Tweet
يالله اني طالبك وانـت فـي خلقـك بصيـر تكتـب الخيـره ولا تحـرم النفـس الغـنـاه
انت مـن يعلـم بغيـب الليالـي والمصيـر وانت من يامر وينهى ونمشـي فـي رضـاه
أحترص من بعض الاشياء واشاور واستخيـر كود في مـدح ابلـجٍ مرقـب الطولـه رقـاه
واتنومـس لا وصلنـي مـن الطيـب بشيـر واتهيـض كـل مـا ذعـذع الغربـي هـواه
المثل من قلب ولسـان واحسـاس وضميـر وسًلم الله راس مـن صخـر القـاف وحمـاه
ياهجوسـي جملينـي تـرى الموقـف كبيـر الجمالـه مطلـب الـرجـل واول مبـتـداه
جملينـي والوعـد عنـد صيـوان الامـيـر الاميـر اللـي جذبنـي ونومسـنـي نـبـاه
الثنـاء والمـدح والفكـر والشعـر الغزيـر والأدب من مطلعه لين ياصـل مـن منتهـاه
ما يليـق الا علـى اللـي يجيـر المستجيـر طيبٍ والطيـب مـوروث مـن جـده وابـاه
وانت يابن بعيث 00 شف الطراقي والجويـر ومنوة اللي فـي زمانـه حـداه اللـي حـداه
بس انـا يحدانـي الشـوق للوجـه السفيـر وانت ألك يدفعنـي الـود والشـوق وغـلاه
انت راع الطيب الاول عسـى خيـرك كثيـر يشهـد الله والمراجـل معـك مثـل الوصـاه
يكفي انك قمـت بالعـزم واطلقـت الاسيـر واستقـر وقــرت اعـيـون شيـبـانٍ وراه
ويكفـي انـك مرجـعٍ للكبيـر وللصغـيـر مرجـعٍ للحـق مـن دون ريبـه واشتـبـاه
ويكفـي انـك لليتامـى عضـيـد وللفقـيـر مثل ضلع النير حيث المـذاري فـي حجـاه
والله اني فيـك لا اسمـع ولا فيـك استشيـر وانت من قدىً كثير العـرب واخلـص معـاه
والله ان فكر اكثر الناس غيـرٍ وانـت غيـر انت ألـك فكـر وطريقـه ومنهـج واتجـاه
وانت ربعك هم هل المجـد والفعـل الشهيـر أشهر امن النـار فـوق العلـم بيـن الـرواه
ماتجاهلهـا مـن القـوم عـود ولا غـريـر فعلها يشهد من اقصى الشمـال اليـا السـراه
كم وقع من ضربهم من قتيـل ومـن كسيـر فـي نـهـارٍ والمنـايـا سـهـومٍ للـرمـاه
ما يزعزعهـا صهيـل الرمـك والا النذيـر الخطر تاطـاه والشـره تسعـى فـي شقـاه
ذي عوايدهـم علـى كـل وقـتٍ ياغتـيـر عـزوةٍ بيـن القبايـل لهـا قــدرٍ وجــاه
عزوةٍ من سابـق الوقـت والوقـت الاخيـر مجدهـا مجـدٍ يشـرف ولا يٍلحـق مــداه
لعنبو مدحٍ قصر عن هـل السيـف الشطيـر لا قصر عنهم فـلا عـاد الـه ذوق وطـراه
كـان للنامـوس غايـه ولـه نـد وخشـيـر ال حمـراء هـم غرامـه ونـده وخـشـراه
هـم لنـا فـي شـر والا نهـارٍ فيـه خيـر ذخرنا اللـي مابعـد شـح يـومٍ فـي عطـاه
وحن سواة الدرع والسيف 00 في وجه المغير دونهم نقـدم علـى المـوت ونعيـف الحيـاه
ما تصح الا الصراحـه ولـو طـال المسيـر والحظيظ اللـي يميـز صوابـه مـن خطـاه
والختام اعـداد مـا هـب نسنـاس العصيـر لا أله الا انت ياخالـق ارضـه مـع سمـاه
صح السانك وبيض الله وجهك
وشهد بالله انك شاعر قمه وشاعر بما تعنيه الكلمه
