسعدني حضورك الذي يشرفني دائما

اخوك ابو فهد

ارحب يا فهد و ابرك الساعات شوفك لا عدمتك

عزيز و غالي و تشريفك لي يزيدني فخر

اسلم و سلم

وصح الله بدنك يالغالي


اخوك ابوفهد

اخوي الغالي سالم

صح بدنك لا عدمتك و شرفني حضورك

و المسامحه على التاخر في الرد و التقديم و االتاخير فيعلم انه غير مقصود

اخوك ابو فهد

اخوي الغالي نعير بن شلوان

صح بدنك و شرفني تواجدك الكريم

لاخلا و لا عدم

اخوك ابو فهد

اخوي الغالي السهران

صح بدنك و لاهنت على حضورك الكريم و ردك اللي افتخر به

اخوك ابو فهد

السلام عليكم
كيف حالك يافيصل
مريت اسلم واستمتع بالدرر اللي تكتبها
صح السانك

فيصل العاصمى





جزل يابو فهد




وقصيده عصما وعاصميه


من عاصمى لعاصمى



صح لسانك ولسان بن حوبان مقدما



اخوك


الدهمان

صح لسانك

فيصل العاصمي

على القصيده الرائعه

وعزالله ماقصرت يالقرم

مع تحياتي

اخوي الغالي سعودالدهيمي

صح الله بدنك و يشرفني طال عمرك تواجدك وافتخر برايك

اخوك ابو فهد

الغالي الشاعر / فيصل العاصمي


مساك الله بالخير


صح لسانك وبيض الله وجهك على هالتحفه الفريده



كتبت وأجدت وابن حوبان يستاهل


تقبل تحياتي

اخوي الغالي محمد بن شديد

صح الله بدنك و اشكرك على تواجدك العطر

اخوك فيصل العاصمي