وبو فهد يستاهل الثناء وكفوو
00
تحياتي واعجابي
انت مـن يعلـم بغيـب الليالـي والمصيـر وانت من يامر وينهى ونمشـي فـي رضـاه
أحترص من بعض الاشياء واشاور واستخيـر كود في مـدح ابلـجٍ مرقـب الطولـه رقـاه
واتنومـس لا وصلنـي مـن الطيـب بشيـر واتهيـض كـل مـا ذعـذع الغربـي هـواه
المثل من قلب ولسـان واحسـاس وضميـر وسًلم الله راس مـن صخـر القـاف وحمـاه
ياهجوسـي جملينـي تـرى الموقـف كبيـر الجمالـه مطلـب الـرجـل واول مبـتـداه
جملينـي والوعـد عنـد صيـوان الامـيـر الاميـر اللـي جذبنـي ونومسـنـي نـبـاه
الثنـاء والمـدح والفكـر والشعـر الغزيـر والأدب من مطلعه لين ياصـل مـن منتهـاه
ما يليـق الا علـى اللـي يجيـر المستجيـر طيبٍ والطيـب مـوروث مـن جـده وابـاه
وانت يابن بعيث 00 شف الطراقي والجويـر ومنوة اللي فـي زمانـه حـداه اللـي حـداه
بس انـا يحدانـي الشـوق للوجـه السفيـر وانت ألك يدفعنـي الـود والشـوق وغـلاه
انت راع الطيب الاول عسـى خيـرك كثيـر يشهـد الله والمراجـل معـك مثـل الوصـاه
يكفي انك قمـت بالعـزم واطلقـت الاسيـر واستقـر وقــرت اعـيـون شيـبـانٍ وراه
ويكفـي انـك مرجـعٍ للكبيـر وللصغـيـر مرجـعٍ للحـق مـن دون ريبـه واشتـبـاه
ويكفـي انـك لليتامـى عضـيـد وللفقـيـر مثل ضلع النير حيث المـذاري فـي حجـاه
والله اني فيـك لا اسمـع ولا فيـك استشيـر وانت من قدىً كثير العـرب واخلـص معـاه
والله ان فكر اكثر الناس غيـرٍ وانـت غيـر انت ألـك فكـر وطريقـه ومنهـج واتجـاه
وانت ربعك هم هل المجـد والفعـل الشهيـر أشهر امن النـار فـوق العلـم بيـن الـرواه
ماتجاهلهـا مـن القـوم عـود ولا غـريـر فعلها يشهد من اقصى الشمـال اليـا السـراه
كم وقع من ضربهم من قتيـل ومـن كسيـر فـي نـهـارٍ والمنـايـا سـهـومٍ للـرمـاه
ما يزعزعهـا صهيـل الرمـك والا النذيـر الخطر تاطـاه والشـره تسعـى فـي شقـاه
ذي عوايدهـم علـى كـل وقـتٍ ياغتـيـر عـزوةٍ بيـن القبايـل لهـا قــدرٍ وجــاه
عزوةٍ من سابـق الوقـت والوقـت الاخيـر مجدهـا مجـدٍ يشـرف ولا يٍلحـق مــداه
لعنبو مدحٍ قصر عن هـل السيـف الشطيـر لا قصر عنهم فـلا عـاد الـه ذوق وطـراه
كـان للنامـوس غايـه ولـه نـد وخشـيـر ال حمـراء هـم غرامـه ونـده وخـشـراه
هـم لنـا فـي شـر والا نهـارٍ فيـه خيـر ذخرنا اللـي مابعـد شـح يـومٍ فـي عطـاه
وحن سواة الدرع والسيف 00 في وجه المغير دونهم نقـدم علـى المـوت ونعيـف الحيـاه
ما تصح الا الصراحـه ولـو طـال المسيـر والحظيظ اللـي يميـز صوابـه مـن خطـاه
والختام اعـداد مـا هـب نسنـاس العصيـر لا أله الا انت ياخالـق ارضـه مـع سمـاه
صح السانك وبيض الله وجهك
وشهد بالله انك شاعر قمه وشاعر بما تعنيه الكلمه
وبو فهد يستاهل الثناء وكفوو
00
تحياتي واعجابي
تعليق